Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Мисалы:

ИздөөПостановление

КР Өкмөтүнүн «Кыргыз Республикасынын айрым мыйзам актыларына өзгөртүүлөрдү киргизүү жөнүндө» Кыргыз Республикасынын Мыйзам долбоору жөнүндө» токтому

Постановление2012-жылдын 3-августу, № 540Күчүн жоготконред.: 2012-жылдын 3-августу

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

ПРАВИТЕЛЬСТВО КЫРГЫЗСКОЙ РЕСПУБЛИКИ ПОСТАНОВЛЕНИЕ 2012-жылдын 3-августу № 540 "Кыргыз Республикасынын айрым мыйзам актыларына өзгөртүүлөрдү киргизүү жөнүндө" Кыргыз Республикасынын Мыйзам долбоору жөнүндө Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:

1. "Кыргыз Республикасынын айрым мыйзам актыларыңа өзгөртүүлөрдү киргизүү жөнүндө" Кыргыз Республикасынын Мыйзам долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Юстиция министри Кыргыз Республикасынын Жогорку Кеңеши аталган мыйзам долбоорун караган учурда Кыргыз Республикасынын Өкмөтүнүн расмий өкүлү болуп дайындалсын.

Премьер-министр

О.Бабанов

Долбоор

КЫРГЫЗ РЕСПУБЛИКАСЫНЫН МЫЙЗАМЫ

Кыргыз Республикасынын айрым мыйзам актыларына

өзгөртүүлөрдү киргизүү жөнүндө

1-берене.

"Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2004-ж., № 11, 514-ст.) төмөнкүдөй өзгөртүүлөр киргизилсин:

1. Бүткүл текст боюнча:

1) түрдүү жөндөмөдөгү "Конституциялык сотунун" деген сөздөр тийиштүү жөндөмөдөгү "Жогорку соттун Конституциялык палатасынын" деген сөздөргө алмаштырылсын;

2) түрдүү жөндөмөдөгү "салык кызматы" деген сөздөр тийиштүү жөндөмөдөгү "ыйгарым укуктуу салык органы" деген сөздөргө алмаштырылсын;

3) түрдүү жөндөмөдөгү "Кыргыз Республикасынын Мамлекеттик кызмат иштери боюнча агенттиги" деген сөздөр "Мамлекеттик кызмат иштери боюнча ыйгарым укуктуу орган" деген сөздөргө алмаштырылсын.

2. 1-статьянын 1-пунктунда:

1) экинчи абзац төмөнкүдөй редакцияда баяндалсын:

"Кыргыз Республикасынын Президенти, Кыргыз Республикасынын Президентинин Аппаратынын жетекчиси, жетекчисинин орун басарлары, Кыргыз Республикасынын Коргоо кеңешинин катчысы, Кыргыз Республикасынын Президентинин Аппаратынын түзүмдүк бөлүктөрүнүн жетекчилери, Кыргыз Республикасынын Президенти тарабынан дайындалуучу мамлекеттик органдардын жетекчилери;";

2) сегизинчи абзац төмөнкүдөй редакцияда баяндалсын:

"Кыргыз Республикасынын министрлери жана мамлекеттик комитеттеринин төрагалары, администрациялык ведомстволордун жетекчилери;";

3) он төртүнчү абзац төмөнкүдөй редакцияда баяндалсын:

"бажы иши чөйрөсүндөгү ыйгарым укуктуу органдардын жана ыйгарым укуктуу салык органдарынын борбордук жана жергиликтүү жетекчилери;".

4) 1-статьянын 2-пунктунда "Мамлекеттик кызмат жөнүндө" Кыргыз Республикасынын Мыйзамына" деген сөздөр "Мамлекеттик кызмат жөнүндө мыйзамдарга" деген сөздөргө алмаштырылсын.

2-берене.

"Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2006-ж., № 11, 981-ст.) төмөнкүдөй өзгөртүүлөр киргизилсин:

1. 2-статьянын 2-бөлүгүнүн үчүнчү абзацындагы "аткаруучу-тескөөчү жана башка" деген сөздөр "аткаруучу" деген сөздөргө алмаштырылсын.

2. 18-статьянын 1-бөлүгүндө:

1) "Конституциялык сотунун" деген сөздөр "Жогорку соттун Конституциялык палатасынын" деген сөздөргө алмаштырылсын;

2) расмий тилде баяндалган текстиндеги "Омбудсмена (Акыйкатчы)" деген сөздөр "Акыйкатчы (Омбудсмена)" деген сөздөргө алмаштырылсын.

3. 35-статьядагы расмий тилде баяндалган текстиндеги "Омбудсмену (Акыйкатчы)" деген сөздөр "Акыйкатчы (Омбудсмену)" деген сөздөргө алмаштырылсын.

3-берене.

"Кыргыз Республикасынын Мамлекеттик сыйлыктары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 1996-ж., № 7, 104-ст.) төмөнкүдөй өзгөртүүлөр киргизилсин:

1. 9-статьянын 1-бөлүгүнүн төртүнчү абзацындагы "Конституциялык соту" деген сөздөр "Жогорку соттун Конституциялык палатасы" деген сөздөргө алмаштырылсын.

