# КР Өкмөтүнүн 2016-жылдын 3-октябрындагы № 524 "Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алууну камсыз кылуу боюнча чаралар жөнүндө" токтому - Толук аталышы: КР Өкмөтүнүн 2016-жылдын 3-октябрындагы № 524 "Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алууну камсыз кылуу боюнча чаралар жөнүндө" токтому - Актынын түрү: Постановление - Номери: 524 - Кабыл алынган күнү: 03.10.2016 - Статусу: Күчүн жоготкон - Редакциянын күнү: 23.08.2018 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 23.08.2018 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2016-жылдын 3-октябрындагы № 524 "Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алууну камсыз кылуу боюнча чаралар жөнүндө" токтому (23.08.2018 редакциясы) - https://aqlex.ai/kg/doc/98661 --- КР Өкмөтүнүн 2018-жылдын 23-августундагы № 396 токтомуна ылайык 2019-жылдын 1-январынан тартып КҮЧҮН ЖОГОТОТ КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2016-жылдын 3-октябры № 524 Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алууну камсыз кылуу боюнча чаралар жөнүндө (КР Өкмөтүнүн 2017-жылдын 23-июнундагы № 407, 2018-жылдын 23-августундагы № 396 токтомдорунун редакцияларына ылайык) Караңыз: КР Өкмөтүнүн 2018-жылдын 23-августундагы № 396 токтомунун 6-п. Кыйыр салыктарды башкаруу үчүн Кыргыз Республикасынын аймагына Евразия экономикалык бирлигине мүчө мамлекеттердин биринин аймагынан товарлар өткөрүлгөн жана эсепке алынган датаны аныктоо максатында, Кыргыз Республикасынын 2015-жылдын 11-декабрындагы № 226 "2015-жылдын 16-октябрында Бурабай поселогунда кол коюлган Евразия экономикалык бирлигинин бажы аймагына товарларды алып келүүнүн жана жүгүртүүнүн айрым маселелери жөнүндө протоколду ратификациялоо тууралуу" Мыйзамына, Жогорку Евразия экономикалык кеңештин 2015-жылдын 16-октябрындагы № 22 "Дүйнөлүк соода уюмуна Казакстан Республикасынын кошулуусуна байланышкан айрым маселелер жөнүндө" чечимине, Евразия экономикалык бирлиги жөнүндө келишимдин № 18 тиркемесинин 20-пунктунун 3-пунктчасына, Кыргыз Республикасынын салык мыйзамдарына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Төмөнкүлөр бекитилсин: - Евразия экономикалык бирлигине мүчө мамлекеттер менен соода жүргүзүүнүн алкагында Кыргыз Республикасынын мамлекеттик чек арасы аркылуу өткөрүлүүчү товарларды эсепке алуунун тартиби 1-тиркемеге ылайык; - Евразия экономикалык бирлигине мүчө мамлекеттердин аймагынан Кыргыз Республикасынын мамлекеттик чек арасы аркылуу жеке пайдалануу үчүн жеке жактар тарабынан өткөрүлүүчү, аларга карата коштомо кагазды милдеттүү тариздөө талап кылынбаган товарлардын тизмеги жана товарларды ташып келүү боюнча сунушталган минималдык ченемдер 2-тиркемеге ылайык. 2. Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызмат (финансы полициясы) Кыргыз Республикасынын Ички иштер министрлиги жана Кыргыз Республикасынын Өкмөтүнө караштуу Мамлекеттик салык кызматы менен биргеликте мамлекеттик чек аранын кыргыз-казак участогундагы өткөрүү пункттарына бекитилген биргелешкен аймактык мобилдик топторду түзсүн жана товарларды эсепке алынбай ташып келүү, Кыргыз Республикасынын мамлекеттик чек арасы аркылуу товарларды өткөрүү боюнча талаптарды бузуу фактыларын аныктоо жана бөгөт коюу боюнча контролдук-ыкчам жана рейддик иш-чараларды жүргүзүүнү уюштурсун. 