«Эң мыкты айыл өкмөтү» наамына жалпы мамлекеттик сынак өткөрүү тартиби жөнүндө ЖОБО (Кыргыз Республикасынын Өкмөтүнүн токтому менен бекитилген)

Кыргыз Республикасынын Өкмөтүнүн 2013-жылдын 9-апрелиндеги № 181 токтому менен бекитилген

"Эң мыкты айыл өкмөтү" наамына жалпы мамлекеттик сынак өткөрүү тартиби жөнүндө ЖОБО (КР Министрлер Кабинетинин 2022-жылдын 22-мартындагы № 142 токтомунун редакциясына ылайык)

1. Жалпы жоболор

1. Бул Жобо айыл өкмөтүнүн калктын жашоосуна эң жакшы шарттарды түзүүдөгү иштерин колдоо, айылды көрктөндүрүү, келбетин жакшыртуу, айыл чарба жана өнөр жай продукцияларын өндүрүүнүн көлөмдөрүн өстүрүү, айыл чарба продукцияларын кайра иштетүү боюнча ишканаларды өнүктүрүү, жумуш орундарын түзүү; ишкердикти жана айыл чарба кооперативдерин өнүктүрүү; жергиликтүү бюджеттин киреше бөлүгүн түзүү, дотациялык төлөөлөрдү кыскартуу, инвестицияларды тартуу; инженердик жабдууларды жана санитариялык-эпидемиологиялык абалды жакшыртуу максатында иштелип чыкты, ошондой эле "Эң мыкты айыл өкмөтү" наамына жалпы мамлекеттик сынакты (мындан ары - сынак) өткөрүү тартибин, сынакта 1-3-орундарды алган жеңүүчүлөрдү аныктоо тартибин аныктайт.

2. Сынак жыл сайын өткөрүлөт. Сынакка айыл өкмөтү жайгашкан аймактагы райондун сынактык комиссиясына арыз берүү жолу менен ар бир айыл өкмөтү катыша алат.

3. Сынактык комиссиялардын курамы жыл сайын сынак башталганга чейин жаңыртылып турат.

4. Сынак отчеттук мезгилден кийинки жылдын бешинчи айынын биринчи жумушчу күнүнөн тартып башталат.

5. Райондук жана облустук деңгээлде сынак өткөрүүнү жана анын жыйынтыктарын чыгарууну жалпы координациялоо Кыргыз Республикасынын Министрлер Кабинетинин Төрагасы тарабынан түзүлүүчү жалпы мамлекеттик сынактык комиссия ишке ашырат.

(КР Министрлер Кабинетинин 2022-жылдын 22-мартындагы № 142 токтомунун редакциясына ылайык)

2. Сынактык комиссиялар

6. Сынак райондордун жана облустардын деңгээлинде түзүлүүчү сынактык комиссиялар тарабынан өткөрүлөт. Райондун сынактык комиссиясы райондун мамлекеттик администрациянын башчысы - акими, ал эми облустун сынактык комиссиясы - Кыргыз Республикасынын Президентинин облустагы ыйгарым укуктуу өкүлү тарабынан түзүлөт.

(КР Министрлер Кабинетинин 2022-жылдын 22-мартындагы № 142 токтомунун редакциясына ылайык)

7. Райондун сынактык комиссиясы билим берүү, саламаттык сактоо, маданият, спорт мекемелеринин, райондун мамлекеттик администрациясынын аппаратынын, жергиликтүү өз алдынча башкаруу, жерге жайгаштыруу, ошондой эле турак жай-коммуналдык чарба органдарынын, жарандык коомдун, өкмөттүк эмес уюмдардын, саясий партиялардын өкүлдөрүнүн ж.б. ичинен беш кишиден кем эмес санда түзүлөт.

8. Облустун сынактык комиссиясы билим берүү, саламаттык сактоо мекемелеринин, жарандык коомдун, өкмөттүк эмес уюмдардын, саясий партиялардын, ошондой эле Кыргыз Республикасынын Президентинин облустардагы ыйгарым укуктуу өкүлдөрүнүн аппараттарынын өкүлдөрүнүн ж.б. ичинен беш кишиден кем эмес санда түзүлөт.

