# КР Өкмөтүнүн 2016-жылдын 1-февралындагы № 44 "Товарларды чыгарууга байланышкан иш-аракеттерди жасагандыгы үчүн жыйымдарды төлөөдөн бошотуу тууралуу" токтому - Толук аталышы: КР Өкмөтүнүн 2016-жылдын 1-февралындагы № 44 "Товарларды чыгарууга байланышкан иш-аракеттерди жасагандыгы үчүн жыйымдарды төлөөдөн бошотуу тууралуу" токтому - Актынын түрү: Постановление - Номери: 44 - Кабыл алынган күнү: 01.02.2016 - Статусу: Күчүндө - Редакциянын күнү: 01.02.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 01.02.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2016-жылдын 1-февралындагы № 44 "Товарларды чыгарууга байланышкан иш-аракеттерди жасагандыгы үчүн жыйымдарды төлөөдөн бошотуу тууралуу" токтому (01.02.2016 редакциясы) - https://aqlex.ai/kg/doc/99013 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2016-жылдын 1-февралы № 44 Товарларды чыгарууга байланышкан иш-аракеттерди жасагандыгы үчүн жыйымдарды төлөөдөн бошотуу тууралуу Кыргыз Республикасын Туруктуу өнүктүрүү боюнча улуттук кеңеш тарабынан жактырылган "Шайлоо процессинин моделин" пайдалануу менен 2015-жылы Кыргыз Республикасынын Жогорку Кеңешинин депутаттарын шайлоону ачык өткөрүүнү камсыздоо максатында, ошондой эле Кыргыз Республикасынын Президентинин 2013-жылдын 21-январындагы № 11 Жарлыгы менен бекитилген 2013-2017-жылдардын мезгилине Кыргыз Республикасын туруктуу өнүктүрүүнүн Улуттук стратегиясынын 2-главасынын 2.4-пунктун жана Кыргыз Республикасынын Президентинин 2013-жылдын 22-майындагы № 109 "Кыргыз Республикасынын шайлоо системасын өркүндөтүү боюнча иш-чаралар жөнүндө" жарлыгынын ишке ашыруу максатында, "Кыргыз Республикасында бажылык жөнгө салуу жөнүндө" Кыргыз Республикасынын Мыйзамынын 188-беренесинин 3-бөлүгүнүн 8-пунктуна ылайык Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Шайлоо жана референдумдарды өткөрүү боюнча Борбордук комиссиясы үчүн арналып Кыргыз Республикасынын аймагына ташылып келүүчү, тиркемеде көрсөтүлгөн жабдууларды жана материалдарды бажылык тариздөө товарларды чыгарууга байланышкан иш-аракеттерди жасагандыгы үчүн жыйымдардан бошотуу менен жүргүзүлөөрү белгиленсин. 2. Ушул токтом расмий жарыяланган күндөн он күн өткөндөн кийин күчүнө кирет. Премьер-министр Т.А. Сариев Тиркеме Кыргыз Республикасынын Шайлоо жана референдумдарды өткөрүү боюнча Борбордук комиссиясы үчүн арналып Кыргыз Республикасынын аймагына ташылып келүүчү жабдуулардын жана материалдардын тизмеги № Жабдуунун аты Өлчөө бирдиги Саны 1 АСУ (автоматтык саноочу урналар); PCOS (бюллетендерди саноочу оптикалык сканер жана урна) даана 2900 2 UPS (үзгүлтүксүз азыктандыруу булагы) даана 2900 3 Өткөргүч жана өткөргүч эмес комбинацияланган модем даана 2900 4 Атайын термографиялык кагаз (чектерди басып чыгаруу үчүн) даана 4000 5 Жараксыз бюллетендерди салгыч даана 2900