# Кыргыз Республикасынын Өкмөтүнүн 2012-жылдын 24-октябрындагы № 747 "Кыргыз Республикасынын Өкмөтүнүн ишинин программасын ишке ашыруу боюнча 2012-жылга негизги иш-чаралар планын бекитүү жөнүндө" токтому - Толук аталышы: Кыргыз Республикасынын Өкмөтүнүн 2012-жылдын 24-октябрындагы № 747 "Кыргыз Республикасынын Өкмөтүнүн ишинин программасын ишке ашыруу боюнча 2012-жылга негизги иш-чаралар планын бекитүү жөнүндө" токтому - Актынын түрү: Постановление - Номери: 747 - Кабыл алынган күнү: 24.10.2012 - Статусу: Күчүн жоготкон - Редакциянын күнү: 05.03.2013 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 05.03.2013 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Өкмөтүнүн 2012-жылдын 24-октябрындагы № 747 "Кыргыз Республикасынын Өкмөтүнүн ишинин программасын ишке ашыруу боюнча 2012-жылга негизги иш-чаралар планын бекитүү жөнүндө" токтому (05.03.2013 редакциясы) - https://aqlex.ai/kg/doc/93995 --- КР Өкмөтүнүн 2013-жылдын 5-мартындагы № 111 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2012-жылдын 24-октябры № 747 Кыргыз Республикасынын Өкмөтүнүн ишинин программасын ишке ашыруу боюнча 2012-жылга негизги иш-чаралар планын бекитүү жөнүндө Экономикалык саясатты улантуу, коомчулуктун кызыкчылыгына жооп берген өнүгүүнүн максаттарына жетишүү, экономикалык реформаларды өткөрүү үчүн туруктуу платформаны түзүү максатында, ошондой эле Кыргыз Республикасынын Жогорку Кенешинин 2012-жылдын 5-сентябрындагы № 2264-V "Кыргыз Республикасынын Өкмөтүнүн ишинин программасын бекитүү жөнүндө" токтому менен бекитилген Кыргыз Республикасынын Өкмөтүнүн ишинин программасын аткаруу үчүн Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Өкмөтүнүн ишинин программасын ишке ашыруу боюнча 2012-жылга негизги Иш-чаралар планы (мындан ары - Иш-чаралар планы) тиркемеге ылайык бекитилсин. 2. Мамлекеттик органдар жана жергиликтүү өз, алдынча башкаруу органдары, ай сайын, отчеттук мезгилден кийинки айдын 15инен кечиктирбестен, Иш-чаралар планынын аткарылышы жөнүндө маалыматты Кыргыз Республикасынын Экономика министрлигине жалпылоо үчүн берип турушсун. 3. Кыргыз Республикасынын Экономика министрлиги квартал сайын, отчеттук мезгилден кийинки айдын 25инен кечиктирбестен, Иш-чаралар планынын аткарылышынын жүрүшү жөнүндө жалпыланган маалыматты Кыргыз Республикасынын Өкмөтүнүн Аппаратына берип турушсун. 4. Иш-чаралар планын сапаттуу жана өз убагында аткаруу үчүн мамлекеттик органдардын жана жергиликтүү өз алдынча башкаруу органдарынын жетекчилеринин жеке жоопкерчилиги белгиленсин. 5. Төмөнкүлөр күчүн жоготту деп табылсын: - Кыргыз Республикасынын Өкмөтүнүн 2012-жылдын 25-январындагы № 55 "Кыргыз Республикасынын Өкмөтүнүн "Стабилдүүлүк жана бакубат жашоо" программасын ишке ашыруу боюнча 2012-жылга иш-чаралар планын бекитүү жөнүндө" токтому; - "Кыргыз Республикасынын Өкмөтүнүн 2012-жылдын 25-январындагы № 55 "Кыргыз Республикасынын Өкмөтүнүн "Стабилдүүлүк жана бакубат жашоо" программасын ишке ашыруу боюнча 2012-жылга иш-чаралар планын бекитүү жөнүндө" токтомуна өзгөртүүлөрдү жана толуктоолорду киргизүү тууралуу" Кыргыз Республикасынын Өкмөтүнүн 2012-жылдын 17-июлундагы № 494 токтому. 6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн. 7. Бул токтом расмий жарыяланган күндөн баштап күчүнө кирет. Премьер-министр Ж. Сатыбалдиев