2. 14-статьянын 1-бөлүгүндөгү ", Кыргыз Республикасынын мамлекеттик секретары" деген сөздөр алып салынсын.

4-берене.

"Кыргыз Республикасынын Жогорку Кеңешинин ишин мамлекеттик жалпыга маалымдоо каражаттарында чагылдыруу тартиби жөнүндө" Кыргыз Республикасынын Мыйзамына ("Эркин Тоо" гезитинин 2007-жылдын 19-июнундагы № 44 саны) төмөнкүдөй өзгөртүү киргизилсин: 2-статьянын төртүнчү абзацындагы "Конституциялык соту" деген сөздөр "Жогорку соттун Конституциялык палатасы" деген сөздөргө алмаштырылсын.

5-берене.

"Кыргыз Республикасындагы Юбилейлик иш-чаралар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2007-ж., № 6, 517-ст.) төмөнкүдөй өзгөртүүлөр киргизилсин:

1. 3-статьянын 1-бөлүгү төмөнкүдөй редакцияда баяндалсын:

"Эл аралык маанидеги юбилейлик иш-чараны өткөрүү жөнүндөгү чечим эл аралык уюмдардын чечимдерин жана белгиленген тартипте күчүнө кирген, Кыргыз Республикасы катышуучусу болуп эсептелген эл аралык келишимдерди эсепке алуу менен Кыргыз Республикасынын Президенти тарабынан кабыл алынат.".

2. 7-статьядагы "Конституциялык соту" деген сөздү "Жогорку соттун Конституциялык палатасы" деген сөздөргө алмаштырылсын.

3. 10-статьядагы "кеңештин" деген сөздөр "жергиликтүү өз алдынча башкаруунун өкүлчүлүктүү органдардын" деген сөздөргө алмаштырылсын.

6-берене.

"Кыргыз Республикасынын ченемдик укуктук актылары жөнүндө" Кыргыз Республикасынын Мыйзамына ("Эркин Тоо" гезитинин 2009-жылдын 7-августундагы № 68-69 саны) төмөнкүдөй өзгөртүү киргизилсин: 31-берененин 2-бөлүгү төмөнкүдөй редакцияда баяндалсын: "Ченемдик укуктук актылардын ченемдерин расмий чечмелөө (түшүндүрүү) ошол актыны кабыл алган ченем жаратуучу орган тарабынан ченемдик укуктук актыны кабыл алуу жолу менен ишке ашырылат.".

