Кыргыз Республикасынын Өкмөтүнүн «Билим берүү жөнүндө» Кыргыз Республикасынын Мыйзамына толуктоо жана өзгөртүү киргизүү тууралуу» Кыргыз Республикасынын Мыйзам долбоору жөнүндө» токтому

КР Өкмөтүнүн 2013-жылдын 26-мартындагы № 151 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2012-жылдын 19-октябры № 728 "Билим берүү жөнүндө" Кыргыз Республикасынын Мыйзамына толуктоо жана өзгөртүү киргизүү тууралуу" Кыргыз Республикасынын Мыйзам долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:

1. "Билим берүү жөнүндө" Кыргыз Республикасынын Мыйзамына толуктоо жана өзгөртүү киргизүү тууралуу" Кыргыз Республикасынын Мыйзам долбоору жактырылсын.

2. Аталган Мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын билим берүү жана илим министри аталган Мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Премьер-министри

Ж.Сатыбалдиев

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Билим берүү жөнүндө" Кыргыз Республикасынын Мыйзамына толуктоо жана өзгөртүү киргизүү тууралуу 1-берене.

"Билим берүү жөнүндө" Кыргыз Республикасынын Мыйзамына (Кыргыз Республикасынын Жогорку Кенешинин жарчысы, 2003-ж., № 8, 323-б.) төмөнкүдөй толуктоо жана өзгөртүү киргизилсин: 47-беренеде:

1) 2-бөлүгү "укугун" деген сөздөн мурда "же ижаралоо" деген сөздөр менен толукталсын.

2) 6-бөлүгү төмөнкү редакцияда берилсин:

"Мамлекеттик билим берүү уюмдарынын имараттары жана курулмалары андан ары аларды ажыратып алуу укугусуз мамлекеттик билим берүү уюмдарына жана мектепке чейинки жана мектептик билим берүүнүн менчик билим берүү уюмдарына (ижара шартында) өткөрүп берилиши мүмкүн.".

2-берене.

Бул Мыйзам расмий жарыяланган күндөн тартып күчүнө кирет.

Кыргыз Республикасынын Президенти

"Билим берүү жөнүндөгү" Кыргыз Республикасынын мыйзамына кошумча жана өзгөртүү киргизүү тууралуу" Кыргыз Республикасынын Мыйзамынын долбооруна НЕГИЗДЕМЕ-МААЛЫМКАТ

Кыргыз Республикасынын Билим берүү жана илим министрлиги 2012-жылдын 12-июнундагы № 20-2120 Кыргыз Республикасынын Премьер-министринин тапшырмасын аткарууда жеке менчик билим берүүчү уюмдарын өнүктүрүүнүн негизинде Кыргыз Республикасынын Мыйзамынын долбоорун даярдады. Биздин өлкөдө жеке менчик жогорку жана орто кесиптик билим берүүчү уюмдар жетиштүү өнүгүп жатат. Ошол эле учурда, жеке менчик билим берүүчү мектепке чейинки жана мектептик билим берүүчү жеке менчик уюмдар аз. Мунун негизги себеби жеке менчик билим берүүчү уюмдарын ачыш үчүн менчик имарат болуусун талап кылуу. Ушул себептен, өлкөбүздөгү 691 мектепке чейинки билим берүүчү уюмдардын 38 гана жеке менчик болуп саналат, мектепке чейинки билим берилүүчү менчик жайларга барган балдардын саны 2424 же жалпы бакчаларга барган балдардын эсебинен менчик бала бакчаларга барган балдардын эсеби болгону 2,8% барабар. 2204 жалпы билим берилүүчү мектептердин 60 гана жеке менчик, жалпы билим берүү мекемелерине барган окуучулардын ичинен 13670 же 1,35% жеке менчик мектептерге барышат. Министрлик тарабынан даярдалган долбоор мектепке чейинки жана мектептик билим берүүчү жеке менчик уюмдарды түзүүчүлөргө жана ал уюмдардын иштешине тийиштүү шарттарды түзүп берүүгө багытталган. Мыйзамдын долбоору боюнча мектепке чейинки жана мектептик билим берүүчү жеке менчик уюмдарды түзүүчүлөргө имаратты ижарага алууга уруксат берилет. Ушуга окшош долбоор биздин министрлик тарабынан Кыргыз Республикасынын Өкмөтүнүн Аппаратына 2012-жылдын 29-февралында жиберилген жана 2012-жылдын 17-апрелиндеги № 250 Кыргыз Республикасынын Өкмөтүнүн токтому менен жактырылган. 2012-жылдын 18-апрелинде № 20-5679 каты менен Мыйзамдын долбоору Кыргыз Республикасынын Жогорку Кеңешине кароого жиберилген. Мыйзамдын долбоорун кароодо Кыргыз Республикасынын Жогорку Кеңешинин билим, илим, маданият жана спорт комитетинин отурумунда Кыргыз Республикасынын Жогорку Кеңешинин депутаттарынан мамлекеттик билим берүүчү мекемелердин имараттарын мектепке чейинки жана мектептик билим берүүчү жеке менчик уюмдарына берүүнүн механизмдери аныкталсын жана Мыйзам долбоорунун кайра иштелип чыксын деген сунуштар болгон (Кыргыз Республикасынын Вице-премьер-министринин 2012-жылдын 5-июнундагы № 20-5679 каты). Сунуштар эске алынды, мамлекеттик билим берүүчү мекемелердин имараттарын мектепке чейинки жана мектептик билим берүүчү жеке менчик уюмдарына ижаранын негизинде берилет, андан ары аларды ажыратып алуу укугусуз. Долбоордун максаты билим берүү тармагында жеке менчик мектепке чейинки жана мектептик билим берүүчү уюмдардын санын өнүктүрүүнү Мыйзамдаштыруу болуп саналат. Долбоордун милдети билим берүү тармагында жеке менчик мектепке чейинки жана мектептик билим берүүчү уюмдардын өнүктүрүүнү колдоо. Кыргыз Республикасынын Мыйзамынын долбоору Кыргыз Республикасынын Билим берүү жана илим министрлигинин веб-сайтына 2012-жылдын 27-июнунда жайгаштырылган. Ошондой эле жогоруда көрсөтүлгөн Мыйзам долбоорун кабыл алуу мүмкүн болуучу экономикалык, укуктук, укук коргоочулук, гендердик, экологиялык, коррупциялык кесепеттери жок. Мындан тышкары, жүргүзүлгөн анализдердин жыйынтыгында кабыл алынуучу Мыйзамдын долбоору улуттук жана эл аралык Мыйзамдарга каршы келбейт. Кыргыз Республикасынын Мыйзамынын долбоорун кабыл алуу республикалык бюджеттен кошумча акча каражатын талап кылбайт.

Министр К.Садыков

"Билим берүү жөнүндө" Кыргыз Республикасынын Мыйзамына кошумча жана өзгөрүү киргизүү тууралуу Кыргыз Республикасынын Мыйзамынын долбооруна САЛЫШТЫРМА ТАБЛИЦА

Министр К.Садыков