3. (КР Өкмөтүнүн 2017-жылдын 23-июнундагы № 407 токтомуна ылайык күчүн жоготту) 3-1. Кыргыз Республикасынын Өкмөтүнүн "Кыргыз Республикасына ташып киргизүүдө (импорттоодо) Евразия экономикалык бирлигине мүчө мамлекеттер менен соода жүргүзүүнүн алкагында транспорттук контролдоону жана товарларды эсепке алууну камсыз кылуу боюнча чаралар жөнүндө" токтомунун 1-пункту күчүнө кирген күндөн тартып Талас облусунун Манас районунда ("Чоң-Капка-автожол"), Чүй облусунун Панфилов районунда ("Чалдыбар автожол"), Чүй облусунун Ысык-Ата районунда ("Ак-Тилек автожол"), Чүй облусунун Аламүдүн районунда ("Ак-Жол автожол") жайгашкан кыргыз-казак мамлекеттик чек ара участогундагы өткөрүү пункттарына карата ушул токтомдун 1-пунктунун колдонулушу токтотулат. (КР Өкмөтүнүн 2018-жылдын 23-августундагы № 396 токтомунун редакциясына ылайык) 4. Төмөнкүлөр күчүн жоготту деп таанылсын: - Кыргыз Республикасынын Өкмөтүнүн 2015-жылдын 3-августундагы № 554 "Евразия экономикалык бирлигине мүчө-мамлекеттердин ортосунда жүктөрдү алып өтүүнү эсепке алууну камсыз кылуу боюнча чаралар жөнүндө" токтому; - Кыргыз Республикасынын Өкмөтүнүн 2016-жылдын 27-январындагы № 38 "Евразия экономикалык бирлигинин мүчө мамлекеттери менен соода жүргүзүүнүн алкагында ишкердик ишти жүзөгө ашыруу максатында товарлардын өткөрүлө тургандыгы тууралуу алдын ала кабарлоо тартибин бекитүү жөнүндө" токтому; - Кыргыз Республикасынын Өкмөтүнүн 2016-жылдын 5-мартындагы № 113 "Кыргыз Республикасынын Өкмөтүнүн 2016-жылдын 27-январындагы № 38 "Евразия экономикалык бирлигинин мүчө мамлекеттери менен соода жүргүзүүнүн алкагында ишкердик ишти жүзөгө ашыруу максатында товарлардын өткөрүлө тургандыгы тууралуу алдын ала кабарлоо тартибин бекитүү жөнүндө" токтомунун колдонулушун токтото туруу жөнүндө" токтому. 5. Ушул токтом расмий жарыяланган күндөн тартып он беш күн өткөндөн кийин күчүнө кирет. 6. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын финансы жана кредит саясаты бөлүмүнө жүктөлсүн. Премьер-министри С.Жээнбеков 2-тиркеме Евразия экономикалык бирлигине мүчө мамлекеттердин аймагынан Кыргыз Республикасынын мамлекеттик чек арасы аркылуу жеке пайдалануу үчүн жеке адамдар тарабынан өткөрүлүүчү, аларга карата коштомо кагазды милдеттүү тариздөө талап кылынбаган товарлардын тизмеги жана товарларды ташып келүү боюнча сунушталган МИНИМАЛДЫК ЧЕНЕМДЕР № ТЭИ ТН коду Позициянын аталышы Өлчөө бирд. Саны 1 01 Бодо мал баш 3 2 Кой-эчки баш 5 3 Башка тирүү малдар баш 10 4 02 Бодо малдын эти кг 20 5 Кой-эчкинин эти кг 50 6 Канаттуулардын эти кг 50 7 Башка эт жана тамак-аш эти субпродуктулар кг 70 8 Тирүү балык кг 20 9 Тоңдурулган балык кг 20 10 Башка балыктар жана рак сымалдар, моллюскалар жана суудагы башка омурткасыздар кг 20 11 04 Сүт азыктары литр 20 12 Ак май кг 20 13 Сыр жана быштак кг 20 14 Жумуртка даана 60 15 Накта бал кг 10 16 Малдан алынуучу башка тамак-аш продуктулары кг 20 17 07 Картошка кг 100 18 Томаттар кг 100 19 Пияз кг 100 20 Капуста кг 100 21 Сабиз кг 100 22 Бадыраң кг 100 23 Буурчак жашылчалары кг 100 