# Кыргыз Республикасынын Өкмөтүнүн 2016-жылдын 28-марты № 157 "Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлерин бекитүү жөнүндө" токтому - Толук аталышы: Кыргыз Республикасынын Өкмөтүнүн 2016-жылдын 28-марты № 157 "Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлерин бекитүү жөнүндө" токтому - Актынын түрү: Постановление - Номери: 157 - Кабыл алынган күнү: 28.03.2016 - Статусу: Күчүндө - Редакциянын күнү: 13.12.2023 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 13.12.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Өкмөтүнүн 2016-жылдын 28-марты № 157 "Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлерин бекитүү жөнүндө" токтому (13.12.2023 редакциясы) - https://aqlex.ai/kg/doc/99119 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2016-жылдын 28-марты № 157 Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлерин бекитүү жөнүндө (Кыргыз Республикасынын Министрлер Кабинетинин 2023-жылдын 13-декабрындагы № 675 токтомунун редакциясына ылайык) Кыргыз Республикасынын аймагындагы суу чарба объектилерин системалуу түрдө куруу жана натыйжалуу пайдалануу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлери тиркемеге ылайык бекитилсин. 2. (Кыргыз Республикасынын Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту) 3. (Кыргыз Республикасынын Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту) 4. Ушул токтом расмий жарыяланган күндөн он күн өткөндөн кийин күчүнө кирет. Премьер-министр Т.А. Сариев Тиркеме Республикалык бюджеттен каржылануучу объектилердин жана курулуштардын тизмесине киргизүү үчүн суу чарба объектилерин тандоо критерийлери № Критерийлердин баяндалышы Баллы I Актоо мөөнөтү 5 жылга чейин 25 5-8 жыл 15 9-10 жыл 10 11-12 жыл 3 II 1 га карата салыштырмалуу чыгымдар: 150-200 миң сом 25 201-350 миң сом 15 351-500 миң сом 10 501-650 миң сом 5 III Чек арага жакындыгы (чек арага жакын аймактарды бекемдөө) 20 IV 1 кишиге болгон сугат жер үлүштөрү: 10 сотукка чейин 25 11-25 сотук 15 26-50 сотук 5 V Жаңы сугат тармактарын күтүүгө чыгымдар (сом/га): 500 сомго чейин 20 501-800 сом 10 801 сомдон жогору 5 VI Жаңы сугат жерлеринин саны: 1000 га жогору 10 100дөн 1000 га чейин 5 VII Сугат тармактарынын техникалык мүнөздөмөсүн жакшыртуу, жердин суу менен камсыз болуусун жогорулатуу: 3-4 миң га 15 2-3 миң га 10 1 миң га чейин 5 VIII Кыргыз Республикасынын республикалык бюджетинен мурда бөлүнгөн каражаттарды пайдалануу (10%-90% даярдыкта). Өтмө, бүткөрүлбөгөн курулуш объектилери Даярдык пайызы: 90%дан жогору 20 71%дан 90%га чейин 17 51%дан 70%га чейин 14 31%дан 50%га чейин 11 21%дан 30%га чейин 8 Өздөштүрүүсү 20%дан төмөн болгон объектилер: 5 IX Суу чарба объектисин тизмеге киргизүү үчүн долбоор алдындагы баалоо боюнча болжолдонгон кубаттуулуктарды өздөштүрүү үчүн зарыл болгон пайдаланылбаган суу жана жер ресурстары болууга тийиш Тизмеге кирүүнүн критерийин аныктоо боюнча эсептөө формуласы: ∑ = I+II+III+IV+V+VI+VII+VIII ∑ ≥ N балл алган объектилер кезектүүлүк тартиби менен курулуш тизмесине киришет Орточо чектик сумманы аныктоонун формуласы (N) N=S/K, мында S - киргизилген объектилердин алган баллынын жалпы суммасы; К - катталган объектилердин жалпы саны Эскертүү: Курулуштун наркы менен байланышкан көрсөткүчтөр Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги иштеп чыгуучу баалардын өзгөрүү индексин эске алуу менен оңдолуп турат.