«Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун» Тартиби (Кыргыз Республикасынын Өкмөтүнүн токтому менен бекитилген)

КР Өкмөтүнүн 2019-жылдын 10-сентябрындагы № 464 токтомуна ылайык КҮЧҮН ЖОГОТТУ

Кыргыз Республикасынын Өкмөтүнүн 2013-жылдын 4-июлундагы № 401 токтому менен бекитилген Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун ТАРТИБИ (КР Ѳкмѳтγнγн 2015-жылдын 25-марты № 153, 2016-жылдын 11-апрелиндеги № 204 токтомдун редакциясына ылайык)

1. Жалпы жоболор

1. Бул Тартип ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга таандыктыгына жана менчигинин формасына карабастан ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн, укукту узартуунун жана кайра алып коюунун тартибин белгилейт.

2. Метрология боюнча улуттук органда тийиштүү эталондор жок болсо ченөөлөрдүн айрым түрлөрү боюнча ченөөнүн бирдейлигин камсыздоочу мамлекеттик органдын чечими менен ченөө каражаттарынын тибин бекитүү жана (же) ченөө каражаттарын текшерүү максатында курамында метрологиялык кызматтар (мындан ары - метрологиялык кызматтар) иштеген юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүгө болот.

3. Ченөө каражаттарынын тибин бекитүү жана (же) ченөө каражаттарын текшерүү максатында ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук иштин айтылган тармактарында ченөө каражаттарын жасоо, импорттоо, сатуу жана оңдоо боюнча иштерди аткарбоочу метрологиялык кызматтарга берилет.

2. Ченөө каражаттарынын тибин бекитүү жана (же) ченөө каражаттарын текшерүү максатында ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук алууга талапкер метрологиялык кызматтарга карата талаптар

4. Метрологиялык кызматтардын иши Кыргыз Республикасынын ченөөлөрдүн бирдейлигин камсыздоочу мыйзамдарына ылайык жүргүзүлүүгө тийиш.

5. Метрологиялык кызматта бул иш үчүн керектүү төмөнкүдөй шарттары болууга тийиш:

- жабдуулар жана жайлар;

- квалификациялуу персонал;

- пайдаланылуучу эталондордун жана ченөө каражаттарынын байкоодо болушу.

6. Метрологиялык кызмат ченөөлөрдүн бирдейлигин камсыздоо боюнча мамлекеттик органга жана метрология боюнча улуттук органга өзүнүн иши жөнүндө маалыматты жыл сайын берүүгө тийиш.

7. Иштин тийиштүү түрдө аткарылбаганы жана Кыргыз Республикасынын "Ченөө бирдейлигин камсыз кылуу жөнүндө" Мыйзамынын ченемдеринин талаптары аткарылбаганы үчүн жоопкерчилик юридикалык жактын жетекчисине жүктөлөт.

3. Ченөө каражаттарынын тибин бекитүү жана (же) ченөө каражаттарын текшерүү максатында метрологиялык кызматка ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүү

8. Метрологиялык кызмат ченөөлөрдүн бирдейлигин камсыз кылуу боюнча мамлекеттик органга төмөнкү документтерди тапшырат:

- ушул Тартиптин 1-тиркемесине ылайык формада арыз;

- ченөө каражаттарынын тибин бекитүү жана (же) текшерүү максатында ченөө каражаттарына сыноо жүргүзүүчү метрологиялык кызматтын ишинин түрү жөнүндө маалымат, ушул Тартиптин 2-тиркемесине ылайык форма боюнча;

- типти бекитүү максатында стандарттык үлгүлөрдү аттестациялоочу метрологиялык кызматтын ишинин түрү жөнүндө маалымат, ушул Тартиптин 3-тиркемесине ылайык форма боюнча;

- метрологиялык кызмат жөнүндө маалыматтар, 4-тиркемеге ылайык форма боюнча.

9. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук берүү жөнүндө чечимди кабыл алуу үчүн ченөөлөрдүн бирдейлигин камсыздоо боюнча мамлекеттик орган эксперттик комиссия түзөт. Эксперттик комиссиянын курамы ченөөлөрдүн бирдейлигин камсыздоо боюнча мамлекеттик органдын буйругу менен бекитилет.

10. Эксперттик комиссиянын курамына ченөөлөрдүн бирдейлигин камсыздоо боюнча мамлекеттик органдын, метрология боюнча улуттук органдын өкүлдөрү, иштин тапшырылган тармагындагы ченөөлөрдүн түрлөрү боюнча техникалык эксперттер киргизилет. Комиссиянын төрагасы ченөөлөрдүн бирдейлигин камсыздоо боюнча мамлекеттик органдын кызмат адамдарынын ичинен дайындалат.

11. Ченөөлөрдүн бирдейлигин камсыздоо боюнча мамлекеттик орган метрологиялык кызмат тапшырган документтерди метрология боюнча улуттук органга экспертизага берет.

12. Метрология боюнча улуттук орган тапшырылган документтерди экспертизалайт, документтерди тариздөөнүн тууралыгын жана толуктугун аныктайт. Экспертизанын жыйынтыгы боюнча ушул Тартиптин 5-тиркемесине ылайык форма боюнча корутундуну тариздейт.

13. Экспертизанын жыйынтыгы канааттанарлык болбосо документтер метрологиялык кызматка толуктап иштеп чыгууга жиберилет.

14. Экспертизанын жыйынтыгын канааттанарлык эмес деп эсептөө үчүн негизги критерийлер төмөнкүлөр:

- жумуштарды аткарууга арыздарды анализдөөнүн, анын ичинде метрологиялык кызматтын мүмкүнчүлүктөрүн жана ресурстарына анализдин жол-жобосун толук баяндабагандык;

- метрологиялык кызматтын уюштуруу жана башкаруу структурасын толук баяндабагандык;

- иштин ыкмасын толук баяндабагандык.

15. Метрология боюнча улуттук органдын документтерди кароосунун жана экспертиза жасоосунун мөөнөтү документтерди алган күндөн баштап 10 иш күндөн ашык эмес.

16. Метрология боюнча улуттук органдын корутундусу эксперттик комиссияга жиберилет.

17. Корутундунун жыйынтыгы боюнча эксперттик комиссия метрологиялык кызматка жеринде текшерүү жүргүзөт.

18. Эксперттик комиссия метрологиялык кызматтын өзүндө төмөнкүлөрдү текшерет:

- техникалык жабдылышын (жабдуулар, ченөө каражаттары);

- жайлардын жана тийиштүү шарттардын болушун (температура, басым, нымдуулук ж.у.с);

- сыноолорду жүргүзүү үчүн колдонулуучу эталондордун жана ченөө каражаттарынын байкоодо болушу камсыздалганын (текшерилгени/калибровкасы жөнүндө күбөлүк);

- персоналдардын квалификациясын (иш тажрыйбасы, ченөө каражаттарын текшерүүчүнүн күбөлүгү бар экенин).

19. Эксперттик комиссия ченөө каражаттарын салыштырууну жана/же текшерүүнү уюштурат.

20. Эгерде метрологиялык кызматта иштин аткарылуучу тармагында аккредитациялык аттестаты бар болсо, эксперттик комиссия метрологиялык кызматты жеринде текшербестен ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук берүү тууралуу чечим чыгарат.

21. Метрологиялык кызматты текшерүүнүн жыйынтыгында эксперттик комиссия ушул Тартиптин 6-тиркемесине ылайык форма боюнча актыны тариздейт.

22. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук берүү жөнүндө корутундуну эксперттик комиссия актынын негизинде 1 жыл мөөнөткө чыгарат.

23. Эксперттик комиссиянын корутундусу ченөөлөрдүн бирдейлигин камсыздоо боюнча мамлекеттик органдын чечими менен таризделет.