24 Башка жашылчалар жана айрым жегенге жарамдуу тамыры азык жана тамыры түймөк өсүмдүктөр кг 100 25 08 Жаңгактар кг 50 26 Банандар кг 50 27 Курма, инжир, ананас, авокадо, гуайява, манго кг 50 28 Цитрус мөмөлөрү кг 50 29 Жүзүм кг 50 30 Коон, дарбыз кг 50 31 Алма, алмурут жана айва кг 50 32 Кызыл өрүк, алча жана гилас, шабдаалы, кара өрүк кг 50 33 Башка кургатылган жемиштер жана жаңгактар; цитрус мөмөлөрүнүн кабыгы же коондун кабыгы кг 50 34 09 Кофе кг 10 35 Чай кг 10 36 Башка кофе, чай, мате, же парагвай чайы, жана татымалдар кг 10 37 10 Буудай кг 300 38 Кара буудай кг 300 39 Арпа кг 300 40 Сулу кг 300 41 Жүгөрү кг 300 42 Күрүч кг 300 43 Башка дандар кг 300 44 11 Ун кг 200 45 Угут кг 200 46 Крахмал кг 100 47 Ун-акшак өнөр жайынын башка продукциясы кг 200 48 15 Малдан жана өсүмдүктөн алынуучу тоң майлар жана суюк майлар кг 50 49 Өсүмдүктөн же малдан алынуучу башка тоң майлар жана суюк майлар кг 50 50 16 Колбасалар кг 20 51 Эт субпродуктулары кг 20 52 Даяр же консерваланган балык кг 20 53 Эттен, балыктан жасалган башка даяр продуктулар кг 20 54 17 Кант кг 50 55 Кондитер азыктары кг 50 56 Канттан жасалган башка азыктар кг 50 57 19 Ундан жасалган даяр тамак-аш продуктулары кг 50 58 Макарон азыктары кг 50 59 Нан, ундан жасалган кондитер азыктары кг 50 60 Ундан жасалган башка кондитер азыктары кг 20 61 22 Минералдуу жана газдалган суулар литр 20 62 Угуттуу пиво литр 20 63 Жүзүм шарабы литр 10 64 Спирт ичимдиктери литр 10 65 Этил спирти литр 10 66 Уксус литр 10 67 Башка алкоголдуу жана алкоголсуз суусундуктар литр 50 68 24 Тамеки сырьесу кг 20 69 Башка тамеки жана өнөр жайлык тамекини алмаштыруучулар кг 20 70 25 Туз кг 50 71 Мрамор, травертин кг 200 72 Гранит кг 200 73 Майда таш, гравий, шагыл же майдаланган таш кг 4000 74 Гипс кг 300 75 Акиташ кг 300 76 Портландцемент, цемент кг 1000 77 Цемент кг 1000 78 Асбест кг 300 79 Башка топурак жана таш, шыбак материалдары кг 500 80 27 Таш көмүр, брикеттер кг 4000 81 Кокс кг 4000 82 Автомобиль бензини литр Бак жана 20 83 Дизель отуну литр Бак жана 20 84 Мотор майлары литр 50 85 Башка отундар литр Жогоруда көрсөтүлгөн позициядан ашпаган санда 86 30 Дары каражаттары даана Эки аталышта, 10 даанадан ашык эмес 87 Башка фармацевт продукциясы даана Эки аталышта, 10 даанадан ашык эмес 88 31 Малдан же өсүмдүктөн алынуучу жер семирткичтер кг 1000 89 Башка жер семирткичтер кг 1000 90 32 Сырлар жана лактар; мастика шпатлевкасы литр 50 91 Башка боёчу заттар; мастика; полиграфия боёгу, сыя, тушь литр 50 92 33 Атыр таңгак Эки аталышта, 3төн ашык эмес 93 Атырлуу суу таңгак Эки аталышта, 3төн ашык эмес 94 Башка эфир майлары жана резиноиддер; парфюмердик, косметикалык же атыр каражаттары таңгак Эки аталышта, 3төн ашык эмес 95 34 Самын таңгак 20 96 Башка жуучу каражаттар, үстүңкү-активдүү органикалык заттар, жуучу каражаттар, майлоочу материалдар, жасалма жана даяр момдор, тазалоо же жылмалоо үчүн курамдар, шамдар жана окшош буюмдар, жабыштырып жасоо үчүн пасталар, пластилин "тиш дарыгеринин мому" жана тиш дарыгеринин гипстин негизиндеги курамдары кг 20 97 36 Фейерверктер даана 20 98 Башка пиротехникалык буюмдар даана 20 99 39 Түтүктөр, түтүкчөлөр, шлангдар