КР Өкмөтүнүн «Кыргыз Республикасынын Өкмөтүнүн 2007-жылдын 13-декабрындагы № 587 „Кыргыз Республикасынын мамлекеттик чегарасы аркылуу автомобилдик өткөрүү пункттарын курууга (реконструкциялоо) жана жайгаштырууга карата талаптарды жана Кыргыз Республикасынын мамлекеттик чегарасы аркылуу автомобилдик өткөрүү пункттарын маалыматтык-техникалык каражаттар менен жабдууга карата талаптарды бекитүү жөнүндө“токтомуна толуктоолорду киргизүү жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 19-июлу № 511 Кыргыз Республикасынын Өкмөтүнүн 2007-жылдын 13-декабрындагы № 587 "Кыргыз Республикасынын мамлекеттик чегарасы аркылуу автомобилдик өткөрүү пункттарын курууга (реконструкциялоо) жана жайгаштырууга карата талаптарды жана Кыргыз Республикасынын мамлекеттик чегарасы аркылуу автомобилдик өткөрүү пункттарын маалыматтык-техникалык каражаттар менен жабдууга карата талаптарды бекитүү жөнүндө"токтомуна толуктоолорду киргизүү жөнүндө Кыргыз Республикасынын мамлекеттик чек арасы аркылуу автомобилдик өткөрүү пункттарында жүк ташуучу автотранспорт каражаттарынын салмак параметрлерин контролдоонун техникалык каражаттарын бир түргө келтирүү максатында Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 2007-жылдын 13-декабрындагы № 587 "Кыргыз Республикасынын мамлекеттик чегарасы аркылуу автомобилдик өткөрүү пункттарын курууга (реконструкциялоо) жана жайгаштырууга карата талаптарды жана Кыргыз Республикасынын мамлекеттик чегарасы аркылуу автомобилдик өткөрүү пункттарын маалыматтык-техникалык каражаттар менен жабдууга карата талаптарды бекитүү жөнүндө" токтомуна төмөнкү толуктоолор киргизилсин:

- аталган токтом менен бекитилген Кыргыз Республикасынын мамлекеттик чегарасы аркылуу автомобилдик өткөрүү пункттарын маалыматтык-техникалык каражаттар менен жабдууга карата талап:

- төмөнкү мазмундагы III бөлүк менен толукталсын:

"III. Автомобилдик таразаларга карата техникалык талаптар

1. Жалпы жоболор

Стационардык электрондук автомобилдик таразалар (мындан ары - таразалар) Кыргыз Республикасынын мамлекеттик чек арасындагы өткөрүү пункттарында жүк ташуучу автотранспорт каражаттарын контролдук тараза тартууга (ок боюнча динамикалык) арналган.

2. Таразага карата талаптар

1. Таразалардын курамына төмөнкүлөр кирет:

1) Жүк ташуучу жүрүп бара жаткан автотранспортту динамикалык (октор боюнча) таразага тартууга арналган жүк кабыл алуучу платформа;

2) Жүк кабыл алуучу платформалардын узатасынан жылып кетүүсүн чектегичтердин комплект.

3) Тараза аркылуу коопсуз өтүүнү камсыз кылуу үчүн жүк кабыл алуучу түзүлүштүн узундугу боюнча чектегичтердин комплекти (кирүүчү пандустар менен жерде чогултулган учурда).

4) персоналдык компьютерге (мындан ары - ПК) кошулуучу кабели менен RS232/RS485 интерфейси менен тараза терминалы.

5) Билгизгичтерге жана ПКга кошулуу үчүн керек болгон кабелдик ажыраткычтары бар динамикалуу өзгөрткүч (октор боюнча таразага тартуучу динамикалуу жүк кабыл алуучу түзүлүш үчүн).

6) Эксплуатациялык документтер.

7) "Windows ХР" жана таразалар үчүн программалык камсыздоо орнотулган ПК.

8) Андан ары ПК орнотуу үчүн "СD-дисктердеги" программалык камсыздоо.

9) Жерге пандустарды жана чуңкурчаларды куруу (жолдун үстүнкү бетинин деңгээлинде) түрлөрү менен таразалардын түбүн даярдоого карата техникалык талаптар.

2. Таразалар 1-таблицада келтирилген параметрлерге дал келиши керек.

3. Эксплуатациялык документтерге карата талаптар

3. Таразалардын эксплуатациялык документтеринин комплектине төмөнкүлөр кирүүсү керек:

1) Таразанын паспорту (формуляр).

2) Таразаны эксплуатациялоо боюнча колдонмо.

3) Тараза терминалынын паспорту (формуляр).

4) Тараза терминалын эксплуатациялоо боюнча колдонмо.

5) Программалык камсыздоо боюнча пайдалануучунун колдонмосу.

6) Жогоруда аталган документтер мамлекеттик жана/же расмий тилдерде болуусу керек.

4. Таразалар милдеттүү түрдө техникалык ресурс тууралуу маалыматтарды камтуучу орус тилиндеги эксплуатациялык документ менен коштолушу керек.

5. Эксплуатациялык документтер мамлекеттик жана/же расмий тилдерде же түп нускадан күбөлөндүрүлгөн котормосу менен берилиши керек.

4. Программалык камсыздоого карата талаптар

6. Программалык камсыздоо (мындан ары - ПрК) төмөндө аталган талаптарга ылайык келүүсү керек:

1) Функционалдык топтолмо - меню (же алардын аналогдору) функционалдык милдеттерине жана иштөө технологияларына ылайык топтолушу керек.