24. Текшерүүдө терс жыйынтык болгон учурда эксперттик комиссия 7 иш күндүн ичинде метрологиялык кызматка ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук берүүдөн баш тартылганы жөнүндө маалымдайт.

25. Документтерди кароонун, экспертиза жасоонун жана метрологиялык кызматты жеринде текшерүү менен эксперттик комиссиянын чечим чыгаруусунун мөөнөтү метрология боюнча улуттук органдын корутундусун алган күндөн баштап 50 иш күндөн ашпайт.

4. Метрологиялык кызматтын ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укугун узартуу

26. Метрологиялык кызмат ченөөлөрдүн бирдейлигин камсыздоо боюнча мамлекеттик органга төмөнкү документтерди тапшырат:

- ушул Тартиптин 7-тиркемесине ылайык формадагы арыз;

- тибин бекитүү жана (же) текшерүү максатында ченөө каражаттарына сыноолорду жүргүзүүчү метрологиялык кызматтын ишинин түрү жөнүндө маалымат, ушул Тартиптин 2-тиркемесине ылайык формада;

- тибин бекитүү максатында стандарттык үлгүлөрдү аттестациялоочу метрологиялык кызматтын ишинин түрү жөнүндө маалымат, ушул Тартиптин 3-тиркемесине ылайык формада;

- иштеген тармактагы аккредитациянын аттестаты.

27. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укукту узартуу жөнүндө чечимди чыгаруу үчүн ченөөлөрдүн бирдейлигин камсыздоо боюнча мамлекеттик орган эксперттик комиссия түзөт. Эксперттик комиссиянын курамы ченөөлөрдүн бирдейлигин камсыздоо боюнча мамлекеттик органдын буйругу менен бекитилет.

28. Эксперттик комиссиянын курамына ченөөлөрдүн бирдейлигин камсыздоо боюнча мамлекеттик органдын, метрология боюнча улуттук органдын өкүлдөрү киргизилет. Комиссиянын төрагасы ченөөлөрдүн бирдейлигин камсыздоо боюнча мамлекеттик органдын кызмат адамдарынын ичинен дайындалат.

29. Эксперттик комиссиянын документтерди кароо мөөнөтү документтер кабыл алынган күндөн тартып 20 иш күндөн ашык эмес.

30. Эксперттик комиссия тапшырылган документтердин негизинде ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укукту узартуу жөнүндө чечим чыгарат.

31. Эксперттик комиссиянын корутундусу ченөөлөрдүн бирдейлигин камсыздоо боюнча мамлекеттик органдын чечими менен таризделет.

32. Метрологиялык кызматка ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук 4 жыл мөөнөткө узартылат.

33. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укугу узартылган метрологиялык кызмат ченөөлөрдүн бирдейлигин камсыздоо боюнча мамлекеттик органга аккредитация боюнча улуттук орган жүргүзгөн инспекциялык контролдоонун жыйынтыктарын жыл сайын берүүгө тийиш.

5. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укукту метрологиялык кызматтан кайра алуу

34. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укукту метрологиялык кызматтан кайра алуу төмөнкүдөй учурларда болот:

- өз иши тууралуу жылдык маалыматты бербегенде;

- аккредитация боюнча улуттук орган жүргүзгөн инспекциялык контролдоонун жыйынтыгын учурдагы календардык жылдын акырына чейин бербегенде;

- пайдаланылчу эталондорго жана ченөө каражаттарына байкоо жок болгондо.

35. Ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укукту метрологиялык кызматтан кайра алуу жөнүндө корутундуну метрологиялык кызматка ченөө каражаттарынын тибин бекитүү жана (же) текшерүү максатында ченөө каражаттарына сыноолорду жүргүзүүгө жана (же) стандарттык үлгүлөрдү аттестациялоого укук берген эксперттик комиссия чыгарат.

36. Эксперттик комиссиянын корутундусу ченөөлөрдүн бирдейлигин камсыздоо боюнча мамлекеттик органдын чечими менен таризделет.

