# КР Өкмөтүнүн 2012-жылдын 30-июлу № 521 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому - Толук аталышы: КР Өкмөтүнүн 2012-жылдын 30-июлу № 521 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому - Актынын түрү: Постановление - Номери: 521 - Кабыл алынган күнү: 30.07.2012 - Статусу: Күчүндө - Редакциянын күнү: 30.07.2012 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 30.07.2012 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2012-жылдын 30-июлу № 521 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому (30.07.2012 редакциясы) - https://aqlex.ai/kg/doc/95504 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 30-июлу № 521 Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө "Басма иши жөнүндө" Кыргыз Республикасынын Мыйзамынын 26-беренесинин 2-бөлүгүнө ылайык Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Өкмөтүнүн 1993-жылдын 16-августундагы № 374 "Жашыруун эмес басылмаларды басып чыгаруунун эрежелерин бекитүү жөнүндө" токтомуна төмөнкү өзгөртүүлөр жана толуктоолор киргизилсин: жогоруда аталган токтом менен бекитилген Жашыруун эмес басылмаларды басып чыгаруу эрежелеринде: - 1.2-пункт күчүн жоготту деп табылсын; - 4.1-пункт төмөнкү редакцияда берилсин: "4.1. Атайын жана аскердик басылмалардан башка бардык чыгарылган басылмаларда төмөнкүдөй чыгаруу тууралуу маалыматтар болушу керек: 1) авторлор жана басылманы түзүүгө катышкан башка адамдар жөнүндө чыгаруу маалыматы; басылманын аталышы; аталыштын үстүндөгү маалыматтар; аталыштын астындагы маалыматтар; 2) чыгаруу тууралуу маалыматтар басылма чыгарылган жерди (чыгаруучунун аты жана басылманын чыккан жылы) камтыйт; 3) чыгаруу тууралуу маалыматтар төмөнкүлөрдү камтыйт: терүүгө берилген жана басууга кол коюлган күнү, түрү, номери, кагаздын форматы, барактын үлүшү, негизги тексттеги тамганын гарнитурасы, басып чыгаруунун түрү, басып чыгаруу жана эсеп-басма барактарынын көлөмү, тиражы, полиграфиялык ишкананын заказынын номери, басып чыгаруучунун аты жана толук дареги, полиграфиялык ишкананын аталышы жана толук почта дареги; 4) эл аралык стандарттык номерлер китептин Кыргызстанга берилген эл аралык сериялык стандарттык номерин (ISB№) же цифралардын тобу менен эл аралык стандарттык сериялык номерин (ISS№), автордук укукту коргоо (C) белгисин жана өзгөчө мүлктүк укук (C) ээсинин атын (аталышын), чыгарманын чыккан жылын камтыйт; 5) классификациялык индекстер УОК индексин (универсалдуу ондук классификация), КБК индексин (китепканалык-библиографиялык классификация) камтыйт." ; - төмөнкү мазмундагы 4.2-пункт менен толукталсын: "4.2. Атайын жана аскер басылмаларынан башка мезгилдүү басылмаларда төмөнкү чыгаруу тууралуу маалыматтар камтылышы керек: басылманын аталышы, уюштуруучусу, редактордун аты-жөнү, чыгаруунун катар номери, чыгарылган күнү жана басууга кол коюлган убактысы, мезгилдүүлүгү, индекси, тиражы, баасы, редакциянын, басманын жана басмакананын дареги.". 2. Кыргыз Республикасынын Өкмөтүнүн 1998-жылдын 25-майындагы № 296 "Слово Кыргызстана" басма үйү жөнүндө жобону бекитүү тууралуу" токтомуна төмөнкү толуктоо киргизилсин: жогоруда аталган токтом менен бекитилген "Слово Кыргызстана" басма үйү жөнүндө жободо: 4-пункту "ишмердигинде" деген сөздөн кийин "Басма иши жөнүндө" Кыргыз Республикасынын Мыйзамын," деген сөздөр менен толукталсын. 3. Кыргыз Республикасынын Өкмөтүнүн 1998-жылдын 15-июнундагы № 352 "Кыргыз Туусу" басма үйү жөнүндө жобону бекитүү тууралуу" токтомуна төмөнкү толуктоо киргизилсин: жогоруда аталган токтом менен бекитилген "Кыргыз Туусу" басма үйү жөнүндө жободо: 4-пункту "ишмердигинде" деген сөздөн кийин "Басма иши жөнүндө" Кыргыз Республикасынын Мыйзамын," деген сөздөр менен толукталсын. 4. Бул токтом расмий жарыяланган күндөн тартып күчүнө кирет. Премьер-министр Ө.Бабанов