# КР Өкмөтүнүн 2016-жылдын 3-октябрындагы № 522 токтому - Толук аталышы: КР Өкмөтүнүн 2016-жылдын 3-октябрындагы № 522 токтому - Актынын түрү: Постановление - Номери: 522 - Кабыл алынган күнү: 12.10.2016 - Редакциянын күнү: 12.10.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 12.10.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2016-жылдын 3-октябрындагы № 522 токтому (12.10.2016 редакциясы) - https://aqlex.ai/kg/doc/govkg-989 --- Автордук укук, чектеш укуктар объектилерин жана интегралдык микросхемалардын топологияларын каттоо үчүн жыйымдар жөнүндө жобону бекитүү тууралуу Кыргыз Республикасынын жеке жана юридикалык жактарына таандык интеллектуалдык менчик объектилерин укуктук жактан коргоо жол-жоболорун өркүндөтүү максатында, “Автордук укук жана чектеш укуктар жөнүндө” Кыргыз Республикасынын Мыйзамынын 9, 32, 37 жана 38-беренелерине, “Электрондук эсептөө машиналары үчүн программаларды жана маалыматтар базаларын укуктук коргоо жөнүндө” Кыргыз Республикасынын Мыйзамынын 14-беренесине, “Интегралдык микросхемалардын топологияларын укуктук коргоо жөнүндө” Кыргыз Республикасынын Мыйзамынын 9-беренесине, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат: 1. Автордук укук, чектеш укуктар объектилерин жана интегралдык микросхемалардын топологияларын каттоо үчүн жыйымдар жөнүндө жобо тиркемеге ылайык бекитилсин. 2. Төмөнкүлөр күчүн жоготту деп таанылсын: - Кыргыз Республикасынын Өкмөтүнүн 1999-жылдын 14-майындагы № 260 “Автордук укук, эриш-аркак укуктардын объектилерин жана автордук келишимдерди каттоо жыйымдары жөнүндө” токтому; - Кыргыз Республикасынын Өкмөтүнүн 1999-жылдын 26-майындагы № 286 “Электрондук эсептөө машиналары, маалыматтар базалары жана интегралдык микросхемалардын топологиялары үчүн программаларды каттоого жыйымдар жөнүндө жобону бекитүү тууралуу” токтому; - Кыргыз Республикасынын Өкмөтүнүн 2001-жылдын 15-майындагы № 233 “Кыргыз Республикасынын Өкмөтүнүн кээ бир чечимдерин өзгөртүү жана күчүн жоготту деп табуу жөнүндө” токтомунун 8-пункту; - “Кыргыз Республикасынын Өкмөтүнүн 1999-жылдын 26-майындагы № 286 токтому менен бекитилген Электрондук-эсептөө машиналары үчүн программаларды, маалыматтар базаларын жана интегралдык микросхемалардын топологияларын каттагандыгы үчүн жыйымдар жөнүндө жобого өзгөртүүлөрдү жана толуктоолорду киргизүү тууралуу” Кыргыз Республикасынын Өкмөтүнүн 2002-жылдын 14-декабрындагы № 850 токтому; - “Кыргыз Республикасынын Өкмөтүнүн 1999-жылдын 14-майындагы № 260 “Автордук укук, чектеш укуктардын объектилерин жана автордук келишимдерди каттоо жыйымдары жөнүндө” токтомуна толуктоо киргизүү жөнүндө” Кыргыз Республикасынын Өкмөтүнүн 2003-жылдын 20-октябрындагы № 658 токтому; - “Кыргыз Республикасынын Өкмөтүнүн 1999-жылдын 14-майындагы № 260 “Автордук укук, чектеш укуктар объектилерин жана автордук келишимдерди каттоо үчүн жыйымдар жөнүндө” токтомуна өзгөртүүлөрдү киргизүү тууралуу” Кыргыз Республикасынын Өкмөтүнүн 2008-жылдын 16-августундагы № 461 токтому. 3. Ушул токтом расмий жарыяланган күндөн он беш күн өткөндөн кийин күчүнө кирет. Премьер-министр С.Ш.Жээнбеков Тиркемелер Тиркеме 1 Басып чыгаруу