# КР Өкмөтүнүн 2011-жылдын 22-февралындагы №68 "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө" токтому

- Толук аталышы: КР Өкмөтүнүн 2011-жылдын 22-февралындагы №68 "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө" токтому
- Актынын түрү: Постановление
- Номери: 68
- Кабыл алынган күнү: 22.02.2011
- Статусу: Күчүн жоготкон
- Редакциянын күнү: 22.02.2011
- Тексттин тили: кыргыз тили
- aqlex'теги барагы: <https://aqlex.ai/kg/doc/94065>
- Расмий булак: <https://cbd.minjust.gov.kg/7-15759/edition/1157412/ru>
- Башка тилдеги тексти (Markdown): <https://aqlex.ai/doc/94065.md>

> Текст расмий булактын маалыматы боюнча 22.02.2011 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2011-жылдын 22-февралындагы №68 "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө" токтому (22.02.2011 редакциясы) - https://aqlex.ai/kg/doc/94065

---

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ

2011-жылдын 22-февралы №68 "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө Кыргыз Республикасынын Конституциясынын 79-беренесине, "Кыргыз Республикасынын нормативдик-укуктук актылары жөнүндө" Кыргыз Республикасынын Мыйзамына ылайык Кыргыз Республикасынын Өкмөтү ТОКТОМ КЫЛАТ:

1. "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөр киргизүү тууралуу" Кыргыз Республикасынын Мыйзамынын тиркелген долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Жогорку Кеңешинен бул мыйзам долбоорун Кыргыз Республикасынын Конституциясынын 80-беренесинин 2-бөлүгүнө ылайык кечиктирилгис катары кезексиз тартипте кароо суралсын.

4. Кыргыз Республикасынын экономикалык жөнгө салуу министри, Кыргыз Республикасынын Өкмөтүнө караштуу Мамлекеттик салык кызматынын төрагасы бул мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлдөрү болуп дайындалышсын.

Премьер-министри

А.Атамбаев

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Салыктык эмес төлөмдөр жөнүндө" Кыргыз Республикасынын Мыйзамына өзгөртүүлөр киргизүү тууралуу

1-берене. "Салыктык эмес төлөмдөр жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору 1994-ж., № 5, 157-берене) төмөнкүдөй өзгөртүүлөр киргизилсин:

1. 3-берене төмөнкүдөй редакцияда баяндалсын:

"3-берене. Атайын продукцияны берүү жана алмаштыруу, экзамендерди кабыл алуу жана автомототранспортко техникалык кароо жүргүзүү үчүн алынуучу жыйымдар

Автотранспорт каражаттарын, атайын технологиялык машиналарды, атайын продукция берүү жана алмаштыруу үчүн акы төлөөдөн айдоочулар курамын каттоо, экзамендерди кабыл алуу жана автомототранспортторго техникалык кароо жүргүзүү чөйрөсүндө ыйгарым укуктуу мамлекеттик орган алуучу каражаттар республикалык бюджеттин кирешесине чегерилүүгө тийиш. Жыйымдардын өлчөмдөрү Кыргыз Республикасынын Өкмөтү тарабынан белгиленет.".

2. 6-беренеде:

берененин аталышы төмөнкүдөй редакцияда баяндалсын: "6-берене. "Өнөр-жайында иш жүргүзүүнүн коопсуздугу чөйрөсүндө ыйгарым укуктуу мамлекеттик орган алуучу жыйымдар".

3. 11-беренеде:

экинчи бөлүктөгү "камсыздандыруу көзөмөлү боюнча мамлекеттик башкаруу органы" деген сөздөр "Кыргыз Республикасынын Өкмөтү" деген сөздөргө алмаштырылсын.

4. 21-беренедеги ар кандай жөндөмөлөрдөгү "Байланыш министрлигинин органдары" деген сөздөр тиешелүү жөндөмөдө "почта байланышы тармагындагы ыйгарым укуктуу мамлекеттик органдар" деген сөздөргө алмаштырылсын.

5. 27-беренедеги "Кыргыз Республикасынын Финансы министрлиги" деген сөздөр "Кыргыз Республикасынын Өкмөтү" деген сөздөргө алмаштырылсын.

6. 32-беренедеги "Кыргыз Республикасынын Өкмөтүнө караштуу Стандартташтыруу жана метрология боюнча мамлекеттик инспекция органдары" деген сөздөр "Кыргыз Республикасынын Өкмөтү" деген сөздөргө алмаштырылсын.

7. VIII бөлүмдөгү "жана башка мыйзам актылары" деген сөздөр ", ушул Мыйзам жана Кыргыз Республикасынын башка ченемдик укуктук актылары" деген сөздөргө алмаштырылсын.

2-берене. Кыргыз Республикасынын Өкмөтү өзүнүн нормативдик укуктук актыларын бул мыйзамга ылайык келтирсин.

3-берене. Бул Мыйзам расмий жарыяланган күндөн тартып күчүнө кирет.

Кыргыз Республикасынын Президенти