КР Өкмөтүнүн токтому

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоо киргизүү жөнүндө

Мектептен тышкаркы билим берүү уюмдарынын кызматкерлеринин эмгек акысын жогорулатуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2011-жылдын 19-январындагы № 18 "Билим берүү уюмдарынын кызматкерлерине эмгек акы төлөөнүн жаңы шарттарын киргизүү жөнүндө" токтомуна төмөнкүдөй өзгөртүүлөр жана толуктоо киргизилсин:

- жогоруда аталган токтомдун 3-тиркемесиндеги таблица төмөнкүдөй редакцияда баяндалсын:

"

№

Кызматтын аталышы

Ставканын өлчөмү, сом менен

1

Төмөнкүлөргө ээ ийримдин окутуучусу:

- орто кесиптик билимге;

7500

- жогорку билимге;

8250

- академиялык магистр даражасын ыйгаруу менен жогорку билимге

9000

";

жогоруда аталган токтомдун 9-тиркемесиндеги таблица төмөнкүдөй редакцияда баяндалсын:

"

Окуучулардын саны боюнча мектептен тышкаркы билим берүү уюмдары

Бир айдагы кызматтык маяна, сом менен

Директор

Директордун окуу-тарбия иштери боюнча орун басары

Директордун башка орун басарлары

210дон 420га чейин

6000

5400

5100

420дан 900гө чейин

6600

5940

5610

900дөн 1380ге чейин

7200

6480

6120

1380ден көп

7800

7020

6630

";

- жогоруда аталган токтомдун 14-тиркемесинин эскертүүсү төмөнкүдөй мазмундагы 1-2-пункт менен толукталсын:

"1-2. Ушул тиркеменин III пунктунда аталган мектептен тышкаркы билим берүү уюмдарынын кызматчыларынын кызматтык маяналарына 1, 2 коэффициенти колдонулат.".

2. Кыргыз Республикасынын Өкмөтүнүн 2011-жылдын 31-майындагы № 270 "Билим берүү уюмдарынын кызматкерлеринин эмгек акыларын эсептөөнүн тартиби жөнүндө нускаманы бекитүү тууралуу" токтомуна төмөнкүдөй өзгөртүү киргизилсин:

- жогоруда аталган токтом менен бекитилген Билим берүү уюмдарынын кызматкерлеринин эмгек акысын эсептөөнүн тартиби жөнүндө нускамада:

"8250 сом х 22 саат : 20 саат = 9075 сом.".

3. Кыргыз Республикасынын Финансы министрлиги "Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу сунуштарды даярдоодо ушул токтомдон келип чыгуучу чыгымдарды эсепке алсын.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

5. Ушул токтом расмий жарыяланууга тийиш жана 2015-жылдын 1-сентябрынан тартып күчүнө кирет.

Кыргыз Республикасынын Премьер-министри

Т.Сариев

Тиркемелер

Басып чыгаруу