# КР Өкмөтүнүн 2017-жылдын 13-февралындагы № 99 "Кыймылдуу мүлккө талап укуктарынын бирдиктүү мамлекеттик реестри жөнүндө жобону бекитүү тууралуу" токтому - Толук аталышы: КР Өкмөтүнүн 2017-жылдын 13-февралындагы № 99 "Кыймылдуу мүлккө талап укуктарынын бирдиктүү мамлекеттик реестри жөнүндө жобону бекитүү тууралуу" токтому - Актынын түрү: Постановление - Номери: 99 - Кабыл алынган күнү: 13.02.2017 - Статусу: Күчүндө - Редакциянын күнү: 08.02.2021 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 08.02.2021 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2017-жылдын 13-февралындагы № 99 "Кыймылдуу мүлккө талап укуктарынын бирдиктүү мамлекеттик реестри жөнүндө жобону бекитүү тууралуу" токтому (08.02.2021 редакциясы) - https://aqlex.ai/kg/doc/99794 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 13-февралы № 99 Кыймылдуу мүлккө талап укуктарынын бирдиктүү мамлекеттик реестри жөнүндө жобону бекитүү тууралуу "Күрөө жөнүндө" Кыргыз Республикасынын Мыйзамынын 21-1-беренесин аткаруу үчүн, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Кыймылдуу мүлккө талап укуктарынын бирдиктүү мамлекеттик реестри жөнүндө жобо (мындан ары - Жобо) тиркемеге ылайык бекитилсин. 2. Кыргыз Республикасынын Юстиция министрлиги белгиленген тартипте жогоруда аталган Жобонун ченемдерин ишке ашырууга багытталган чараларды көрсүн. (КР Өкмөтүнүн 2021-жылдын 8-февралындагы № 35 токтомунун редакциясына ылайык) 3. Ушул токтом расмий жарыяланган күндөн тартып күчүнө кирет. 4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын экспертиза жана укуктук камсыздоо бөлүмүнө жүктөлсүн. Премьер-министр С.Жээнбеков