# КР Өкмөтүнүн 2019-жылдын 4-мартындагы № 99 токтому - Толук аталышы: КР Өкмөтүнүн 2019-жылдын 4-мартындагы № 99 токтому - Актынын түрү: Постановление - Номери: 99 - Кабыл алынган күнү: 11.03.2019 - Редакциянын күнү: 11.03.2019 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 11.03.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2019-жылдын 4-мартындагы № 99 токтому (11.03.2019 редакциясы) - https://aqlex.ai/kg/doc/govkg-99 --- Кыргыз Республикасынын Өкмөтүнүн 2002-жылдын 22-июлундагы № 488 «Автордук укуктун жана чектеш укуктардын объектилерин пайдалангандыгы үчүн автордук сый акылардын минималдык өлчөмдөрү жөнүндө» токтомуна өзгөртүүлөрдү киргизүү тууралуу «Автордук укук жана чектеш укуктар жөнүндө» Кыргыз Республикасынын Мыйзамынын 31-беренесине, «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат: 1. Кыргыз Республикасынын Өкмөтүнүн 2002-жылдын 22-июлундагы № 488 «Автордук укуктун жана чектеш укуктардын объектилерин пайдалангандыгы үчүн автордук сый акылардын минималдык өлчөмдөрү жөнүндө» токтомуна төмөнкүдөй өзгөртүүлөр киргизилсин: жогоруда аталган токтом менен бекитилген Автордук укуктун жана чектеш укуктардын объектилерин пайдалангандыгы үчүн автордук сый акылардын минималдык өлчөмдөрү жөнүндө жободо: - 4-пунктта: «в» пунктчасындагы «ж.б.» деген сөздөр алып салынсын; «г» пунктчасындагы «ж.б.» деген сөздөр алып салынсын; «д» пунктчасындагы «, казинолор ж.б.» деген сөздөр алып салынсын; «е» пунктчасындагы «ж.б. деген сөздөр алып салынсын; «ж» пунктчасындагы «чатыр дүкөнчөлөр, столдор, стенддер» деген сөздөр «соода борборлору, соода үйлөрү, супермаркеттер» деген сөздөр менен алмаштырылсын; «з» пунктчасындагы «стадиондор, парктар, спорт залдары,» жана «ж.б.» деген сөздөр алып салынсын; «и» пунктчасындагы «ж.б.) жана жүргүнчүлөр транспортунун бардык түрлөрү» деген сөздөр «, спорт залдары)» деген сөздөр менен алмаштырылсын; «к» пунктчасы күчүн жоготту деп таанылсын; - II бөлүм төмөнкүдөй мазмундагы 183 жана 184-пункттар менен толукталсын: «183. I бөлүмдүн 4-пунктунун з) пунктчасына ылайык автордук сый акынын ай сайын белгиленүүчү чендеринин өлчөмү төмөнкү формула менен эсептелет: С = Сб х Км х Кк, мында: С – автордук сый акынын чени; Сб – негизги чен; Км – төлөөчүнүн жайгашкан жеринин коэффициенти; Кк – тейлөөнүн класстуулук коэффициенти. Сб = РП х N / 100, мында: РП – Кыргыз Республикасынын мыйзамдары менен белгиленген эсептик көрсөткүч; N – телевизорлору бар мейманканалардагы (эс алуу үйлөрүндөгү, пансионаттардагы, санаторийлердеги, курорттордогу) номерлердин саны. Төлөөчүнүн жайгашкан жеринин коэффициенти (Км) төлөөчүгө төмөнкү райондордо анын жайгашуусуна жараша берилет: Км = 20 – Бишкек жана Ош шаарлары; Км = 10 – Ысык-Көл облусунун Чолпон-Ата жана Каракол шаарлары; Жалал-Абад облусунун Жалал-Абад шаары; Км = 5 – Кыргыз Республикасынын калган калктуу конуштары. Тейлөөнүн класстуулук коэффициенти (Кк) мейманканадагы (эс алуу үйүндөгү, пансионаттагы, санаторийдеги, курорттогу) номерлердин орточо наркы боюнча эсептелет: Кк = 5 – тейлөөнүн эң жогорку деңгээли (номерлердин орточо наркы 150 РПдан жогору); Кк = 4 – тейлөөнүн жогорку деңгээли (80 РП дан 150 РПга чейин); Кк = 2 – тейлөөнүн орточо деңгээли (20 РП дан 80 РПга чейин); Кк = 1 – тейлөөнүн төмөнкү деңгээли (20 РПга чейин), мында РП – мыйзам менен белгиленген эсептик көрсөткүч. 184. I бөлүмдүн 4-пунктунун и) пунктчасына ылайык автордук сый акынын ай сайын белгиленүүчү чендеринин өлчөмү төмөнкү формула менен эсептелет: С = Сб х Км х Кк, мында: С – автордук сый акынын чени; Сб – негизги чен; Км – төлөөчүнүн жайгашкан жеринин коэффициенти; Кк – тейлөөнүн класстуулук коэффициенти. Сб = РП х Р / 100, мында: РП – Кыргыз Республикасынын мыйзамдары менен белгиленген эсептик көрсөткүч; Р – музыкалык чыгармалар пайдаланылуучу кызмат көрсөтүү чөйрөлөрүнүн ишканаларынын жайлары (кв. метр). Төлөөчүнүн жайгашкан жеринин коэффициенти (Км) төлөөчүгө төмөнкү райондордо анын жайгашуусуна жараша берилет: Км = 2 – Бишкек жана Ош шаарлары; Км = 1 – Ысык-Көл облусунун Чолпон-Ата жана Каракол шаарлары; Жалал-Абад облусунун Жалал-Абад шаары; Км = 0,5 – Кыргыз Республикасынын калган калктуу конуштары. Тейлөөнүн класстуулук коэффициенти (Кк) төлөөчүнүн каталогундагы кызмат көрсөтүүлөрдүн орточо наркы боюнча эсептелет: Кк = 5 – тейлөөнүн эң жогорку деңгээли (кызмат көрсөтүүлөрдүн орточо наркы 8 РПдан жогору); Кк = 4 – тейлөөнүн жогорку деңгээли (5 РПдан 8 РПга чейин); Кк = 2 – тейлөөнүн орточо деңгээли (3 РПдан 5 РПга чейин); Кк = 1 – тейлөөнүн төмөнкү деңгээли (3 РПдан баштап), мында РП - мыйзам менен белгиленген эсептик көрсөткүч.». 2. Ушул токтом расмий жарыяланган күндөн тартып он беш күн өткөндөн кийин күчүнө кирет. Премьер-министр М.Д.Абылгазиев Тиркемелер Басып чыгаруу