37. Ченөөлөрдүн бирдейлигин камсыздоо боюнча мамлекеттик орган 10 иш күндүн ичинде метрологиялык кызматка кабыл алынган чечим тууралуу маалыматты жиберет.

38. Ченөөлөрдүн бирдейлигин камсыздоо боюнча мамлекеттик органдын чечимине даттануу "Административдик иштин негиздери жана административдик жол-жоболор жөнүндө" Кыргыз Республикасынын Мыйзамында белгиленген административдик (сотко чейинки) тартипте ишке ашырылат. Арыз берүүчү ченөөлөрдүн бирдейлигин камсыздоо боюнча мамлекеттик органдын аттестациялык комиссиясынын административдик даттануу боюнча чечимине макул болбогон учурда ал сотко кайрылууга укуктуу.

(КР Өкмөтүнүн 2016-жылдын 11-апрелиндеги № 204 токтомунун редакциясына ылайык)

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 1-тиркеме

Форма

_____________________ _____________________

АРЫЗ

__________________________________________________________________ юридикалык жактын аталышы _______________________________________________________________________

_____________________________________________ укугун берүүнү суранабыз. укук тармагында аткарылуучу иштин түрү (түрлөрү)

Жетекчинин аты-жөнү _________________________________________________________ Дареги, телефону _________________________________________________________ Тиркеме: паспорт, иштин түрү жөнүндө информация жана метрологиялык кызмат жөнүндө маалымат.

Жетекчи ________________ ________________________________________ колу аты-жөнү

М.О.

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 2-тиркеме

Форма

Иштин түрү жөнүндө МААЛЫМАТ

______________________________________________________ юридикалык жактын аталышы _____________________________________________________________ укук иштин түрү (түрлөрү)

Эскертүү: Ченөөлөрдүн түрү ченөө каражаттарынын тобунун кодификатору боюнча аныкталат (МИ 2314-2000).

Жетекчи ________________ ________________________________________ колу аты-жөнү

М.О.

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 3-тиркеме

Форма

Иштин түрү жөнүндө МААЛЫМАТ

______________________________________________________ юридикалык жактын аталышы

Типти бекитүү максатында стандарттык үлгүлөрдү аттестациялоо укугуна

Жетекчи ________________ ________________________________________ колу аты-жөнү

М.О.

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 4-тиркеме

Форма

Метрологиялык кызмат жөнүндө МААЛЫМАТ

1. Информациялык маалыматтар

Курамында метрологиялык кызмат иштеген юридикалык жактын аталышы жана юридикалык дареги ___________________________________________ _______________________________________________________________________ Телефону, факсы, e-mail __________________________________________ Жетекчинин аты-жөнү _________________________________________________________

2. Сыналуучу жана (же) текшерилүүчү ченөө каражаттары жөнүндө маалымат

Эскертүү:

1. Форма ченөөнүн ар бир түрү үчүн эталондук үлгүдөн тартып ченөөнүн иш каражаттарына чейин толтурулат.

2. Ченөө каражаттарына сыноо жана (же) текшерүү жүргүзүү үчүн каражаттарда ченөө каражаттарын сыноого жана (же) текшерүүгө ченемдик документтер боюнча керектүү, ченөө каражаттарына сыноолорду жана (же) текшерүүлөрдү жүргүзүү үчүн бардык болгон эталондор жана каражаттардын комплектилөөчүлөрү көрсөтүлөт.

3. Эталондор менен жабдылышы

4. Сыноочу жана көмөкчү жабдуулар менен жабдылышы (типти бекитүү максатында стандарттык үлгүлөрдү аттестациялоодо)

Эскертүү: Таблица бөлүмдөр боюнча толтурулат:

1. Жалпы өнөр жайлык пайдалануу үчүн серия түрүндө чыгарылуучу сыноо жабдуусу.

