КР Өкмөтүнүн «2012-2013-окуу жылына мамлекеттик билим берүү гранттарынын негизинде окугандарды кабыл алуунун багыттарынын, адистиктердин жана көлөмүнүн тизмесин бекитүү жөнүндө» токтому

(КР Министрлер Кабинетинин 2022-жылдын 14-январындагы № 9 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 4-июлу № 469 2012-2013-окуу жылына мамлекеттик билим берүү гранттарынын негизинде окугандарды кабыл алуунун багыттарынын, адистиктердин жана көлөмүнүн тизмесин бекитүү жөнүндө "Билим берүү жөнүндө" Кыргыз Республикасынын Мыйзамынын 44-беренесине ылайык Кыргыз Республикасынын Өкмөтү ТОКТОМ КЫЛАТ:

1. 2012-2013-окуу жылына карата мамлекеттик органдар аркылуу каржылануучу 5705 сандагы мамлекеттик билим берүү гранты 1-тиркемеге ылайык белгиленсин.

2. 2012-2013-окуу жылына мамлекеттик билим берүү гранттарынын негизинде окугандарды кабыл алуунун багыттарынын, адистиктердин жана көлөмүнүн тизмеси 2-тиркемеге ылайык бекитилсин.

3. Кыргыз Республикасынын жогорку окуу жайга өткөн жана мамлекеттик билим берүү гранттарынын негизинде кесиптик жогорку билим алган жарандары профилдик министрликтин же ведомствонун бөлүштүрүүсү боюнча үч жыл мөөнөт менен ишке жиберилүүгө тийиштиги белгиленсин.

4. Мамлекеттик билим берүү гранттарынын негизинде адистерди даярдоого типтүү келишимдин формасы 3-тиркемеге ылайык бекитилсин.

5. Кыргыз Республикасынын Билим берүү жана илим министрлиги:

- 2012-2013-окуу жылына мамлекеттик билим берүү гранттары боюнча жождорго кабыл алуу планын ушул токтомдун 1 жана 2-пункттары менен бекитилген 2012-2013-окуу жылына карата мамлекеттик органдар аркылуу каржылануучу мамлекеттик билим берүү грантынын санына жана 2012-2013-окуу жылына мамлекеттик билим берүү гранттарынын негизинде окугандарды кабыл алуунун багыттарынын, адистиктердин жана көлөмүнүн тизмесине жараша бекитсин;

- 2012-жылдын 10-октябрына чейинки мөөнөттө республиканын жождоруна мамлекеттик заказды жайгаштыруунун жыйынтыгы жөнүндө Кыргыз Республикасынын Өкмөтүнүн Аппаратына жана Кыргыз Республикасынын Финансы министрлигине жыйынды отчет берсин.

6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө тапшырылсын.

7. Бул токтом расмий жарыяланган күндөн тартып күчүнө кирет.

Кыргыз Республикасынын Премьер-министри

Ө. Бабанов

1-тиркеме

2012-2013-окуу жылына карата

мамлекеттик органдар аркылуу каржылануучу

мамлекеттик билим берүү гранттарынын

САНЫ

2-тиркеме

2012-2013-окуу жылына мамлекеттик

билим берүү гранттарынын негизинде окугандарды кабыл

алуунун багыттарынын, адистиктердин жана көлөмүнүн

ТИЗМЕСИ

Эскертүү:

1. Өтүп жаткан жылдагы кабыл алуунун өзгөчөлүктөрүн эске алуу менен адистиктер/багыттар жана тармактар боюнча гранттардын санын 5-10 проценттин чегинде өзгөртүүгө мүмкүндүк берилет.

(*) Жогоруда аталган категориялар үчүн арналган гранттык орундар толбой калса аларды Кыргыз Республикасынын Билим берүү жана илим министрлиги конкурска катышкан башка абитуриенттердин арасында бөлүштүрүшү мүмкүн.

3-тиркеме

Мамлекеттик билим берүү гранттарынын

негизинде адистерди даярдоого

ТИПТҮҮ КЕЛИШИМ

Бул Келишим бир тараптан _________________________________________ ________________________________________________________________ атынан (жогорку окуу жайдын аталышы) Уставдын негизинде иштөөчү анын ректору _______________________________ _________________________________________________________________ менен (аты-жөнү) экинчи тараптан жогорку окуу жайдын (мындан ары - жож) гранттык комиссиясы окууга кабыл алууга белгиленген тартипте сунуш кылган жана ыктыярдуу аракеттенчү ___________________________________________ ортосунда (аты-жөнү) паспортунун сериясы ___________________________________ жашаган дареги: _______________________________________________________________________ (район, калктуу конуш, көчө, үйдүн номери) _________________________________________ багыты/адистиги боюнча окууга тапшырып жатат, төмөнкүлөр жөнүндө түзүлдү.

1. Келишимдин предмети

Жождун гранттык комиссиясы жожго мамлекеттик билим берүү грантынын негизинде кабыл алууга сунуштаган адамга мамлекеттик билим берүү грантын берүүнүн шарттарын түзүү жана аны окууну аяктагандан кийин бөлүштүрүүнүн жана пайдалануунун өзгөчөлүктөрү.

