# КР Өкмөтүнүн 2012-жылдын 12-апрелиндеги №240 "Калктын ишке орношуусуна көмөк көрсөтүү жана кедейчиликти кыскартуу боюнча чаралар жөнүндө" токтому

- Толук аталышы: КР Өкмөтүнүн 2012-жылдын 12-апрелиндеги №240 "Калктын ишке орношуусуна көмөк көрсөтүү жана кедейчиликти кыскартуу боюнча чаралар жөнүндө" токтому
- Актынын түрү: Постановление
- Номери: 240
- Кабыл алынган күнү: 12.04.2012
- Статусу: Күчүн жоготкон
- Редакциянын күнү: 24.03.2014
- Тексттин тили: кыргыз тили
- aqlex'теги барагы: <https://aqlex.ai/kg/doc/95378>
- Расмий булак: <https://cbd.minjust.gov.kg/7-16743/edition/517444/ru>
- Башка тилдеги тексти (Markdown): <https://aqlex.ai/doc/95378.md>

> Текст расмий булактын маалыматы боюнча 24.03.2014 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2012-жылдын 12-апрелиндеги №240 "Калктын ишке орношуусуна көмөк көрсөтүү жана кедейчиликти кыскартуу боюнча чаралар жөнүндө" токтому (24.03.2014 редакциясы) - https://aqlex.ai/kg/doc/95378

---

(КР Өкмөтүнүн 2014-жылдын 24-мартындагы № 178 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 12-апрели № 240 Калктын ишке орношуусуна көмөк көрсөтүү жана кедейчиликти кыскартуу боюнча чаралар жөнүндө Калкты ишке орношууга көмөк көрсөтүү жана кедейчиликти кыскартуу, ошондой эле чакан кредиттерди берүү жолу менен жаңы жумуш орундарын түзүү максатында Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Жаштар, эмгек жана иш менен камсыз кылуу министрлигинин алдында "Ала-Тоо Финанс" чакан кредит агенттиги (мындан ары - Чакан кредит агенттиги) түзүлсүн.

2. Төмөнкүлөр бекитилсин:

- Кыргыз Республикасынын Жаштар, эмгек жана иш менен камсыз кылуу министрлигинин алдында "Ала-Тоо Финанс" чакан кредит агенттигинин уставы 1-тиркемеге ылайык;

- Кыргыз Республикасынын Жаштар, эмгек жана иш менен камсыз кылуу министрлигинин алдында "Ала-Тоо Финанс" чакан кредит агенттигинин Байкоочу кеңеши 2-тиркемеге ылайык курамда;

- Айыл аймагынын кредиттик кеңеши жөнүндө жобо 3-тиркемеге ылайык.

3. Кыргыз Республикасынын Юстиция министрлиги белгиленген тартипте Чакан кредит агенттигин мамлекеттик каттоону жүргүзсүн.

4. Кыргыз Республикасынын Улуттук банкына белгиленген тартипте Чакан кредит агенттигин эсептик каттоо жөнүндө күбөлүк берүү сунушталсын.

5. Чакан кредит агенттигинин активдери "Центерра Голд Инк" компаниясынын демөөрчүлүк жардамы болуп эсептелээри белгиленсин.

6. Чакан кредитти акыркы алуучусу үчүн негизги шарттар болуп төмөнкүлөр аныкталсын:

- чакан кредиттин максаттуу багыты - өсүмдүк өстүрүүчүлүк, мал чарбачылык, агроөнөр жайлык кайра иштетүү, чакан өндүрүш, кол өнөрчүлүк, соода жана кызмат көрсөтүү чөйрөсү;

- чакан кредитти берүү мөөнөтү - 1 жылга чейин;

- кредиттин өлчөмү - бир карыз алуучуга 50000 (элүү миң) сомго чейин;

- кредитти пайдалангандыгы үчүн проценттик ставка - жылдын 7 проценттен ашык эмес.

7. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд бир айлык мөөнөттө Чакан кредит агенттигине төмөнкүлөрдү берсин:

- Чакан кредит агенттигинин борбордук офисин жайгаштыруу үчүн Бишкек шаарынан ылайык келүүчү жайды;

- Чакан кредит агенттигинин операциялык ишин уюштуруу үчүн зарыл болгон кыймылдуу мүлктү.

8. Жергиликтүү мамлекеттик администрациялар жана жергиликтүү оз алдынча башкаруу органдары жай берүүдө жана Чакан кредит агенттигинин операциялык ишин ишке ашыруу үчүн зарыл шарттарды түзүүдө көмөк көрсөтүшсүн.

9. Айыл кеңештерине чакан кредит алууга муктаж болгон жарандардын тизмесин түзүү үчүн консультациялык-кеңеш берүүчү орган болуп эсептелген кредиттик кеңештерди айыл аймактарында түзүү сунушталсын.

10. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү, финансы, экономика жана инвестициялар бөлүмдөрүнө жүктөлсүн.

11. Бул токтом расмий жарыяланган күндөн тартып күчүнө кирет.

Премьер-министри

Ө. Бабанов

2-тиркеме Кыргыз Республикасынын Жаштар, эмгек жана иш менен камсыз кылуу министрлигинин алдында "Ала-Тоо Финанс" чакан кредит агенттигинин Байкоочу кеңешинин КУРАМЫ

Кыргыз Республикасынын Премьер-министри дайындоочу Байкоочу кеңештин төрагасы.

Байкоочу кеңештин мүчөлөрү:

Кыргыз Республикасынын жаштар, эмгек жана иш менен камсыз кылуу министри; Кыргыз Республикасынын социалдык өнүгүү министри; Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттиктин директору; "Центерра Голд Инк" компаниясынын өкүлү (макулдашуу боюнча).