2) Бир функционалдуулук - менюнун (же анын аналогунун) ар бир пунктуна аткарылуусу бир гана функция ылайык келүүсү керек.

3) Бир варианттуулук - тигил же бул иш-аракет бир гана ыкма менен аткарылышы керек.

4) Түшүнүүдөгү бир түрдүүлүк - менюнун пункттары (же алардын аналогдору) колдонуучу аларды бир жактуу түшүнө тургандай көрүнүшү керек.

5) ПрК пайдалануу программалоо тилдерин тартпастан жүргүзүлүшү керек.

7. ПрК төмөнкүлөрдү камтышы керек:

1) Таразага тартуунун жыйынтыктарын окуу жана эсепке алуу программаларын; Таразага тартуунун жыйынтыктарына жетүүнүн ишке ашырылышын;

2) ПКнын дисплейинде таразага тартуунун жыйынтыктарын индикациялоо үчүн өз алдынча тиркеме катары колдонулушу керек жана тышкы программаларга маалыматтарды берүү менен көп компоненттүү тиркеменин курамында колдонулушу керек.

4) 2-таблицада келтирилген параметрлерге ылайык келүүсү керек.

5. Бажы кызматынын автоматташкан маалыматтар системасына маалыматтарды берүү үчүн таразага тартуу жыйынтыктарынын файлына карата талаптар

8). Файл ХМL форматта болуусу керек.

9) Файл төмөнкү маалыматтарды камтышы керек:

1) Таразага тартуунун номери (8 ондук разряддар).

2) "ЖЖ-АА-КК: сс-мм" таразага тартуунун форматындагы күнү жана убагы:

- ЖЖ - жыл;

- АА - ай;

- КК - күн;

- сс - саат;

- мм - минута.

а) аты-жөнү - оператордун аты-жөнү.

- Салмагы килограмм менен.

- Машинанын номери.

б) Файлдын аталуусу төмөнкү форматта болуусу керек:

- NNNNNNNNN_DDDDDDDD_TTTT.XML, мында:

- NNNNNNNNN - таразага тартуунун номери (нөлдөр турган сегиз разряддуу сан);

- DDDDDDDD - ортосунда боштуктарсыз таразага тартылган күн ЖЫЛ, АЙ, КҮН;

- ТТТТ - таразага тартылган убагы ортосундагы боштуктарсыз СААТЫ, МИНУТАСЫ;

- таразага тартуунун номери, күнү жана убагы төмөнкү сызыкча белгиси менен бөлүнүп туруусу зарыл;

- ХМL - файлдын кеңейүүсү.

Файлдын аталуусунун мисалы: 00000345_20091015_1345.ХМL.

6. Башка системалар менен маалыматтык дал келүүсүнө карата талап

10. Таразалардын программалык камсыздоо оператордун (бажы органдарынын кызмат адамынын) локалдык жумуш ордунда (бир ПК) маалымат жыйноонун жана берүүнүн башка системалары менен (автомобиль номерлерин окуу жана так көрүү системасы, жүк ташуучу автотранспорт каражаттарынын тыш өлчөмдөрүн аныктоо системасы, бөлүнүүчү жана радиоактивдүү материалдарды ташып өтүүнү контролдоо системасы менен) интеграцияланышы керек.

11. Системанын иштөөсүнүн алкагында программалык камсыздоо тарабынан түзүлгөн отчетту (4-пунктту караңыз) башка өз ара байланышкан автоматташкан тутумга (10-пунктту караңыз) Windows стандарттык каражаттары менен автоматтык түрдө өткөрүп берүү ишке ашуусу керек.

12. Маалыматтарды жыйноону жана өткөрүп берүүнү уюштуруу аныкталган эсепке алуу мөөнөтүндө толук көлөмдө маалыматтарды жүктөөнү камсыз кылган маалыматтарды жүктөөнүн атайын утилитасы аркылуу ишке ашырылышы керек.

7. Сертификациялоо жана аттестациялоо

13. Эл аралык мыйзам чыгаруу метрология уюмунун сунуштамаларына ылайык келүүсүнө карата OIML сертификаты.

14. Өндүрүүчү-ишканалардын тараза өндүрүшүнүн ИСО стандарттарына ылайык келүү сертификаты.

8. Кошумча талаптар

15. Таразага тартуу процесси автоматташкан режимде жүрүүсү керек. Оператордун аракети автотранспорт каражатын таразага тартуу процессинин башында жана аягында шлагбаумду ачуу/жабууну жөнгө салуу менен чектелет.

16. Географиялык-климаттык шарттары оор айрым автомобилдик өткөрүү пункттарында (бийик тоолуу жана суук мезгил узакка созулган мезгилде) таразалардын жүк кабыл алуу платформасы жабдууларды жаан-чачындан жана кардан коргоо үчүн атайын ылайыкташтырылган жабык жайда орнотулат;

- ушул токтомдун 1 жана 2-тиркемелерине ылайык редакцияда 1 жана 2-тиркемелер менен толукталсын.

2. Бул токтом расмий жарыяланган күндөн тартып күчүнө кирет.

Премьер-министр

Ө.Бабанов

1-тиркеме

"1-тиркеме

└───┴────────┴─────────────────────────────────────┴──────────────────┘".

2-тиркеме

"2-тиркеме

└───┴─────────────────┴───────────────────────────────────────────────┘".