жана алардын фитингдери, пластмассадан жасалган даана 50 100 Ванналар, душтар, раковина, биде, унитаздар, пластмассадан жасалган даана 2 101 Ашкана идиштери, пластмассадан жасалган даана 50 102 Пластмассадан жасалган башка буюмдар даана 50 103 40 Жаңы резина шиналары жана покрышкалары даана 8 104 Мурда колдонууда болгон резина шиналары жана покрышкалар даана 8 105 Резина камералары даана 8 106 Башка каучук, резина жана алардан жасалган буюмдар даана 5 107 41 Бодо малдын иштетилбеген терилери даана 5 108 Кой-эчкинин иштетилбеген терилери даана 5 109 Ийленген булгаары даана 2 110 Башка иштетилбеген терилер (накта мехтен тышкары) жана өңдөлгөн булгаары даана 5 111 42 Саквояждар, чемодандар, аялдардын сумкалары даана 5 112 Накта булгаарыдан жасалган башка буюмдар (жибек куртунун фиброининин буласынан тышкары) даана 5 113 44 Иштетилбеген жыгач материалдары м3 10 114 Тактайлар м3 10 115 Желимделген фанера м3 10 116 Башка жыгачтар жана алардан жасалган буюмдар; жыгач көмүрү м3 10 117 46 Токулган жана токуу үчүн материалдан жасалган ошол сыяктуу буюмдар даана 10 118 Башка токулган буюмдар даана 10 119 47 Жыгачтан же башка булалуу целлюлоза материалдарынан масса; регенирленген кагаз же картон м3 5 120 48 Кагаз жана картон; кагаз массасынан буюмдар, кагаз же картон даана/кг 10 же 50 121 49 Басма китептер, гезиттер, репродукциялар жана полиграфия өнөр жайынын башка буюмдары даана 10 122 Башка басма продукция даана/кг 10 же 50 123 50 Жибек кг/метр 20 124 Жибектен жасалган башка буюмдар кг/метр 20 125 51 Жүн кг 20 126 Жүн жиптен жасалган кездемелер кг/метр 10 127 52 Пахта кг 20 128 Пахтадан жасалган башка буюмдар даана 10 129 55 Синтетика булаларынан жасалган кездемелер кг/метр 10 130 Химиялык буладан жасалган башка буюмдар даана 10 131 57 Килемдер даана 2 132 Башка килемдер жана текстиль полго салынуучу жабуулар даана 2 133 59 Линолеум метр 10 134 Башка текстиль материалдары метр 10 135 61 Пальто, кыска пальто, жамынма, плащь, күрмө, ветровка, штормовка даана 2 136 Костюмдар, комплекттер, пиджактар, блайзерлер, шымдар, комбинезондор даана 2 137 Көйнөктөр даана 10 138 Блузкалар, блузылар даана 10 139 Кальсондор, трусылар, ич көйнөктөр, пижамалар, мончого кийүүчү халаттар, үйдө кийүүчү халаттар даана 10 140 Майкалар, жеңи менен фуфайкалар жана башка машина же кол менен токулган трикотаж фуфайкалары даана 10 141 Свитерлер, пуловерлер, кардигандар, жилеттер даана 5 142 Балдар кийими даана 10 143 Спорттук костюмдар даана 5 144 Колготкилер, чулкилер, гольфалар, байпактар даана 20 145 Мээлейлер, кол каптар даана 5 146 Башка кийим предметтери даана 5 147 63 Жууркандар жана пледдер даана 5 148 Ич кийим даана 10 149 Көшөгө даана 5 150 Брезенттер; чатырлар даана 2 151 Башка даяр текстиль буюмдары даана 5 152 64 Бут кийим даана 10 153 Башка бут кийим даана 10 154 65 Шляпалар даана 3 155 Башка баш кийим жана алардын бөлүктөрү даана 3 156 66 Зонттор даана 5 157 Күндөн коргоочу башка зонттор, тросттор, отургучтар, атка минүү үчүн чыбыктар, камчылар жана алардын бөлүктөрү даана 5 158 68 Брусчатка, бордюр таштары жана плиталары даана 200 159 Иштетилген таш даана 200 160 Цементтен, бетондон же жасалма таштан жасалган буюмдар даана 200 161 Гипстен, цементтен, асбесттен, слюдадан же ошол сыяктуу материалдардан жасалган башка буюмдар даана 100 162 69 Кыштар, блоктор, плиткалар даана 1000 163 Отко чыдамдуу кыштар даана 1000 164 Башка керамика буюмдары даана 5 165 70 Айнек тактасы даана 10 166 Айнек күзгүлөр даана 5 167 Ашкана идиши даана/ компл. 