КР Өкмөтүнүн «Кыргыз Республикасынын Өкмөтүнүн 2011-жылдын 26-октябрындагы № 674 “Кыргыз Республикасынын мамлекеттик чек арасындагы өткөрмө пункттарда радиациялык контроль жүргүзүү тууралуу жобону бекитүү жөнүндө” токтомуна толуктоо киргизүү тууралуу» токтому

КЫРГЫЗ РЕСПУБЛИКАСЫНЫН ѲКМѲТY ТОКТОМ 2014-жылдын 28-ноябры № 687 Кыргыз Республикасынын Өкмөтүнүн 2011-жылдын 26-октябрындагы № 674 “Кыргыз Республикасынын мамлекеттик чек арасындагы өткөрмө пункттарда радиациялык контроль жүргүзүү тууралуу жобону бекитүү жөнүндө” токтомуна толуктоо киргизүү тууралуу Кыргыз Республикасынын мамлекеттик чек арасы аркылуу өткөрүүчү “Кызыл-Бел – автожолу”, “Кайрагач – автожолу”, “Манас – аэропорту”, “Ош – аэропорту” жана “Кызыл-Кыя – темир жолу” өткөрмө пункттарын стационардык радиациялык порталдуу мониторлор менен жабдууга байланыштуу, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 26-октябрындагы № 674 “Кыргыз Республикасынын мамлекеттик чек арасындагы өткөрмө пункттарда радиациялык контроль жүргүзүү тууралуу жобону бекитүү жөнүндө” токтомуна төмөнкүдөй толуктоо киргизилсин:

- 2-пункт төмөнкүдөй мазмундагы сегизинчи - он экинчи абзацтар менен толукталсын:

“- “Кызыл-Бел – автожолу”, Баткен облусу, Баткен району, Кызыл- Бел айылынын түштүк чет жагы;

- “Кайрагач – автожолу”, Баткен облусу, Лейлек району (Раззаков атындагы айылдын 0,5 км батыш жагы);

- “Манас – аэропорту”, Чүй облусу, Сокулук району, Эл аралык “Манас” аэропорту;

- “Ош – аэропорту”, Ош шаары, “Ош” аэропорту;

- “Кызыл-Кыя – темир жолу”, Баткен облусу, Кызыл-Кыя шаары, “Кызыл-Кыя темир жол” станциясынын 38-жол айрыгы.

2. Бул токтом расмий жарыяланган күндөн 15 күн өткөндөн кийин күчүнө кирет.

Премьер-министр

Дж.К.Оторбаев