КР Өкмөтүнүн токтому

Кыргыз Республикасынын саламаттык сактоо уюмдарында медициналык калдыктар жана сымаптуу буюмдар менен иштөө боюнча маселелер жөнүндө

Медициналык калдыктардын адамдын ден соолугуна жана курчап турган чөйрөгө зыяндуу таасиринин алдын алуу, сымаптуу буюмдар менен иштөөнү тартипке келтирүү максатында, “Коомдук саламаттык сактоо жөнүндө” Кыргыз Республикасынын Мыйзамынын 12-беренесине жана “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Төмөнкүлөр бекитилсин:

- Кыргыз Республикасынын аймагында медициналык калдыктар

менен иштөө боюнча убактылуу нускама, 1-тиркемеге ылайык;

- Медициналык багыттагы сымаптуу буюмдар менен иштөөнүн убактылуу эрежелери, 2-тиркемеге ылайык.

2. Кыргыз Республикасынын Саламаттык сактоо министрлиги эки айлык мөөнөттө Кыргыз Республикасынын Өкмөтү тарабынан “Коомдук саламаттык сактоо жөнүндө” Кыргыз Республикасынын Мыйзамына медициналык калдыктар жана сымаптуу буюмдар менен иштөө боюнча ченемдик укуктук актыларды кабыл алуу бөлүгүндө өзгөртүүлөрдү киргизүүнү караган Кыргыз Республикасынын Мыйзамынын долбоорун иштеп чыгып, Кыргыз Республикасынын Өкмөтүнүн кароосуна киргизсин.

3. Ушул токтом республикалык бюджеттен каржылануучу саламаттык сактоо уюмдары тарабынан тийиштүү жылга каралган каражаттардын чегинде ишке ашырылары белгиленсин.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.

5. Ушул токтом расмий жарыяланган күндөн тартып он беш күн өткөндөн кийин күчүнө кирет жана 2019-жылдын 1-январына чейин жарактуу.

Премьер-министр С.Ж.Исаков

Тиркемелер

Тиркеме 1

Басып чыгаруу