20/3 168 Айнек буюмдар жана алардан жасалган башка буюмдар даана/ компл. 20/3 169 71 Табигый же жасалма бермет, кымбат баалуу же жарым-жартылай кымбат баалуу таштар, кымбат баалуу металлдар, кымбат баалуу таштар менен жасалгаланган металлдар жана алардан жасалган буюмдар; бижутерия; тыйындар даана 10 170 Кымбат баалуу металлдардан жана таштардан жасалган башка буюмдар даана 10 171 72 Кара металлдар кг 1000 172 Башка кара металлдар кг 1000 173 73 Кара металлдардан жасалган буюмдар даана 1000 174 Кара металлдардан жасалган башка буюмдар даана 1000 175 74 Жез жана андан жасалган буюмдар кг 1000 176 Башка жез жана андан жасалган буюмдар даана 1000 177 76 Алюминий жана андан жасалган башка буюмдар кг 1000 178 Башка алюминий жана андан жасалган буюмдар кг 1000 179 78 Коргошун жана андан жасалган буюмдар кг 1000 180 Башка коргошун жана андан жасалган буюмдар кг 1000 181 82 Кымбат баалуу эмес металлдардан жасалган аспаптар, шаймандар, бычак буюмдары, кашыктар жана аш айрылар, шаймандар, кымбат баалуу эмес металлдардан алардын бөлүктөрү даана 50 182 83 Кымбат баалуу эмес металлдардан башка буюмдар даана 10 183 84 Казандар даана 2 184 Насостор даана 2 185 Машиналар, жабдуулар жана станоктор даана 2 186 Аспаптар даана 10 187 Башка жабдуулар жана механикалык түзүлүштөр даана 2 188 85 Кыймылдаткычтар даана 2 189 Трансформаторлор даана 2 190 Аккумуляторлор даана 3 191 Башка электр машиналары жана жабдуулар, алардын бөлүктөрү, үн жазуучу жана үн чыгаруучу аппаратура, сүрөттөрдү жана үндөрдү жазуу жана теле көрсөтүү үчүн аппаратура, алардын бөлүктөрү даана 2 192 87 Темир жол же трамвайдын кыймылдуу курамынан тышкары, жер бетинде жүрүүчү транспорт каражаттары жана алардын бөлүктөрү даана 1 193 Башка транспорт каражаттары жана алардын бөлүктөрү даана 1 194 89 Кемелер, кайыктар даана 1 195 Башка сүзүүчү конструкциялар даана 1 196 90 Оптикалык, фотографиялык, кинематографиялык, өлчөө, контролдоо, прецизиондук, медициналык же хирургиялык аспаптар жана аппараттар; жана алардын бөлүктөрү даана 5 197 Башка приборлор жана түзүлүштөр даана 5 198 91 Бардык түрдөгү сааттар жана алардын бөлүктөрү даана 5 199 92 Музыкалык аспаптар; алардын бөлүктөрү жана тетиктери даана 5 200 94 Эмерек даана 2 201 Медициналык, хирургиялык, стоматологиялык же ветеринариялык эмеректер даана 2 202 Матрас үчүн негиздер; шейшеп-жаздык каптар жана ушуга окшош буюмдар даана 10 203 Башка эмеректер жана анын бөлүктөрү даана 2 204 95 Оюнчуктар, оюндар жана спорттук инвентарь жана алардын бөлүктөрү, тетиктери даана 10 205 97 Көркөм өнөр чыгармалары, коллекциялоо предметтери жана антиквариат даана 5 Эскертүү: Ушул тизме төмөнкүлөргө таркалбайт: 1) Кыргыз Республикасынын аймагына алып келүүгө тыюу салынган же чектелген товарларга; 2) ишкердик максаттарда колдонулган товарларга.