# КР Өкмөтүнүн 2017-жылдын 15-декабрындагы № 813 токтому - Толук аталышы: КР Өкмөтүнүн 2017-жылдын 15-декабрындагы № 813 токтому - Актынын түрү: Постановление - Номери: 813 - Кабыл алынган күнү: 29.12.2017 - Редакциянын күнү: 29.12.2017 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 29.12.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2017-жылдын 15-декабрындагы № 813 токтому (29.12.2017 редакциясы) - https://aqlex.ai/kg/doc/govkg-643 --- Кыргыз Республикасынын Өкмөтүнүн 2016-жылдын 14-мартындагы № 128 Кыргыз Республикасынын жер үстүндөгү сууларын коргоо эрежесин бекитүү жөнүндө токтомуна өзгөртүүлөрдү жана толуктоолорду киргизүү жөнүндө Жер үстүндөгү сууларды коргоо боюнча иш-чараларды өркүндөтүү максатында, "Коомдук саламаттык сактоо жөнүндө" Кыргыз Республикасынын Мыйзамына ылайык, «Кыргыз Республикасынын Өкмөтү жөнүндөгү» Кыргыз Республикасынын Конституциялык Мыйзамынын 10 жана 17- беренелерин жүзөгө ашыруу максатында Кыргыз Республикасынын Өкмөтү токтом кылат: 1. Кыргыз Республикасынын Өкмөтүнүн 2016-жылдын 14-мартында кабыл алынган «Кыргыз Республикасынын жер үстүндөгү сууларын коргоо эрежесин бекитүү жөнүндөгү» №128 токтомуна төмөнкүдөй өзгөртүүлөр киргизилсин: жогоруда аталган токтом менен бекитилген Кыргыз Республикасынын жер үстүндөгү сууларын коргоо эрежесине: - 3-пунктагы «жана экологиялык бакубатчылыкты деген сөздү» «, экологиялык жана санитардык-эпидемиологиялык бакубатчылыкты» деген сөзгө алмаштыруу керек. - 8-пункт төмөнкү мазмундагы тогузунчу - он биринчи абзац менен толукталсын: «-туризм, спорт жана калк массалык эс алуучу жерлерге, өнөр жайлардын, айыл чарбасынын, шаардын агынды сууларын агызууга тыюу салынат»; «-табигый дарылык ресурстардан турган суу объекттерине, өнөр жайлардын, айыл чарбасынын, шаардын агынды сууларын агызууга жана уюшулган жаан сууларын агызууга тыюу салынат»; «-чарбалык-ичүүчү суу менен жабдуу булактарын санитардык коргоо зонасынын экинчи алкагынын чегинде, эгерде агынды сууларда булгоочу заттар жана микроорганизмдер ушул Эрежелердин 1-тиркемесиндеги гигиеналык ченемдердин белгиленген нормасынан ашып кетсе, агызуу тыюу салынат»; -37 пункттун 2 - абзацындагы «коомдук саламаттыкты сактоо жаатында мамлекеттик саясатты ишке ашырган ыйгарым укуктуу мамлекеттик орган» деген сүйлөмдү «Кыргыз Республикасынын калкынын санитардык-эпидемиологиялык бейпилдиги жаатындагы ыйгарым укуктуу орган» деген сүйлөмгө алмаштыруу керек. - төмөнкү маанидеги 431 пункту менен толукталсын: «431. Кыргыз Республикасынын калкынын санитардык-эпидемиологиялык бейпилдиги жаатындагы ыйгарым укуктуу орган калктын маданий-тиричиликте суу пайдалануусунун суу объекттеринин суусунун сапатына сууга түшүү сезону башталганга чейин кеминде эки жолу жана сууга түшүү сезонунун учурунда айына кеминде эки жолу лабораториялык контроль жүргүзөт». 1-тиркемеге: - 12 пунктагы «Ооруларды» деген сөздү «Жугуштуу ичеги-карын ооруларынын» деген сөзгө алмаштыруу керек. - 13 пункт төмөнкүдөй мазмунда редакциялансын: « 13 Жалпы ичеги таякчасына окшош бактериялардын жалпы саны ашуун эмес 100 мл суудагы бактериялардын саны-1000 100 мл суудагы бактериялардын саны-500 \- \- ». - төмөнкү маанидеги 131 -пункт менен толукталсын: « 131 Жылуулукка туруктуу ичеги таякчасына окшош бактериялар жана жалпы ичеги таякчасына окшош бактериялардын жалпы саны ашуун эмес: 100 мл суудагы бактериялардын саны-100 100 мл суудагы бактериялардын саны-100 \- \- »; - 14 пункт төмөнкүдөй мазмунда редакциялансын: « 14 Ичеги фагы(бляшкалоочу бирдикте) ашуун эмес: 10 БПКБ/100 мл 10БПКБ/100 мл \- \- »; 2. Бул токтом расмий жарыяланган күндөн баштап 15 күн өткөндөн соң күчүнө кирет. Премьер-министр С.Дж.Исаков Тиркемелер Басып чыгаруу