(КР Министрлер Кабинетинин 2022-жылдын 22-мартындагы № 142 токтомунун редакциясына ылайык)

9. Сынактык комиссиялар өз ишин отурумдарды өткөрүү, тиешелүү айыл аймагын кароо, турак жай-коммуналдык чарба мекемелерине, билим берүү, саламаттык сактоо, маданият жана спорт мекемелерине баруу, ошондой эле калкты сурамжылоо, айыл өкмөтүнүн документтерин текшерүү ж.б. жолу менен жүргүзүшөт.

10. Сынактык комиссиялардын отурумдары, эгерде ага комиссиянын мүчөлөрүнүн 2/3ден кем эмеси катышса мыйзамдуу болуп саналат. Сынактык комиссиялардын чечими отурумга катышкан комиссия мүчөлөрүнүн көпчүлүгүнүн добушу менен кабыл алынат. Добуштар бирдей болуп калган учурда, сынактык комиссиянын төрагасынын добушу чечүүчү болуп саналат. Сынактык комиссиянын жыйынтыктоочу отурумунун протоколуна төрага жана катчы кол коет.

3. Сынакты өткөрүүнү уюштуруу

11. Сынак маалымат өнөктүгүн жүргүзүүнү кошкондо үч этапта өткөрүлөт.

12. Биринчи этапта айыл өкмөттөрүнүн жалпы мамлекеттик сынакка катышууга арыздары каралат. Арыздар ушул Жобонун 4-пунктунда көрсөтүлгөн күндөн баштап он күндүн ичинде берилет.

13. Арыздар ушул Жобонун 1-тиркемесине ылайык форма боюнча берилет. Арызга төмөнкүлөр тиркелүүгө тийиш:

- ушул Жобонун 2-тиркемесине ылайык "Эң мыкты айыл өкмөтү" наамына сынактык тандоо жүргүзүү үчүн айыл өкмөтүнүн ишинин критерийлерин баалоо матрицасы;

- баалоо критерийлеринин индикаторлорунун маанисин ырастаган документтер.

Арыздар жана ага тиркелген документтер ушул Жобонун 12-пунктунда көрсөтүлгөн күн бүткөндөн кийин райондун сынактык комиссиясы тарабынан бир айлык мөөнөттө каралат. Сынактын биринчи этабында райондун сынактык комиссиясы арызга берилген документтердин толук топтомун текшерет. Документтер баалоо матрицасына ылайык каралат жана бааланат. Сынактын биринчи этабынын жыйынтыгы боюнча комиссиянын эң жогорку баллына ээ болгон ар бир райондон бир талапкер (айыл өкмөтүнөн) тандалып алынат жана талапкерди тандап алуу тууралуу чечим (протокол) облустун сынактык комиссиясынын дарегине жиберилет.

14. Сынактын экинчи этабында облустун сынактык комиссиясы райондон жеңип чыккандардын ичинен эки талапкерди (айыл өкмөтүн) тандап алат жана талапкерди тандап алуу тууралуу чечим (протокол) жалпы мамлекеттик сынактык комиссиянын дарегине жиберилет.

Сынактын экинчи этабынын жыйынтыгы боюнча комиссиянын эң жогорку баллына ээ болгон ар бир облустан эки талапкер (айыл өкмөтү) тандалып алынат жана талапкерди тандап алуу тууралуу чечим (протокол) жалпы мамлекеттик сынактык комиссиянын дарегине жиберилет. Сынактын экинчи этабы сынактын биринчи этабы бүткөндөн он күн өткөндөн кийин бир айлык мөөнөттө өткөрүлөт.

15. Жалпы мамлекеттик сынактык комиссия облустардан берилген материалдарды карап чыгат жана айыл өкмөттөрүнүн ортосундагы "Эң мыкты айыл өкмөтү" наамына жалпы мамлекеттик сынактын жеңүүчүлөрүн аныктайт.

4. Сынактын жеңүүчүлөрүн аныктоо

16. Сынактын жеңүүчүлөрүн аныктоо айыл өкмөтүнүн ишин баалоо критерийлеринин матрицасына ылайык жүргүзүлөт.