7-берене.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Президенти

"Кыргыз Республикасынын айрым мыйзам актыларына

өзгөртүүлөрдү киргизүү жөнүндө" Кыргыз

Республикасынын Мыйзамынын долбооруна

МААЛЫМКАТ-НЕГИЗДЕМЕ

Ушул "Кыргыз Республикасынын айрым мыйзам актыларына өзгөртүүлөрдү киргизүү жөнүндө" Мыйзам долбоору Юстиция министрлигинин алдындагы ченемдик укуктук актыларды инвентаризациялоо боюнча ведомстволор аралык комиссиясынын ишинин чегинде иштелип чыккан. Мыйзам долбоору менен "Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу", "Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө", "Кыргыз Республикасынын Мамлекеттик сыйлыктары жөнүндө", "Кыргыз Республикасынын Жогорку Кеңешинин ишин мамлекеттик жалпыга маалымдоо каражаттарында чагылдыруу тартиби жөнүндө", " Кыргыз Республикасынын Жогорку Кеңешинин ишин мамлекеттик жалпыга маалымдоо каражаттарында чагылдыруу тартиби жөнүндө ", "Кыргыз Республикасынын ченемдик укуктук актылары жөнүндө" мыйзамдарына оңдоолор киргизилет. Жогорку соттун курамында Конституциялык палата иштейт деп белгилеген Конституциянын 93-беренесин эске алып, мыйзам долбоору менен жогоруда аталган мыйзамдарга тиешелүү өзгөртүүлөр киргизилет. Андан башка, жүргүзүлүп жаткан реформаларды эске алып, мыйзамдардын аталыштары өзгөрүүлөргө дуушар болуп жаткандыктарына байланыштуу, "Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" мыйзамында мыйзамдардын конкреттүү аталыштарына шилтемелерди бирдейлештирилген термин "мыйзам чөйрөсүндө ____" менен алмаштыруу сунушталат. Ошону менен бирге, Кыргыз Республикасынын Президентинин 2007-жылдын 27-августундагы ПЖ № 385 "Кыргыз Республикасынын мамлекеттик кызмат орундарынын Реестрин бекитүү жөнүндө" Жарлыгы менен "Кыргыз Республикасынын мамлекеттик секретары" деген кызмат орду жоюлгандыгын билдиребиз. Ошондуктан, Мыйзам долбоору менен "Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" Мыйзамынын 1-беренесине, ошондой эле "Кыргыз Республикасынын Мамлекеттик сыйлыктары жөнүндө" Мыйзамынын 14-беренесине тиешелүү өзгөртүү сунушталат. Ошондой эле, мамлекеттик башкаруу чөйрөсүндө өткөрүлүп жаткан реформаларга байланыштуу, мамлекеттик органдардын аталыштары да өзгөрүүгө дуушар болот, бул өз кезегинде колдонулуп жаткан мыйзамдарга көп сандагы өзгөртүүлөрдү киргизүүгө алып келет, ошону эске алып, мамлекеттик органдардын бирдейлештирилген аталыштарын белгилөө жаатында "Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" Мыйзамынын бүткүл тексти боюнча тиешелүү оңдоолор киргизүү сунушталат. Андан башка, белгилеп кетүүчү нерсе, "Кыргыз Республикасынын Омбудсмени (Акыйкатчысы)" деген терминге тиешелүү мыйзам долбоору тарабынан киргизилген оңдоолор, мыйзамдарда мурда айтылган кээ бир нормаларды Конституцияга ылайык келтирүүгө багытталган, ошондой эле бирдей терминдерди колдонуу максатында сунушталган. Ошону менен бирге, "Саясий жана башка атайын мамлекеттик кызматтарды ээлеп турган адамдардын. ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" Мыйзамынын 1-беренесинин жоболоруна "Президенттин Администрациясы" деген сөздөр "Президенттин Аппараты" деген сөздөр менен алмаштырууга тийиштүү оңдоо киргизүү, аталган беренени Конституцияга жана Кыргыз Республикасынын Президентинин 2010-жылдын 20-декабрындагы № 346 Жарлыгы менен бекитилген Президенттин Аппараты жөнүндө Жобого ылайык келтирүү максатында сунушталат. Андан башка, жергиликтүү өз алдынча башкаруу органдарынын системасын белгилеген Конституциянын 111-беренесин эске алып, "Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө" Мыйзамына "аткаруучу-тескөөчү" деген сөздөр "аткаруучу" деген сөздөр менен алмаштыруу сунушталат. Ошондой эле, "Кыргыз Республикасындагы Юбилейлик иш-чаралар жөнүндө" Мыйзамынын 3-беренеси Кыргыз Республикасы катышуучусу болуп эсептелген, мыйзамда белгиленген тартипте күчүнө кирген эл аралык келишимдер, Кыргыз Республикасынын укук системасынын бөлүгү болуп саналат деп белгилеген Конституциянын 6-беренесинин талабына ылайык келтирилгендигин белгилеп кетебиз. Жогорку соттун курамында Конституциялык палата иштейт деп белгилеген Конституциянын 93-беренесин эске алып, мыйзам долбоору менен жогоруда аталган мыйзамдын 7-беренесине тиешелүү өзгөртүү киргизилет. Андан башка, терминологияны бирдей колдонуу максатында, жана Конституциянын 111-беренесинде "жергиликтүү кеңештер" аныктамасы ачылгандыктан мыйзам долбоору менен аталган мыйзамдын 10-беренесине тиешелүү өзгөртүү киргизүү каралат. Ошону менен бирге, Мыйзам долбоорун коомдук талкуудан өткөргөн учурда сунуштар жана пикирлер келип түшпөгөндүгүн белгилеп кетебиз. Ошондой эле, аталган мыйзамдын кабыл алынышы социалдык, экономикалык, укуктук, укук коргоочулук, гендердик, экологиялык, коррупциялык натыйжаларды алып келбейт. Андан башка, өткөрүлгөн улуттук жана эл аралык мыйзамдардын иштеп жаткан ченемдерин талдоонун жыйынтыгында, сунушталган мыйзам долбоорунун ченемдери иштеп жаткан ченемдик укуктук актыларына каршы келбейт. Кошумча иретинде, сунушталган мыйзам долбоорун кабыл алуу мамлекеттик бюджеттен кошумча финансылык чыгымдарды талап кылбай тургандыгын билдиребиз.

