# КР Ɵкмɵтүнүн 2013-жылдын 24-январындагы № 27 "Кыргыз Республикасынын Өкмөтүнүн 2011-жылдын 27-июлундагы № 416 "Ысык-Көл облусун өнүктүрүү фонду жөнүндө" токтомуна өзгөртүүлөрдү жана толуктоолорду киргизүү тууралуу" токтому - Толук аталышы: КР Ɵкмɵтүнүн 2013-жылдын 24-январындагы № 27 "Кыргыз Республикасынын Өкмөтүнүн 2011-жылдын 27-июлундагы № 416 "Ысык-Көл облусун өнүктүрүү фонду жөнүндө" токтомуна өзгөртүүлөрдү жана толуктоолорду киргизүү тууралуу" токтому - Актынын түрү: Постановление - Номери: 27 - Кабыл алынган күнү: 24.01.2013 - Статусу: Күчүндө - Редакциянын күнү: 24.01.2013 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.01.2013 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Ɵкмɵтүнүн 2013-жылдын 24-январындагы № 27 "Кыргыз Республикасынын Өкмөтүнүн 2011-жылдын 27-июлундагы № 416 "Ысык-Көл облусун өнүктүрүү фонду жөнүндө" токтомуна өзгөртүүлөрдү жана толуктоолорду киргизүү тууралуу" токтому (24.01.2013 редакциясы) - https://aqlex.ai/kg/doc/94124 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2013-жылдын 24-январы № 27 Кыргыз Республикасынын Өкмөтүнүн 2011-жылдын 27-июлундагы № 416 "Ысык-Көл облусун өнүктүрүү фонду жөнүндө" токтомуна өзгөртүүлөрдү жана толуктоолорду киргизүү тууралуу Кыргыз Республикасынын Өкмөтүнүн 2012-жылдын 17-июлундагы № 506 "Кыргыз Республикасынын Өкмөтүнүн облустагы ыйгарым укуктуу өкүлү жөнүндө" токтомуна ылайык, Ысык-Көл облусун өнүктүрүү фондунун каражаттарынан пайдаланууну жөнөкөйлөтүү жана чыгымдарды ыкчам каржылоо максатында Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Өкмөтүнүн 2011-жылдын 27-июлундагы № 416 "Ысык-Көл облусун өнүктүрүү фонду жөнүндө" токтомуна төмөнкүдөй өзгөртүүлөр жана толуктоолор киргизилсин: жогоруда аталган токтом менен бекитилген Ысык-Көл облусун өнүктүрүү фонду жөнүндө жободо: - 4-пункту төмөнкү редакцияда берилсин: "4. Фондду башкарууну Ысык-Көл облусун өнүктүрүү фондусунун Байкоочу кеңеши (мындан ары - Байкоочу кеңеш) жүргүзөт, анын курамы Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлүнүн сунушунун негизинде Кыргыз Республикасынын Премьер-министринин буйругу менен түзүлөт. Фонддун каражаттарын бөлүштүрүүнүн ачык-айкындыгын жана максаттуу пайдаланылышын камсыз кылуу максатында Байкоочу кеңештин курамына милдеттүү түрдө Кыргыз Республикасынын Финансы министрлигинин өкүлү, Ысык-Көл облусунун райондорунун мамлекеттик администрацияларынын алдындагы коомдук байкоочу кеңештерден, Каракол жана Балыкчы шаарларынын жергиликтүү кеңештеринен бирден өкүл, ошондой эле коомдук уюмдардан, бирикмелерден жана жарандык сектордон кеминде үчтөн өкүлү киргизилет."; - 6-пункту төмөнкү редакцияда берилсин: "6. Фонддун каражаттарын тескөөчүнүн укуктары жана жоопкерчилиги Байкоочу кеңеш бекиткен объекттердин тизмегине жана топтомо сметасына так ылайыкта Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлүнө (мындан ары - Фонддун каражаттарын тескөөчү) берилет."; - 32-пунктунун үчүнчү абзацы төмөнкү редакцияда берилсин: "- 50 проценти Фонддун атына ачылган өзүнчө "Эскроу-Эсепке" которулат жана ал "Кумтөр Голд Компани" ЖАКы менен макулдашуу боюнча Фонддун каражаттарын тескөөчү тарабынан пайдаланылат."; - 34-пунктунун экинчи абзацы төмөнкү редакцияда берилсин: "Өзгөчө учурларда Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү Байкоочу кеңештин кароосуна объекттердин кошумча тизмегин киргизүүгө укуктуу."; - 36-пункт төмөнкүдөй мазмундагы он төртүнчү жана он бешинчи абзацтар менен толукталсын: "- Ысык-Көл облусун өнүктүрүүгө багытталган долбоорлорду тең каржылоого; - облустун калктуу конуштарын суу менен камсыз кылуу системасын реабилитациялоого жана курууга.". 2. Бул токтом расмий жарыяланган күндөн тартып күчүнө кирет. Премьер-министри Ж.Сатыбалдиев