КР Өкмөтүнүн «Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө» Кыргыз Республикасынын Мыйзамына толуктоолор жана өзгөртүүлөр киргизүү тууралуу» Кыргыз Республикасынын Мыйзамынын долбоору жөнүндө» токтому

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 17-июну № 325 "Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына толуктоолор жана өзгөртүүлөр киргизүү тууралуу" Кыргыз Республикасынын Мыйзамынын долбоору жөнүндө Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:

1. "Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына толуктоолор жана өзгөртүүлөр киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин жана Кыргыз Республикасынын Конституциясынын 80-беренесинин 2-бөлүгүнө ылайык, Кыргыз Республикасынын Жогорку Кеңешинен кечиктирилгис катары ушул долбоорду кезексиз тартипте кароо суралсын.

3. Кыргыз Республикасынын Социалдык фондунун төрагасы бул мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Премьер-министр

А.Атамбаев

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына өзгөртүүлөр жана толуктоолор киргизүү тууралуу"

1-берене.

"Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2004-ж., № 5, 229-берене) төмөнкүдөй өзгөртүүлөр жана толуктоолор киргизилсин.

1. 2-берененин 2-пунктунда:

"а" пунктчасы:

- "Кыргыз Республикасында" деген сөздөрдөн мурда "кызматкер-пенсионерлерди кошпогондо," деген сөздөр менен толукталсын;

- төмөнкүдөй мазмундагы экинчи абзац менен толукталсын: "Жалданган кызматкер-пенсионерлер үчүн Пенсиялык фондго - 8 пайыз өлчөмүндө.";

- төмөнкүдөй мазмундагы бешинчи абзац менен толукталсын: "Ушул Мыйзамдын 11-1-беренесинин "а" пунктунда көрсөтүлгөн кызматкерлер үчүн Пенсиялык фондго - 10 пайыз;";

"б" пунктчасында:

- "4 пайыз" деген сан жана сөз "Пенсиялык фондго 2 пайыз" деген сан жана сөздөр менен алмаштырылсын;

- экинчи, үчүнчү жана төртүнчү абзацтары күчүн жоготту деп табылсын.

"в" пунктчасында:

- "10 пайыз өлчөмүндө" деген сөздөр "фонддор боюнча камсыздандыруу төгүмдөрүн эсептөө жана бөлүштүрүү ушул пункттун "а" пунктчасына ылайык жүргүзүлөт" деген сөздөргө алмаштырылсын.

- "в" пунктчасынын экинчи абзацы күчүн жоготту деп табылсын.

2. 3-беренеде:

"б" пунктчада:

- "каржылоо булактарына" деген сөздөрдөн мурда "кызматкер-пенсионерлерди кошпогондо," деген сөздөр менен толукталсын;

- төмөнкүдөй мазмундагы бешинчи абзац менен толукталсын:

"Ушул Мыйзамдын 11-1-беренесинин "а" пунктчасында көрсөтүлгөн кызматкерлер үчүн Пенсиялык фондго - 9,5 пайыз;"; "в" пунктчасында:

- "4 пайыз" деген сан жана сөз "Пенсиялык фондго 2 пайыз" деген сан жана сөздөр менен алмаштырылсын;

- экинчи, үчүнчү жана төртүнчү абзацтары күчүн жоготту деп табылсын.

3. 4-берененин 1-бөлүгүнүн "б" пунктунда:

- "4 пайыз" деген сан жана сөз "Пенсиялык фондго 2 пайыз" деген сан жана сөздөр менен алмаштырылсын;

- экинчи, үчүнчү жана төртүнчү абзацтары күчүн жоготту деп табылсын.

4. 6-берененин 2-бөлүгүнүн экинчи сүйлөмү төмөнкү редакцияда берилсин:

"Камсыздандыруу полистерин сатып алуу тартиби жана алардын наркы Кыргыз Республикасынын Өкмөтү тарабынан белгиленет.".

5. 8-берененин 2-пункту:

- биринчи абзацы "Кыргыз Республикасында туруктуу жашаган" деген сөздөрдөн мурун "Ушул Мыйзамдын 11 -1 -беренесинин "б" пунктчасында көрсөтүлгөн кызматкерлерди жана иш/кызмат аткаруучуларды кошпогондо" деген сөздөр менен толукталсын;

- биринчи абзацы төмөнкүдөй мазмундагы экинчи сүйлөм менен толукталсын:

"Ушул Мыйзамдын 11-1-беренесинин "б" пунктчасында көрсөтүлгөн жалданган кызматкерлер жана иш/кызмат аткаруучулар үчүн - Пенсиялык фондго - 8 пайыз өлчөмүндө.";

- төмөнкүдөй мазмундагы бешинчи абзац менен толукталсын: "Ушул Мыйзамдын 11-1-беренесинин "а" пунктунда көрсөтүлгөн кызматкерлер жана иш/кызмат аткаруучулар үчүн - Пенсиялык фондго 10 пайыз.".