Министр

А.Шыкмаматов

"Кыргыз Республикасынын айрым мыйзам актыларына

өзгөртүүлөрдү киргизүү жөнүндө" Кыргыз

Республикасынын Мыйзам долбооруна

САЛЫШТЫРМА ТАБЛИЦАСЫ

Мурдагы редакциясыСунушталган редакция
"Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу" Кыргыз Республикасынын Мыйзамы
1-статья. Ушул Мыйзамдын колдонулуш чөйрөсү 1. Ушул Мыйзам төмөнкү кызматтарды ээлеп турган адамдарга карата жайылтылат: [Кыргыз Республикасынын Президенти, Кыргыз Республикасынын Мамлекеттик катчысы, Кыргыз Республикасынын Президентинин Администрациясынын жетекчиси, жетекчисинин орун басары, Кыргыз Республикасынын Коопсуздук кенешинин катчысы, Кыргыз Республикасынын Президентинин Администрациясынын түзүмдүк бөлүмчөлөрүнүн жетекчилери, Кыргыз Республикасынын Президенти тарабынан дайындалуучу мамлекеттик органдардын жетекчилери;] Кыргыз Республикасынын Премьер-министри; Кыргыз Республикасынын Жогорку Кеңешинин Төрагасы, Төрагасынын орунбасарлары жана депутаттары; Кыргыз Республикасынын [Конституциялык сотунун Төрагасы,] анын орунбасары жана Кыргыз Республикасынын, [Конституциялык сотунун] судьялары; Кыргыз Республикасынын Жогорку сотунун Төрагасы, анын орунбасарлары жана Кыргыз Республикасынын Жогорку сотунун судьялары, ошондой эле жергиликтүү соттордун судьялары; Кыргыз Республикасынын биринчи вице-премьер-министри жана вице-премьер-министрлери; [Кыргыз Республикасынын министрлери жана мамлекеттик комитеттеринин төрагалары, Кыргыз Республикасынын Өкмөтүнүн алдындагы администрациялык ведомстволордун, мамлекеттик комиссиялардын жана фонддордун жетекчилери;] Кыргыз Республикасынын Социалдык фондунун төрагасы; Кыргыз Республикасынын Башкы прокурору жана анын орунбасарлары, ошондой эле областтардын, Бишкек, Ош шаарларынын прокурорлору, адистештирилген прокуратуралардын прокурорлору жана райондук прокурорлор; Кыргыз Республикасынын Эсептөө палатасынын төрагасы; Кыргыз Республикасынын Улуттук банкынын төрагасы жана анын орунбасарлары; Кыргыз Республикасынын Шайлоо жана референдумдарды өткөрүү боюнча борбордук комиссиясынын төрагасы; [бажы жана салык кызматтарынын борбордук жана жергиликтүү органдарынын жетекчилери;] финансы полициясынын борбордук жана жергиликтүү органдарынын жетекчилери; областтык, райондук мамлекеттик администрациялардын жетекчилери жана Бишкек, Ош шаарларынын мэрлери. 2. Ушул Мыйзам ["Мамлекеттик кызмат жөнүндө" Кыргыз Республикасынын Мыйзамына] ылайык Кыргыз Республикасынын Мамлекеттик кызматтарынын реестринде көрсөтүлгөн саясий жана атайын мамлекеттик кызматтарды ээлеп турган башка адамдарга да жайылтылат.1-статья. Ушул Мыйзамдын колдонулуш чөйрөсү 1. Ушул Мыйзам төмөнкү кызматтарды ээлеп турган адамдарга карата жайылтылат: [Кыргыз Республикасынын Президенти, Кыргыз Республикасынын Президентинин Аппаратынын жетекчиси, жетекчисинин орун басарлары, Кыргыз Республикасынын Коргоо кеңешинин катчысы, Кыргыз Республикасынын Президентинин Аппаратынын түзүмдүк бөлүмчөлөрүнүн жетекчилери, Кыргыз Республикасынын Президенти тарабынан дайындалуучу мамлекеттик органдардын жетекчилери;] Кыргыз Республикасынын Премьер-министри; Кыргыз Республикасынын Жогорку Кеңешинин Төрагасы, Төрагасынын орунбасарлары жана депутаттары; Кыргыз Республикасынын [Жогорку сотунун Конституциялык палатасынын] Төрагасы, анын орунбасары жана Кыргыз Республикасынын [Жогорку сотунун Конституциялык палатасынын] судьялары; Кыргыз Республикасынын Жогорку сотунун Төрагасы, анын орунбасарлары жана Кыргыз Республикасынын Жогорку сотунун судьялары, ошондой эле жергиликтүү соттордун судьялары; Кыргыз Республикасынын биринчи вице-премьер-министри жана вице-премьер-министрлери; [Кыргыз Республикасынын министрлери жана мамлекеттик комитеттеринин төрагалары, администрациялык ведомстволордун жетекчилери;] Кыргыз Республикасынын Социалдык фондунун төрагасы; Кыргыз Республикасынын Башкы прокурору жана анын орунбасарлары, ошондой эле областтардын, Бишкек, Ош шаарларынын прокурорлору, адистештирилген прокуратуралардын прокурорлору жана райондук прокурорлор; Кыргыз Республикасынын Эсептөө палатасынын төрагасы; Кыргыз Республикасынын Улуттук банкынын төрагасы жана анын орунбасарлары; Кыргыз Республикасынын Шайлоо жана референдумдарды өткөрүү боюнча борбордук комиссиясынын төрагасы; [борбордук жана жергиликтүү бажы иши чөйрөсүндөгү ыйгарым укуктуу органдардын жана ыйгарым укуктуу салык органдардын жетекчилери; финансы полициясынын борбордук жана жергиликтүү органдарынын жетекчилери;] областтык, райондук мамлекеттик администрациялардын жетекчилери жана Бишкек, Ош шаарларынын мэрлери. 2. Ушул Мыйзам [мамлекеттик кызмат жөнүндө мыйзамдарга] ылайык Кыргыз Республикасынын Мамлекеттик кызматтарынын реестринде көрсөтүлгөн саясий жана атайын мамлекеттик кызматтарды ээлеп турган башка адамдарга да жайылтылат.