2. Тармактык пайдалануунун серия түрүндө чыгарылуучу сыноо жабдуусу.

3. Жеке иштеп чыгуунун стандарттык эмес сыноо жабдуусу.

4. Көмөкчү жабдуу.

5. Сыноолордун бирдей эле түрлөрүндө, бирок продукциянын ар кандай түрлөрүндө пайдаланылуучу сыноолук жана көмөкчү жабдуу 1 жолу көрсөтүлөт.

5. Стандарттык үлгүлөрдү аттестациялоо үчүн ченөө каражаттары менен жабдылышы

Эскертүү: Жумуштардын бирдей эле түрлөрүндө, бирок продукциянын ар кандай түрлөрүндө пайдаланылуучу сыноолук жана көмөкчү жабдуу 1 жолу көрсөтүлөт.

6. Аналитикалык контролдоодо стандарттык үлгүлөр менен жабдылышы (типти бекитүү максатында стандарттык үлгүнү аттестациялоодо)

7. Метрологиялык кызматтын өндүрүштүк жайларынын абалы

8. Метрологиялык кызматтын кадрдык курамы

9. Жүргүзүлүүчү иштерге талаптарды белгилөөчү ченемдик документтердин тизмеси

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 5-тиркеме

Форма

Метрология боюнча улуттук органдын КОРУТУНДУСУ

__________________________________________________________________ юридикалык жактын аталышы _____________________________________________ жүргүзүү укугуна талапкер иштин түрү (түрлөрү) документтерде берилген маалыматтарды талдоонун негизинде төмөнкү корутунду чыгарылды: _______________________________________________________________________ _______________________________________________________________________ _______________________________________________________________________

Жетекчи ________________ ________________________________________ колу аты-жөнү

М.О.

Күнү 201_-ж. ___________

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 6-тиркеме

Форма

Метрологиялык кызматты текшерүүнүн АКТЫСЫ

__________________________________________________________________ Юридикалык жактын аталышы

201_-ж. "__" __________ тартып "__" __________ чейин Төмөнкү курамдагы комиссия: комиссиянын төрагасы _________________________________________________________ аты-жөнү, кызматы, иштеген жери комиссиянын мүчөлөрү _________________________________________________________ аты-жөнү, кызматы, иштеген жери __________________________________________________________________ аты-жөнү, кызматы, иштеген жери укук берүү максатында текшерүүнү жүргүздүм _______________________________________________________________________ иштин түрү (түрлөрү) текшерүүдө аныкталды:

Комиссия сунуш кылат: __________________________________________________________________ комиссиянын сын-пикирлери жана дооматтары Корутунду: __________________________________________________________________ укукту берүүгө карата комиссиянын рекомендациясы, мөөнөтү менен

Комиссиянын төрагасы ___________ ________________________________ колу аты-жөнү комиссиянын мүчөлөрү ___________ ________________________________ колу аты-жөнү ___________ ________________________________ колу аты-жөнү ___________ ________________________________ колу аты-жөнү

Акты менен тааныштым

Уюмдун жетекчиси ____________ ___________________________________ колу аты-жөнү

Ченөө каражаттарынын тибин бекитүү жана (же) ченөө каражаттарын текшерүү максатында юридикалык жактарга ченөө каражаттарына сыноо жүргүзүүгө жана (же) стандарттык үлгүлөрдү аттестациялоого укук берүүнүн жана укукту кайра алып коюунун тартибине 7-тиркеме

Форма

_____________________ _____________________

АРЫЗ

__________________________________________________________________ юридикалык жактын аталышы _______________________________________________________________________

_____________________________________________ укугун берүүнү суранабыз. укук тармагында аткарылуучу иштин түрү (түрлөрү)

Жетекчинин аты-жөнү _________________________________________________________ Дареги, телефону _________________________________________________________ Тиркеме: иштин тармагы боюнча маалымат, аккредитациялоо аттестаты.

Жетекчи ________________ ________________________________________ колу аты-жөнү