6. 9-берене төмөнкүдөй редакцияда берилсин:

"9-берене. Пенсиялык жана Мамлекеттик пенсиялык топтоо фонддоруна төлөнгөн камсыздандыруу төгүмдөрүн бөлүштүрүү

Ушул Мыйзамга ылайык Пенсиялык жана Мамлекеттик пенсиялык топтоо фонддоруна төлөнүүчү камсыздандыруу төгүмдөрү төмөндөгүдөй өлчөмдөрдө бөлүштүрүлөт:

1) иш берүүчүдөн:

а) 2-берененин 1-пунктуна, 3-берененин "а" пунктчасына, 5-берененин 1-бөлүгүнө, 6-берененин 3-бөлүгүнө жана 8-берененин 1-пунктуна ылайык камсыздандыруу төгүмдөрүн төлөгөндөр:

- камсыздандырылган адамдын жеке камсыздандыруу эсебине - 12 пайыз;

- Пенсиялык фонддун тилектештик бөлүгүнө - 3 пайыз;

б) 4-берененин 1-бөлүгүнө ылайык камсыздандыруу төгүмдөрүн төлөгөндөр:

- камсыздандырылган адамдын жеке камсыздандыруу эсебине - 10 пайыз;

- Пенсиялык фонддун тилектештик бөлүгүнө - 3 пайыз;

2) кызматкерден (ушул Мыйзамдын 11-1-беренесинде көрсөтүлгөн кызматкерлерди кошпогондо):

а) 2-берененин 2-пунктунун "а" пунктчасына, 4-берененин 2-бөлүгүнө, 5-берененин 1-бөлүгүнө, 6-берененин 3-бөлүгүнө жана 8-берененин 2-пунктуна ылайык камсыздандыруу төгүмдөрүн төлөгөндөр:

- камсыздандырылган адамдын жеке камсыздандыруу эсебине - 8 пайыз;

- камсыздандырылган адамдын жеке камсыздандыруу эсебинин топтоо бөлүгүнө - 2 пайыз;

б) 3-берененин "б" пунктчасына ылайык камсыздандыруу төгүмдөрүн төлөгөндөр:

- камсыздандырылган адамдын жеке камсыздандыруу эсебине - 7,5 пайыз;

- камсыздандырылган адамдын жеке камсыздандыруу эсебинин топтоо бөлүгүнө - 2 пайыз;

в) 2-берененин 2-пунктунун "б" пунктчасына, 3-берененин "в" пунктчасына, 4-берененин 1-бөлүгүнүн "б" пунктчасына ылайык камсыздандыруу төгүмдөрүн төлөгөндөр - камсыздандырылган адамдын жеке камсыздандыруу эсебине - 2 пайыз;

3) дыйкан (фермердик) чарбалардын мүчөлөрүнөн камсыздандырылган адамдын жеке камсыздандыруу эсебине - 91,7 пайыз;

4) жеке ишкерлерден:

а) 6-берененин 1-бөлүгүнө, 7-берененин 1 жана 4-бөлүктөрүнө ылайык камсыздандырылган адамдын жеке камсыздандыруу эсебине - 8 пайыз;

б) 6-берененин 2-бөлүгүнө ылайык камсыздандыруу төгүмдөрүн төлөгөндөр - камсыздандырылган адамдын жеке камсыздандыруу эсебине 100 пайыз;

5) ушул Мыйзамдын 11-1-беренесинин "а" пунктунда көрсөтүлгөн кызматкерден:

- камсыздандырылган адамдын жеке камсыздандыруу эсебине - 10 пайыз;

ушул Мыйзамдын 11-1-беренесинин "б" пунктунда көрсөтүлгөн кызматкерден:

- камсыздандырылган адамдын жеке камсыздандыруу эсебине - 8 пайыз.".

7. Төмөнкүдөй мазмундагы 11-1-берене менен толукталсын:

"11-1-берене. Мамлекеттик пенсиялык топтоо фондуна камсыздандыруу төгүмдөрүн төлөөдөн бошотуу

Мамлекеттик пенсиялык топтоо фондуна камсыздандыруу төгүмдөрүн милдеттүү түрдө төлөөдөн төмөнкүлөр бошотулат:

а) ушул Мыйзамдын 8-беренесинде көрсөтүлгөн кызматкерлер, ошондой эле иш/кызмат аткаруучулар - 1964-жылдын 1-январынан мурун төрөлгөн эркектер жана 1969-жылдын 1-январынан мурун төрөлгөн аялдар;

б) кызматкер-пенсионерлер.".

2-берене.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

3-берене.

Бул Мыйзам 2012-жылдын 1-январынан баштап күчүнө кирет. Аталган Мыйзам расмий жалпыга маалымдоо каражаттарында жарыялансын.

Кыргыз Республикасынын Президенти

"Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамынын колдонуудагы редакциясы жана "Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзамына САЛЫШТЫРМА ТАБЛИЦА