5-статья. Декларация берүүнүн тартиби, шарттары жана мөөнөттөрү 1. Декларация төмөнкүдөй берилет: ушул Мыйзамдын 1-статьясында каралган кызматка шайланган же дайындалган учурда, ал кызматка шайлангандан же дайындалгандан кийин ал кызмат ордун ээлеген күндөн тартып отуз күндүн ичинде; бир кызматтан экинчисин которулган учурду кошуп алганда ушул Мыйзамдын 1-статьясында каралган кызматта турган мезгилде - отчеттук жылдан кийинки жылдын 1-мартынан кечиктирилбестен жыл сайын 1-январдан 31-декабрга чейинки мезгил отчеттук жыл деп эсептелет; ушул Мыйзамдын 1-статьясында көрсөтүлгөн кызматтан бошогон учурда кызматтан бошогон күндөн тартып отуз күндүн ичинде - өтүп жаткан жылдагы мезгил үчүн. 1-январдан тартып декларация берилгенге чейинки күн өтүп жаткан жыл деп эсептелет. 2. Ушул Мыйзамдын 1-статьясында көрсөтүлгөн кызматты ээлеп турган адам кызматтан бошотулган учурда кызматтан бошотулгандан кийинки эки жылдын ичинде жылдык декларацияларды берүүгө милдеттүү. Эгерде кызматтан бошотулган адам ушул Мыйзамдын 1-статьясында каралган башка кызматка дайындалса (шайланса), анда бул ченем колдонулбайт. 3. Декларация [Кыргыз Республикасынын Мамлекеттик кызмат иштери боюнча агенттигине] берилет. Декларациянын формасы, аны толтуруунун, берүүнүн, эсепке алуунун, сактоонун жана жарыялоонун тартиби [Кыргыз Республикасынын Мамлекеттик кызмат иштери боюнча агенттиги] тарабынан [салык кызматынан] консультация алуу боюнча аныкталат.5-статья. Декларация берүүнүн тартиби, шарттары жана мөөнөттөрү 1. Декларация төмөнкүдөй берилет: ушул Мыйзамдын 1-статьясында каралган кызматка шайланган же дайындалган учурда, ал кызматка шайлангандан же дайындалгандан кийин ал кызмат ордун ээлеген күндөн тартып отуз күндүн ичинде; бир кызматтан экинчиси которулган учурду кошуп алганда ушул Мыйзамдын 1-статьясында каралган кызматта турган мезгилде - отчеттук жылдан кийинки жылдын 1-мартынан кечиктирилбестен жыл сайын 1-январдан 31-декабрга чейинки мезгил отчеттук жыл деп эсептелет; ушул Мыйзамдын 1-статьясында көрсөтүлгөн кызматтан бошогон учурда кызматтан бошогон күндөн тартып отуз күндүн ичинде - өтүп жаткан жылдагы мезгил үчүн. 1-январдан тартып декларация берилгенге чейинки күн өтүп жаткан жыл деп эсептелет. 2. Ушул Мыйзамдын 1-статьясында көрсөтүлгөн кызматты ээлеп турган адам кызматтан бошотулган учурда кызматтан бошотулгандан кийинки эки жылдын ичинде жылдык декларацияларды берүүгө милдеттүү. Эгерде кызматтан бошотулган адам ушул Мыйзамдын 1-статьясында каралган башка кызматка дайында (шайланса), анда бул ченем колдонулбайт. 3. Декларация [Мамлекеттик кызмат иштери боюнча ыйгарым укуктуу органына] берилет. Декларациянын формасы, аны толтуруунун, берүүнүн, эсепке алуунун, сактоонун жана жарыялоонун тартиби [Мамлекеттик кызмат иштери боюнча ыйгарым укуктуу органы] тарабынан [ыйгарым укуктуу салык органынан] консультация алуу боюнча аныкталат.
6-статья. [Кыргыз Республикасынын Мамлекеттик кызмат иштери боюнча агенттигинин] ыйгарым укуктары [1. Кыргыз Республикасынын Мамлекеттик кызмат иштери боюнча агенттиги:] а) декларанттардын реестрин жана алынган декларациялардын эсебин жүргүзөт, алардын сакталышын жана ачыкка чыгарууга жатпаган маалыматтардын жашыруундуулугун камсыз кылат; б) декларациялардын бланктарын жана аларды толтуруу боюнча колдонмолорду берет; в) декларанттарга декларацияны өз убагында берүүнүн зарылдыгы жөнүндө кабарлайт, берилүүчү декларациялардын жана аларда көрсөтүлүүчү маалыматтардын толуктугун аныктыгын камсыз кылуу боюнча чараларды көрөт; г) декларацияда көрсөтүлгөн маалыматтарды иликтейт; зарыл болгондо декларацияда