# "Кыргыз Республикасында жер үстүндөгү санариптик обо берүүсүнүн телеканалдарынын жана/же радиоканалдарынын социалдык пакетин түзүүнүн тартиби жөнүндө жобо" (Кыргыз Республикасынын Өкмөтүнүн 2014-жылдын 23-июнундагы № 349 токтому менен бекитилген) - Толук аталышы: "Кыргыз Республикасында жер үстүндөгү санариптик обо берүүсүнүн телеканалдарынын жана/же радиоканалдарынын социалдык пакетин түзүүнүн тартиби жөнүндө жобо" (Кыргыз Республикасынын Өкмөтүнүн 2014-жылдын 23-июнундагы № 349 токтому менен бекитилген) - Актынын түрү: Положение - Номери: 349 - Кабыл алынган күнү: 23.06.2014 - Статусу: Күчүндө - Редакциянын күнү: 06.02.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 06.02.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: "Кыргыз Республикасында жер үстүндөгү санариптик обо берүүсүнүн телеканалдарынын жана/же радиоканалдарынын социалдык пакетин түзүүнүн тартиби жөнүндө жобо" (Кыргыз Республикасынын Өкмөтүнүн 2014-жылдын 23-июнундагы № 349 токтому менен бекитилген) (06.02.2026 редакциясы) - https://aqlex.ai/kg/doc/96595 --- Кыргыз Республикасынын Өкмөтүнүн 2014-жылдын 23-июнундагы № 349 токтому менен бекитилген Кыргыз Республикасында жер үстүндөгү санариптик обо берүүсүнүн телеканалдарынын жана/же радиоканалдарынын социалдык пакетин түзүүнүн тартиби жөнүндө жобо (КР Өкмөтүнүн 2014-жылдын 9-октябрындагы № 593, 2016-жылдын 13-июлундагы № 390, 2017-жылдын 21-июлундагы № 442, КР Министрлер Кабинетинин 2022-жылдын 4-мартындагы № 111, 2026-жылдын 6-февралындагы № 66 токтомдорунун редакцияларына ылайык) 1. Жалпы жоболор 1. Ушул Жобо бир жыштык бөлүнүштө таратылуучу телекөрсөтүү жана радио-уюмдарынын жер үстүндөгү санариптик обо берүүсүнүн телеканалдарынын жана/же радиоканалдарынын социалдык пакетин түзүү тартибин аныктайт. 2. Социалдык пакет - Кыргыз Республикасында жер үстүндөгү санариптик обо берүүсүнүн телекөрсөтүү жана радио-уюмдарынын телеканалдарынын жана/же радиоканалдарынын пакети, анын тизмеги Кыргыз Республикасынын Министрлер Кабинети тарабынан бекитилип, бир жыштык бөлүнүштө калкка акысыз таратылат жана мамлекеттик бюджеттен жана/же башка булактардан каржыланат (мындан ары - Социалдык пакет). (КР Өкмөтүнүн 2016-жылдын 13-июлундагы № 390, КР Министрлер Кабинетинин 2022-жылдын 4-мартындагы № 111 токтомдорунун редакцияларына ылайык) 3. Социалдык пакетти түзүү төмөнкү максаттарда жүргүзүлөт: - жарандардын санариптик телерадиоберүү боюнча сапаттуу маалыматтарды алуудагы керектөөлөрүн канааттандыруу; - бирдиктүү маалыматтык мейкиндикти сактоо жана камсыз кылуу; - өлкөнүн маалыматтык коопсуздугун камсыз кылуу. 2. Социалдык пакетти түзүү боюнча ыйгарым укуктуу органдын функциялары 4. Социалдык пакетти түзүү боюнча ыйгарым укуктуу орган (мындан ары - ыйгарым укуктуу орган): - Социалдык пакетти түзөт жана аны Кыргыз Республикасынын Министрлер Кабинетине бекитүү үчүн жиберет; - Социалдык пакетти каржылоо боюнча керектөөлөргө жана сунуштарга талдоо жүргүзөт; - Социалдык пакетти калкка акысыз негизде таратууга жана анын Кыргыз Республикасынын бүткүл аймагына жеткиликтүүлүгүнө мониторинг жүргүзөт; - Социалдык пакетти түзүүнүн приоритеттерин аныктайт; - Социалдык пакеттеги телеканалдардын жана/же радио-каналдардын санын аныктайт; - (абзац КР Министрлер Кабинетинин 2026-жылдын 6-февралындагы № 66 токтомуна ылайык күчүн жоготту) - (абзац КР Министрлер Кабинетинин 2026-жылдын 6-февралындагы № 66 токтомуна ылайык күчүн жоготту) (КР Министрлер Кабинетинин 2022-жылдын 4-мартындагы № 111, 2026-жылдын 6-февралындагы № 66 токтомдорунун редакцияларына ылайык) 3. Социалдык пакетти түзүүнүн тартиби 5. Кыргыз Республикасынын Министрлер Кабинети Социалдык пакетти 3 жылда бир жолу бекитет. Социалдык пакетке өзгөртүүлөр жана толуктоолор бекитилген Социалдык пакеттен бир же бир нече телеканалдарды жана/же радиоканалдарды мөөнөтүнөн мурда чыгаруу же Социалдык пакетти башка телеканалдар жана/же радиоканалдар менен толуктоо себептери боюнча гана киргизилиши мүмкүн. Мында Социалдык пакеттин мурда бекитилген колдонулуу мөөнөтү өзгөрбөйт. (КР Өкмөтүнүн 2014-жылдын 9-октябрындагы № 593, КР Министрлер Кабинетинин 2022-жылдын 4-мартындагы № 111 токтомдорунун редакцияларына ылайык) 6. Социалдык пакеттеги телеканалдардын жана/же радио каналдардын саны бир жыштык бөлүнүштө телеканалдардын жана радиоканалдардын мүмкүн болгон максималдуу санын жайгаштыруунун техникалык шарттары менен чектелет. 