2. Тараптардын милдеттенмелери

2.1. Жогорку окуу жай буларга милдеттенет:

- гранттык комиссия сунуштаган адамды тандалган багыт ___________ _______________________________________ (адистик) боюнча студенттердин катарына кошууга жана республикалык бюджеттин каражатынан эсебинен окутууга;

- Кыргыз Республикасынын билим берүү жөнүндө мыйзамдарынын талаптарына ылайык келген билим берүүчү кызматтарды көрсөтүүгө;

- окуган адам кесиптик жогорку билим берүүнүн багыты (адистиги) боюнча окутуучу программаларды өздөштүрүшүнүн жана мамлекеттик аттестациянын жыйынтыгы боюнча ага тийиштүү квалификация (академиялык даража) ыйгарууга жана кесиптик жогорку билим жөнүндө мамлекеттик үлгүдөгү диплом берүүгө;

- бүтүрөөрүнө 4 ай калганда бүтүрүүчүлөрдү ишке орноштуруу үчүн бош орундар жөнүндө маалыматтарды берүүгө;

Кыргыз Республикасынын Билим берүү жана илим министрлигинин атынан жаш адистерди бөлүштүрүүгө жана ишке тийишүү жолдомо берүүгө.

2.2. Гранттык комиссия жожго алууга сунуштаган адам төмөнкүлөргө милдеттенет:

- жождун Уставынын талаптарын жана ички тартиптин эрежелерин аткарууга;

- кесипке окутуучу программаны толук көлөмдө өздөштүрүүгө;

- башка багыт (адистик) боюнча окууга которулбоого;

- жождогу окуусун бүтөөрдөн 3 ай мурда иш берүүчү менен тийиштүү контрактка кол коюуга жана жаш адистерди бөлүштүрүү жана ишке орноштуруу боюнча мамлекеттик комиссиянын жолдомосу боюнча үч жыл бою иштеп берүүгө;

- мамлекеттик комиссиянын жолдомосу боюнча иштөөдөн баш тарткан учурда жожго аны даярдоого кеткен чыгымдарын мамлекеттик билим берүү грантынын өлчөмүндө төлөп берүүгө;

- ушул келишимди түзүүнүн шарттарына тиешелүү абал өзгөргөн учурда мыйзамга ылайык чара көрүшү үчүн жождун жетекчилигине бир айлык мөөнөттөн кечиктирбестен жазуу жүзүндө билдирүүгө;

- бул келишим студенттин демилгеси боюнча мөөнөтүнөн мурда бузулган учурда аны даярдоого кеткен чыгымдарды ал окуудан баш тарткан күнгө карата төлөп берүүгө.

3. Өзгөчө шарттар

3.1. Жаш адистерди бөлүштүрүү жана ишке орноштуруу боюнча мамлекеттик комиссиянын жолдомосу боюнча иштөөдөн баш тартканга байланыштуу адисти даярдоого кеткен чыгымды төлөөдөн бошотулчулар:

- медициналык-социалдык экспертизанын корутундусу боюнча келечектеги кесип боюнча иштөө медициналык жактан ылайык болбогон адамдар, анын ичинде республиканын конкреттүү аймактарында иштөөгө байланыштуулар;

- ата-энесинин бирөө же жубайы биринчи же экинчи топтогу майып болсо, жана эгер иш ушул аталган майып туугандары туруктуу жашаган жерден бөлөк жактан берилип жатса;

- офицердик жана жетекчи курамдагы аскер кызматчылардын, прапорщиктердин жана Кыргыз Республикасынын Куралдуу Күчтөрүндө, Кыргыз Республикасынын Ички иштер министрлигинин органдарында жана аларга теңештирилген башка кызматтарда контракт боюнча иштеген башка аскер кызматчылардын аялдары (күйөөлөрү), эгер иш күйөөсү (аялы) иштегенден башка жерден берилсе;

- окуу жайды бүтүп жаткан мезгилде кош бойлуу жана 1 жашка чейинки баласы бар аялдар, эгер иш бүтүрүүчүнүн үй-бүлөсү туруктуу жашагандан башка жерден берилип жатса;

- жетим балдар (тоголок) жана ата-энесинин камкордугусуз калган балдар;

- радиациялык авариялардан жана башка кырсыктардан жабыркаган балдар.

3.2. Бул келишим кыргыз же орус тилиндеги үч нускада түзүлдү, бардык нускалары бирдей юридикалык күчкө ээ.

3.3. Келишим ага кол коюлган учурдан баштап күчүнө кирет, студент окуган бүткүл мөөнөт бою жарактуу болот жана Тараптардын жазуу жүзүндөгү макулдашуусу боюнча гана өзгөртүлүшү мүмкүн.

3.4. Тараптардын ортосунда болгон талаш жагдайлар мыйзамда белгиленген тартипте чечилет.

Жождун ректору _________________________________ (аты-жөнү, колу).

Окууга алуу сунушталган адам же анын мыйзамдуу өкүлү ___________ _____________________________________________________ (аты-жөнү, колу).

Эскертүү: келишимдин формасы болжолдуу жана тараптардын макулдашуусу боюнча кошумча пункттар жана бөлүмдөр менен толукталышы мүмкүн.