көрсөтүлгөн маалыматтардын толуктугун жана аныктыгын тактоо үчүн [салык кызматтарына] суроо-талап жиберет; мамлекеттик башкаруу органдарынан, жергиликтүү өз алдынча башкаруу органдарынан, коммерциялык жана коммерциялык эмес уюмдардан жана жарандардан келип түшкөн, ушул Мыйзамдын колдонулушуна туура келген адамдардын кирешелерине, милдеттенмелерине жана мүлктөрүнө тиешелүү маалыматтарды иликтейт, зарыл болгон учурда декларанттар менен биргелешип декларацияда көрсөтүлгөн маалыматтарды тактайт; д) декларанттар 1-майга чейин беришкен декларацияларга декларация бергенден кийин оңдоолорду киргизүүгө мүмкүнчүлүк берет; е) саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери жана мүлкү жөнүндө кошмо маалыматтарды жарыялайт; ж) өз иши жөнүндө Кыргыз Республикасынын Президентине, Кыргыз Республикасынын Жогорку Кеңешине жыл сайын 1-сентябрга чейин отчетту берип турат жана тийиштүү маалыматтарды Кыргыз Республикасынын Премьер-министрине берет; з) Кыргыз Республикасы мыйзамдарында каралган башка ыйгарым укуктарды аткарат. 2. Декларациядагы маалыматтар толук эмес жана/же анык эмес экени 1-майдан кийин табылган учурда [Кыргыз Республикасынын Мамлекеттик кызмат иштери боюнча агенттиги] ал жөнүндө тийиштүү маалыматты бир айдын ичинде Кыргыз Республикасынын Президентине, Кыргыз Республикасынын Жогорку Кеңешине, Кыргыз Республикасынын Өкмөтүнө, Кыргыз Республикасынын [Конституциялык сотуна] жана Кыргыз Республикасынын Жогорку сотуна жиберет жана ал жөнүндө маалыматты ар жылдык отчетто чагылдырат.6-статья. [Мамлекеттик кызмат иштери боюнча ыйгарым укуктуу органынын] ыйгарым укуктары [1. Мамлекеттик кызмат иштери боюнча ыйгарым укуктуу органы:] а) декларанттардын реестрин жана алынган декларациялар эсебин жүргүзөт, алардын сакталышын жана ачыкка чыгарууга жатпаган маалыматтардын жашыруундуулугун камсыз кылат; б) декларациялардын бланктарын жана аларды толтуруу боюнча колдонмолорду берет; в) декларанттарга декларацияны өз убагында бер зарылдыгы жөнүндө кабарлайт, берилүүчү декларациялардын жана аларда көрсөтүлүүчү маалыматтардын толуктугун жана аныктыгын камсыз кылуу боюнча чараларды көрөт; г) декларацияда көрсөтүлгөн маалыматтарды иликтейт; зарыл болгондо декларацияда көрсөтүлгөн маалыматтардын толуктугун жана аныктыгын тактоо үчүн [ыйгарым укуктуу салык органдарына] суроо-талап жиберет; мамлекеттик башкаруу органдарынан, жергиликтүү өз алдынча башкаруу органдарынан, коммерциялык жана коммерциялык эмес уюмдардан жана жарандардан келип түшкөн, ушул Мыйзамдын колдонулушуна туура келген адамдардын кирешелерине, милдеттенмелерине жана мүлктөрүнө тиешелүү маалыматтарды иликтейт, зарыл болгон учурда декларанттар менен биргелешип декларацияда көрсөтүлгөн маалыматтарды тактайт; д) декларанттар 1-майга чейин беришкен декларацияларга декларация бергенден кийин оңдоолорду киргизүүгө мүмкүнчүлүк берет; е) саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери жана мүлкү жөнүндө кошмо маалыматтарды жарыялайт; ж) өз иши жөнүндө Кыргыз Республикасынын Президентине, Кыргыз Республикасынын Жогорку Кеңешине жыл сайын 1-сентябрга чейин отчетту берип турат жана тийиштүү маалыматтарды Кыргыз Республикасынын Премьер-министрине берет; з) Кыргыз Республикасы мыйзамдарында каралган башка ыйгарым укуктарды аткарат. 2. Декларациядагы маалыматтар толук эмес жана/же анык эмес экени 1-майдан кийин табылган учурда [Мамлекеттик кызмат иштери боюнча ыйгарым укуктуу органы] ал жөнүндө тийиштүү маалыматты бир айдын ичинде Кыргыз Республикасынын Президентине, Кыргыз Республикасынын Жогорку Кеңешине, Кыргыз Республикасынын Өкмөтүнө, Кыргыз Республикасынын [Жогорку сотунун Конституциялык палатасына] жана Кыргыз Республикасынын Жогорку сотуна жиберет жана ал жөнүндө маалыматты ар жылдык отчетто чагылдырат.