7. Социалдык пакеттин тизмеги түзүүнүн төмөнкү аймактык чектөөлөрүнө ээ: - Социалдык пакетти трансляциялоону бүткүл аймакка берүүчү республикалык маанидеги телеканалдар жана/же радиоканалдар; - Социалдык пакетти трансляциялоону бир нече облустардын чегинде берүүчү облустар аралык маанидеги телеканалдар жана/же радиоканалдар; - Социалдык пакетти трансляциялоону бир облустун чегинде берүүчү облустук маанидеги телеканалдар жана/же радиоканалдар. 8. Социалдык пакет төмөнкүлөрдү камтыйт: - республикалык бюджеттен каржылануучу телекөрсөтүү жана радио-уюмдарынын телеканалдарын жана/же радиоканалдарын; - республикалык бюджеттен каржыланбаган, бирок мамлекет (мамлекеттик органдар) катышуучу (катышуучулар) болуп чыккан телекөрсөтүү жана радио-уюмдарынын телеканалдарын жана /же радиоканалдарын; - мамлекеттер аралык жана өкмөттөр аралык макулдашуулардын алкагында иштеген телекөрсөтүү жана радио-уюмдардын телеканалдарын жана/же радиоканалдарын; - (абзац КР Министрлер Кабинетинин 2026-жылдын 6-февралындагы № 66 токтомуна ылайык күчүн жоготту) (КР Министрлер Кабинетинин 2026-жылдын 6-февралындагы № 66 токтомунун редакциясына ылайык) 9. Мамлекеттер аралык жана өкмөттөр аралык макулдашуулардын алкагында иштеген телекөрсөтүү жана радио-уюмдардын телеканалдарын жана/же радиоканалдарын Социалдык пакетке киргизүү ушул Жобонун 8-пунктунун экинчи жана үчүнчү абзацтарына ылайык телеканалдар жана/же телерадиоканалдар толук аныкталгандан кийин жүзөгө ашырылат. (КР Өкмөтүнүн 2014-жылдын 9-октябрындагы № 593, 2026-жылдын 6-февралындагы № 66 токтомдорунун редакцияларына ылайык) 10. Социалдык пакетте чет өлкөнүн телекөрсөтүү жана радио-уюмдардын телеканалдарынын жана/же радиоканалдарынын, берүү сигналдарын таратуу кызматына республикалык бюджеттин каражаттарынан акы төлөөгө жол берилбейт. 11. Социалдык пакеттин алкагында трансляциялануучу жана ретрансляциялануучу телеканалдарда жана/же радиоканалдарда чет элдик телекөрсөтүү жана радио уюмдары тарабынан берилүүчү жарнамаларды Кыргыз Республикасынын Министрлер Кабинетинин чечими менен аныкталуучу көлөмдө жайгаштырууга жол берилет. (КР Өкмөтүнүн 2017-жылдын 21-июлундагы № 442, КР Министрлер Кабинетинин 2022-жылдын 4-мартындагы № 111 токтомдорунун редакцияларына ылайык) 4. Социалдык пакетке кирүүнүн конкурстук шарттары (КР Министрлер Кабинетинин 2026-жылдын 6-февралындагы № 66 токтомуна ылайык күчүн жоготту) 5. Телеканалдарды жана радиоканалдарды Социалдык пакеттен чыгаруу 17. Телеканалдарды жана/же радиоканалдарды Социалдык пакеттин тизмесинен мөөнөтүнөн мурда чыгаруу төмөнкүдөй учурларда жүргүзүлөт: - телекөрсөтүү жана радио-уюмдарынын берүү токтотулганга чейин кеминде 30 күн мурда ыйгарым укуктуу органга берген арызы боюнча; - негиздүү себептерин көрсөтүү менен ыйгарым укуктуу органдын жүйөлүү сунушу боюнча. (КР Министрлер Кабинетинин 2026-жылдын 6-февралындагы № 66 токтомунун редакциясына ылайык) 18. Телеканалдарды жана/же радиоканалдарды Социалдык пакеттен мөөнөтүнөн мурда чыгаруу жөнүндө чечим Кыргыз Республикасынын Министрлер Кабинети тарабынан ыйгарым укуктуу органдын сунушу боюнча чыгарылат. (КР Министрлер Кабинетинин 2022-жылдын 4-мартындагы № 111 , 2026-жылдын 6-февралындагы № 66 токтомдорунун редакцияларына ылайык) 19. (КР Министрлер Кабинетинин 2026-жылдын 6-февралындагы № 66 токтомуна ылайык күчүн жоготту) 20. Телеканалдары жана/же радиоканалдары Социалдык пакеттен чыгарылган телекөрсөтүү жана радио-уюмдары чечимдин жыйынтыгына макул болбогон учурда мыйзамдарда белгиленген тартипте даттанууга укуктуу.