КР Өкмөтүнүн токтому

Аскер кызматчылары, укук коргоо органдарынын кызматкерлери жана алардын үй-бүлөлөрү үчүн пенсияларды эсептөөдө эске алынуучу паектук акчалардын өлчөмдөрү жөнүндө

Аскер кызматчыларынын, укук коргоо органдарынын кызматкерлеринин жана алардын үй-бүлөлөрүнүн пенсияларын эсептөөдө эске алынуучу паектук акчаларды эсептөө тартибин жана төлөөнү жөнгө салуу максатында, «Аскер кызматкерлерин пенсия менен камсыз кылуу жөнүндө» Кыргыз Республикасынын Мыйзамынын 45-беренесине ылайык Кыргыз Республикасынын Өкмөтү токтом кылат:

1. Офицердик курамдагы адамдарга, прапорщиктерге, мичмандарга жана мөөнөттөн тышкаркы кызматтын аскер кызматчыларына, ички иштер органдарынын, Өрткө каршы мамлекеттик кызматтын, жазык-аткаруу тутумунун мекемелери менен органдарынын, баңгизаттарды контролдоо чөйрөсүндөгү ыйгарым укуктуу мамлекеттик органдын, финансы полициясынын башкаруучу жана катардагы курамындагы адамдарга жана алардын үй-бүлөлөрүнө пенсияларды эсептөөдө бир айлык паектук акчалар эсепке алынаары белгиленсин:

- 2013-жылдын 17-сентябры – 2017-жылдын 31-марты мезгили үчүн – тиркемеге ылайык өлчөмдө;

- 2017-жылдын 1-апрелинен тартып – 1800 сом.

2. Ушул токтом расмий жарыяланган күндөн тартып он күн өткөндөн кийин күчүнө кирет.

Премьер-министр С.Ш.Жээнбеков

Тиркемелер

Басып чыгаруу