17. Айыл өкмөтүнүн ишинин жалпы баасы ар бир багыт боюнча индикаторлордун маанилерин суммалоо жолу менен аныкталат. Сынактын үчүнчү этабынын жеңүүчүсү болуп комиссиянын эң жогорку баллына ээ болгон айыл өкмөтү саналат.

18. "Эң мыкты айыл өкмөтү" наамына жалпы мамлекеттик сынактын жыйынтыктарын чыгарууда биринчи, экинчи, үчүнчү орундар берилет.

19. "Эң мыкты айыл өкмөтү" наамына жалпы мамлекеттик сынактын жеңүүчүлөрүн сыйлоо жөнүндө чечим жалпы мамлекеттик сынактык комиссиянын сунушу боюнча Кыргыз Республикасынын Министрлер Кабинетинин тескемеси менен бекитилет.

(КР Министрлер Кабинетинин 2022-жылдын 22-мартындагы № 142 токтомунун редакциясына ылайык)

"Эң мыкты айыл өкмөтү" наамына жалпы мамлекеттик конкурс өткөрүү тартиби жөнүндө жобого 1-тиркеме

"Эң мыкты айыл өкмөтү" конкурсуна айыл өкмөтүнүн катышуусуна арыздын формасы

Айыл аймагынын аталышы ___________________________________________ Айыл өкмөтүнүн башчысы ___________________________________________ (Аты-жөнү) Калктын саны _____________________________________________________ Жооптуу адам _____________________________________________________ (Аты-жөнү) Телефон: ____________________ Электрондук дарек: _________________ Факс: ____________________________________________________________ Айыл өкмөтүнүн почта дареги: _____________________________________ _______________________________________________________________________ Айыл өкмөтүнүн башчысы: __________________________________________ (колу)

"Эң мыкты айыл өкмөтү" наамына жалпы мамлекеттик конкурс өткөрүү тартиби жөнүндө жобого 2-тиркеме

"Эң мыкты айыл өкмөтү" наамына конкурстук тандоону жүргүзүү үчүн айыл өкмөтүнүн ишин баалоо критерийлеринин МАТРИЦАСЫ

Эскертүү: Калкынын саны аз кээ бир айыл өкмөтүндө (объективдүү себептер боюнча) болгон инфратүзүмдөр тийиштүү критерийлерге толук жооп бере албайт. Ушуга байланыштуу, критерийлердеги теңсиздикти теңдөө максатында комиссия мүчөлөрүндө арызда коюлуучу баллдын коэффициенттерин 1,5ке барабар жогорулатуу менен түзөтүү мүмкүнчүлүгү бар. Ошол эле учурда критерий боюнча жалпы балл 5 баллдан жогору болбошу керек. Бул коэффициент калкынын саны 5000 адамдан ашык эмес айыл өкмөттөрү үчүн, ошондой эле төмөнкү критерийлерди баалоо үчүн колдонулат:

- коомдук жерлерди көрктөндүрүү жана жашылдандыруу;

- тиричилик таштандыларды чогултуу, ташып чыгаруу жана утилдештирүүнү уюштуруу;

- муниципалдык менчикти натыйжалуу башкаруу.

Конкурстун жыйынтыгын чыгарууда айыл өкмөтүнүн өзгөчө шарттары (жаратылыштык-климаттык, алыстыгы) эске алынат жана ар бир баалоочу критерийлер боюнча түзөтүү коэффициенттери киргизилет.

Сөздүк

ККЭТД - керектөөнүн кепилденген эң төмөнкү деңгээли КЧ - кедейчиликтин чеги КЭТЧ - кедейчиликтин эң төмөнкү чеги ККЭТД - керектөөнүн кепилденген эң төмөнкү деңгээли КТТ - катуу тиричилик таштандылары БКС - бюджеттин кыска сүрөттөлүшү АКБТ - айылдын керектөөлөрү менен бирге таанышуу ЖӨБО - жергиликтүү өз алдынча башкаруу органдары АЧЖМФ - Айыл чарба жерлеринин мамлекеттик фонду MM - муниципалдык менчик