7-статья. Декларацияда көрсөтүлгөн маалыматтарды жарыялоо [1. Кыргыз Республикасынын Мамлекеттик кызмат иштери боюнча мамлекеттик агенттиги] саясий жана башка атайын мамлекеттик жогорку кызматтарды ээлеп турган адамдар менен алардын жакын туугандарынын кирешелери жана мүлкү жөнүндө кошмо маалыматтарды расмий бюллетенде жарыялайт, ошондой эле көрсөтүлгөн маалыматтарды Кыргыз Республикасынын Мамлекеттик кызматтар порталына жайгаштырат. 2. Декларацияда көрсөтүлгөн: а) декларанттын жана анын жакын туугандарынын жашаган жери, телефон номери жөнүндө жан алар менен түз байланышка чыгууну жүзөгө ашыруу каражаттарына тиешелүү башка маалыматтарды; б) декларацияда көрсөтүлгөн мүлктүн турган жери жөнүндө маалыматтарды ачыкка чыгарылууга жана жарыяланууга жатпайт. [3. Кыргыз Республикасынын Мамлекеттик кызмат иштери боюнча агенттиги] ушул статьянын 2-пунктунда каралган маалыматтын купуялыгын камсыз кылат. Купуя маалыматты ачыкка чыгаргандык Кыргыз Республикасынын мыйзамдарында белгиленген жоопкерчиликке алып келет.7-статья. Декларацияда көрсөтүлгөн маалыматтарды жарыялоо [1. Мамлекеттик кызмат иштери боюнча ыйгарым укуктуу органы] саясий жана башка атайын мамлекеттик жогорку кызматтарды ээлеп турган адамдар менен алардын жакын туугандарынын кирешелери жана мүлкү жөнүндө кошмо маалыматтарды расмий бюллетенде жарыялайт, ошондой эле көрсөтүлгөн маалыматтарды Кыргыз Республикасынын Мамлекеттик кызматтар порталына жайгаштырат. 2. Декларацияда көрсөтүлгөн: а) декларанттын жана анын жакын туугандарынын жашаган жери, телефон номери жөнүндө жана алар менен түз байланышка чыгууну жүзөгө ашыруу каражаттарына тиешелүү башка маалыматтарды; б) декларацияда көрсөтүлгөн мүлктүн турган жери жөнүндө маалыматтарды ачыкка чыгарылууга жана жарыяланууга жатпайт. [3. Мамлекеттик кызмат иштери боюнча ыйгарым укуктуу органы] ушул статьянын 2-пунктунда каралган маалыматтын купуялыгын камсыз кылат. Купуя маалыматты ачыкка чыгаргандык Кыргыз Республикасынын мыйзамдарында белгиленген жоопкерчиликке алып келет.
8-статья. Ушул Мыйзамдын жоболорун бузгандык үчүн жоопкерчилик Декларацияны белгиленген мөөнөттө бербеген же купуя маалыматты ачыкка чыгаруу боюнча укукка сыйбаган аракеттер жасалган учурда күнөөлүү адамдар Кыргыз Республикасынын мыйзамдары менен белгиленген тартипте жоопкерчилик тартат. Декларацияны аны берүүнүн мөөнөттөрүн бузуу менен берген, берилген декларацияда толук эмес жана анык эмес маалыматтар болгон учурда [Кыргыз Республикасынын Мамлекеттик кызмат иштери боюнча агенттиги] бул адамдар жөнүндө жалпыга маалымдоо каражаттарында жарыялайт.8-статья. Ушул Мыйзамдын жоболорун бузгандык үчүн жоопкерчилик Декларацияны белгиленген мөөнөттө бербеген же купуя маалыматты ачыкка чыгаруу боюнча укукка сыйбаган аракеттер жасалган учурда күнөөлүү адамдар Кыргыз Республикасынын мыйзамдары менен белгиленген тартипте жоопкерчилик тартат. Декларацияны аны берүүнүн мөөнөттөрүн бузуу менен берген, берилген декларацияда толук эмес жана анык эмес маалыматтар болгон учурда [мамлекеттик кызмат иштери боюнча ыйгарым укуктуу органы] бул адамдар жөнүндө жалпыга маалымдоо каражаттарында жарыялайт.
9-статья. Мыйзамдын күчүнө киргизилиши 1. Ушул Мыйзам 2005-жылдын 1-январынан тартып күчүнө кирет. 2. Ушул Мыйзам күчүнө киргенден кийин ушул Мыйзамдын 1-статьясында көрсөтүлгөн адамдар ушул Мыйзамда каралган 2004-жыл үчүн декларацияны 2005-жылдын 1-майына чейин [Кыргыз Республикасынын Мамлекеттик кызмат иштери боюнча агенттигине] берүүгө милдеттүү. 3. Кыргыз Республикасынын Өкмөтү [Кыргыз Республикасынын Мамлекеттик кызмат иштери боюнча агенттиги] менен биргелешип: - ушул Мыйзамды ишке ашыруу максатында ушул Мыйзамдан келип чыгуучу Кыргыз Республикасынын мыйзамдарынын долбоорлорун иштеп чыксын жана Кыргыз Республикасынын Жогорку Кеңешинин кароосуна киргизсин; - өз чечимдерин ушул Мыйзамга ылайык келтирсин.9-статья. Мыйзамдын күчүнө киргизилиши 1. Ушул Мыйзам 2005-жылдын 1-январынан тартып күчүнө кирет. 2. Ушул Мыйзам күчүнө киргенден кийин ушул Мыйзамдын 1-статьясында көрсөтүлгөн адамдар ушул Мыйзамда каралган 2004-жыл үчүн декларацияны 2005-жылдын 1-майына чейин [мамлекеттик кызмат иштери боюнча ыйгарым укуктуу органына] берүүгө милдеттүү. 3. Кыргыз Республикасынын Өкмөтү [мамлекеттик кызмат иштери боюнча ыйгарым укуктуу органы] менен биргелешип: - ушул Мыйзамды ишке ашыруу максатында ушул Мыйзамдан келип чыгуучу Кыргыз Республикасынын мыйзамдарынын долбоорлорун иштеп чыксын жана Кыргыз Республикасынын Жогорку Кеңешинин кароосуна киргизсин; - өз чечимдерин ушул Мыйзамга ылайык келтирсин.
"Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө" Кыргыз Республикасынын Мыйзамы
