# КР Министрлер Кабинетинин 14.08.2023-ж. № 406 токтому

- Толук аталышы: КР Министрлер Кабинетинин 14.08.2023-ж. № 406 токтому
- Актынын түрү: Постановление
- Номери: 406
- Кабыл алынган күнү: 17.08.2023
- Редакциянын күнү: 17.08.2023
- Тексттин тили: кыргыз тили
- aqlex'теги барагы: <https://aqlex.ai/kg/doc/govkg-4466>
- Расмий булак: <https://www.gov.kg/ru/npa/s/4466>
- Башка тилдеги тексти (Markdown): <https://aqlex.ai/doc/govkg-4466.md>

> Текст расмий булактын маалыматы боюнча 17.08.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Министрлер Кабинетинин 14.08.2023-ж. № 406 токтому (17.08.2023 редакциясы) - https://aqlex.ai/kg/doc/govkg-4466

---

Азык-түлүк коопсуздугун камсыз кылуу жана рыноктук бааларды турукташтыруу боюнча чаралар жөнүндө

Өлкөнүн азык-түлүк коопсуздугун камсыз кылуу жана азык-түлүк товарларына рыноктук бааларды турукташтыруу максатында, Кыргыз Республикасынын Салык кодексинин 341-беренесинин 2-пунктуна, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. 2023-жылдын 15-майынан тартып 2023-жылдын 25-майына чейин өсүмдүк майын ЕАЭБ ТЭИ ТН 1512 коду салык салынуучу жеткирүүлөргө жана салык салынуучу импортко кошумча нарк салыгынын (КНС) ставкасы нөл (0) пайыз өлчөмүндө белгиленсин.

2. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

3. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын

Министрлер Кабинетинин

Төрагасы А.У. Жапаров

Тиркемелер

Басып чыгаруу