# КР Өкмөтүнүн 2012-жылдын 13-июлундагы № 492 "Дары-дармек каражаттарын борбордоштурулган сатып алууларды уюштуруу жөнүндө" токтому - Толук аталышы: КР Өкмөтүнүн 2012-жылдын 13-июлундагы № 492 "Дары-дармек каражаттарын борбордоштурулган сатып алууларды уюштуруу жөнүндө" токтому - Актынын түрү: Постановление - Номери: 492 - Кабыл алынган күнү: 13.07.2012 - Статусу: Күчүн жоготкон - Редакциянын күнү: 16.08.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 16.08.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2012-жылдын 13-июлундагы № 492 "Дары-дармек каражаттарын борбордоштурулган сатып алууларды уюштуруу жөнүндө" токтому (16.08.2016 редакциясы) - https://aqlex.ai/kg/doc/95477 --- КР Өкмөтүнүн 2016-жылдын 16-августундагы № 445 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 13-июлу № 492 Дары-дармек каражаттарын борбордоштурулган сатып алууларды уюштуруу жөнүндө (КР Өкмөтүнүн 2012-жылдын 11-декабрындагы № 823 токтомунун редакциясына ылайык) "Мамлекеттик сатып алуулар жөнүндө" Кыргыз Республикасынын Мыйзамынын 17-беренесине ылайык, Кыргыз Республикасынын жарандарын медицина-санитариялык жардам менен камсыздоо боюнча мамлекеттик кепилдиктер программасын ишке ашырууга багытталган мамлекеттик каражаттарды сарамжалдуу пайдалануу максатында Кыргыз Республикасынын Өкмөтү ТОКТОМ КЫЛАТ: 1. Бирдиктүү төлөөчү системасында иштеген саламаттык сактоо уюмдары үчүн дары-дармек каражаттарын борбордоштурулган сатып алуулар боюнча функциялар Кыргыз Республикасынын Өкмөтүнө караштуу Милдеттүү медициналык камсыздандыруу фондуна жүктөлсүн. 2. Дары-дармек каражаттарын борбордоштурулган сатып алуулар Бирдиктүү төлөөчү системасынын консолидацияланган бюджетинин эсебинен жүргүзүлөөрү аныкталсын. 3. Кыргыз Республикасынын Өкмөтүнө караштуу Милдеттүү медициналык камсыздандыруу фонду: - 2013-жылдын 1-апрелине чейинки мөөнөттө Кыргыз Республикасынын саламаттык сактоо уюмдарын дары-дармек каражаттары жана медициналык багыттагы буюмдар менен борбордоштурулган камсыз кылуу жөнүндө жобону иштеп чыксын жана Кыргыз Республикасынын Өкмөтүнүн кароосуна киргизсин; - белгиленген тартипте борбордоштурулган сатып алууларды жүргүзүү боюнча иштердин көлөмүн эске алуу менен борбордук аппараттын жана аймактык башкармалыктардын штаттык санын көбөйтүү жөнүндө сунуштарды Кыргыз Республикасынын Өкмөтүнүн кароосуна киргизсин; - өзүнүн чечимдерин ушул токтомго ылайык келтирсин. (КР Өкмөтүнүн 2012-жылдын 11-декабрындагы № 823 токтомунун редакциясына ылайык) 4. Кыргыз Республикасынын Саламаттык сактоо министрлиги Кыргыз Республикасынын Өкмөтүнө караштуу Милдеттүү медициналык камсыздандыруу фонду менен бирдикте 2013-жылдын 1-январына чейин республиканын региондору боюнча саламаттык сактоо уюмдарына карата дары-дармек каражаттарына керектөөлөрүн аныктасын. (КР Өкмөтүнүн 2012-жылдын 11-декабрындагы № 823 токтомунун редакциясына ылайык) 5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн. Кыргыз Республикасынын Премьер-министри Ө. Бабанов