# КР Өкмөтүнүн 2016-жылдын 30-декабрындагы № 714 токтому

- Толук аталышы: КР Өкмөтүнүн 2016-жылдын 30-декабрындагы № 714 токтому
- Актынын түрү: Постановление
- Номери: 714
- Кабыл алынган күнү: 05.01.2017
- Редакциянын күнү: 05.01.2017
- Тексттин тили: кыргыз тили
- aqlex'теги барагы: <https://aqlex.ai/kg/doc/govkg-907>
- Расмий булак: <https://www.gov.kg/ru/npa/s/907>
- Башка тилдеги тексти (Markdown): <https://aqlex.ai/doc/govkg-907.md>

> Текст расмий булактын маалыматы боюнча 05.01.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2016-жылдын 30-декабрындагы № 714 токтому (05.01.2017 редакциясы) - https://aqlex.ai/kg/doc/govkg-907

---

Кыргыз Республикасынын Өкмөтүнүн 2016-жылдын 29-январындагы № 40 “Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин Атайын эсеби тууралуу жобону бекитүү жөнүндө” токтомуна өзгөртүүлөрдү жана толуктоо киргизүү тууралуу

Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин ведомстволук ишканаларынын аткарган милдеттеринин жана функцияларынын сапатын жакшыртуу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2016-жылдын 29-январындагы № 40 “Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин Атайын эсеби тууралуу жобону бекитүү жөнүндө” токтомуна төмөнкүдөй өзгөртүүлөр жана толуктоо киргизилсин:

жогоруда аталган токтом менен бекитилген Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин Атайын эсеби тууралуу жободо:

- 8-пункттун он тогузунчу абзацы төмөнкүдөй редакцияда баяндалсын:

“- Комитеттин ведомстволук бөлүмдөрүнө жана ишканаларына, ошондой эле алардын ишин жакшыртууга багытталган башка иш-чараларга кайтарымдуу финансылык жардам көрсөтүүгө.”;

- 9-пункттун төртүнчү абзацы “Комитеттин ведомстволук ишканалары үчүн” деген сөздөрдөн кийин “кайтарымдуу же бекер негизде” деген сөздөр менен толукталсын;

- 10-пункттун төртүнчү абзацындагы “геологиялык маалыматтар ресурстарын даярдоого түздөн-түз катышкан” деген сөздөр алып салынсын.

2. Ушул токтом расмий жарыяланган күндөн тартып жети күн өткөндөн кийин күчүнө кирет.

Премьер-министр С.Ш.Жээнбеков

Тиркемелер

Басып чыгаруу