# Кыргызстандын Эфиопиядагы Элчилиги уюштурулду

- Толук аталышы: Кыргызстандын Эфиопиядагы Элчилиги уюштурулду
- Актынын түрү: Указ
- Кабыл алынган күнү: 18.03.2025
- Редакциянын күнү: 18.03.2025
- Тексттин тили: кыргыз тили
- aqlex'теги барагы: <https://aqlex.ai/kg/doc/president-38938>
- Расмий булак: <https://president.kg/ru/news/22/38938>
- Башка тилдеги тексти (Markdown): <https://aqlex.ai/doc/president-38938.md>

> Текст расмий булактын маалыматы боюнча 18.03.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргызстандын Эфиопиядагы Элчилиги уюштурулду (18.03.2025 редакциясы) - https://aqlex.ai/kg/doc/president-38938

---

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Эфиопия Федеративдик Демократиялык Республикасы менен саясий, соода-экономикалык, илимий-техникалык жана маданий байланыштарын андан ары өнүктүрүүнү камсыз кылуу максатында, “Кыргыз Республикасынын дипломатиялык кызматы жөнүндө” Кыргыз Республикасынын Мыйзамынын 5-беренесинин 2-бөлүгүнө, “Мамлекеттик органдардын Кыргыз Республикасынын тышкы саясат чөйрөсүндөгү өз ара аракеттенүүсү жөнүндө” Кыргыз Республикасынын Мыйзамынын

4-беренесинин 10-пунктуна ылайык токтом кылынат:

1. Аддис-Абеба шаарында жайгаштыруу менен Кыргыз Республикасынын Эфиопия Федеративдик Демократиялык Республикасындагы Элчилиги уюштурулсун.

2. Кыргыз Республикасынын Министрлер Кабинети:

– Кыргыз Республикасынын Эфиопия Федеративдик Демократиялык Республикасындагы Элчилигинин ишин уюштуруу жана финансылык жактан камсыз кылуу маселелерин чечсин;

– Кыргыз Республикасынын Тышкы иштер министрлигинин штаттык санын 4 бирдикке көбөйтүү маселесин чечсин;

– өзүнүн чечимдерин ушул Жарлыкка ылайык келтирсин.