2-статья. Ушул Мыйзамды колдонуу чөйрөсү Ушул Мыйзам жеке жана юридикалык жактардын мамлекеттик органдардын жана жергиликтүү өз алдынча башкаруу органдарынын карамагында турган маалыматтарга жетүүлөрүнө байланышкан мамилелерди жөнгө салат. 2. Ушул Мыйзамдын жоболоруна ылайык маалыматтарды берүү боюнча милдеттер бардык мамлекеттик органдарга жана жергиликтүү өз алдынча башкаруу органдарына жүктөлөт. Кыргыз Республикасынын Конституциясына, Кыргыз Республикасынын конституциялык жана башка мыйзамдарына, Кыргыз Республикасынын Президентинин жарлыктарына ылайык, туруктуу негизде уюшулган, мыйзам чыгаруу, аткаруу же соттук мамлекеттик бийликтердин иш милдеттерин жүзөгө ашырууга ыйгарым укук берилген, ошондой эле толугу менен республикалык бюджеттен каржыланган, милдеттүү түрдө аткарылуучу чечимдерди кабыл алууну жана аларды жүзөгө ашырууну камсыз кылган уюмдар, ошондой эле борбордук мамлекеттик органдын иш милдеттерин же иш милдеттеринин бир бөлүгүн жүзөгө ашыруучу аймактык бирдик же түзүмдүк бирдик мамлекеттик органдар катары таанышат. Өкүлчүлүктүү, [аткаруучу-тескөөчү жана башка] жергиликтүү маанидеги иштерди чечүү үчүн, жергиликтүү жамааттар тарабынан түзүлгөн органдар, ошондой эле жергиликтүү өз алдынча башкаруу органдарынын иш милдеттерин же иш милдеттеринин бир бөлүгүн жүзөгө ашыруучу аймактык бөлүм же түзүмдүк бирдик жергиликтүү өз алдынча башкаруу органдары катары таанылат. "Мамлекеттик орган" жана "жергиликтүү өз алдынча башкаруу органы" терминдери ар кандай мекемени, анын толугу менен же жарым-жартылай республикалык же жергиликтүү бюджеттен каржыланган аймактык бөлүмчөсүн же түзүмдүк бирдигин жана мамлекеттик бийликти же жергиликтүү өз алдынча башкаруунун иш милдеттерин аткаруу менен байланышпаган саламаттыкты сактоо, билим берүү мекемелерин, маалыматтык, статистикалык, консультациялык, кредит берүү боюнча мекемелери да камтылат. 3. Ушул Мыйзамдын күчү төмөнкүлөргө жайылтылбайт: жарандар мамлекеттик органдарга жана жергиликтүү өз алдынча башкаруу органдарына сунуштар, арыздар жана даттануулар менен кайрылганда келип чыгуучу мамилелерге; мамлекеттик органдардын жана жергиликтүү өз алдынча башкаруу органдарынын башка мамлекеттик органдардын жана жергиликтүү өз алдынча башкаруу органдарынын карамагында турган маалыматтарга жетүүсүнө байланышкан мамилелерге; Кыргыз Республикасынын мыйзамдарына ылайык аны алуу чектелген маалыматтарды берүү менен байланышкан мамилелерге.2-статья. Ушул Мыйзамды колдонуу чөйрөсү 1. Ушул Мыйзам жеке жана юридикалык жактардын мамлекеттик органдардын жана жергиликтүү өз алдынча башкаруу органдарынын карамагында турган маалыматтарга жетүүлөрүнө байланышкан мамилелерди жөнгө салат. 2. Ушул Мыйзамдын жоболоруна ылайык маалыматтарды берүү боюнча милдеттер бардык мамлекеттик органдарга жана жергиликтүү өз алдынча башкаруу органдарына жүктөлөт. Кыргыз Республикасынын Конституциясына, Кыргыз Республикасынын конституциялык жана башка мыйзамдарына, Кыргыз Республикасынын Президентинин жарлыктарына ылайык, туруктуу негизде уюшулган, мыйзам чыгаруу, аткаруу же соттук мамлекеттик бийликтердин иш милдеттерин жүзөгө ашырууга ыйгарым укук берилген, ошондой эле толугу менен республикалык бюджеттен каржыланган, милдеттүү түрдө аткарылуучу чечимдерди кабыл алууну жана аларды жүзөгө ашырууну камсыз кылган уюмдар, ошондой эле борбордук мамлекеттик органдын иш милдеттерин же иш милдеттеринин бир бөлүгүн жүзөгө ашыруучу аймактык бирдик же түзүмдүк бирдик мамлекеттик органдар катары таанышат. Өкүлчүлүктүү, [аткаруучу] жергиликтүү маанидеги иштерди чечүү үчүн жергиликтүү жамааттар тарабынан түзүлгөн органдар, ошондой эле жергиликтүү өз алдынча башкаруу органдарынын иш милдеттерин же иш милдеттеринин бир бөлүгүн жүзөгө ашыруучу аймактык бөлүм же түзүмдүк бирдик жергиликтүү өз алдынча башкаруу органдары катары таанылат. "Мамлекеттик орган" жана "жергиликтүү өз алдынча башкаруу органы" терминдери ар кандай мекемени, анын толугу менен же жарым-жартылай республикалык же жергиликтүү бюджеттен каржыланган аймактык бөлүмчөсүн же түзүмдүк бирдигин жана мамлекеттик бийликти же жергиликтүү өз алдынча башкаруунун иш милдеттерин аткаруу менен байланышпаган саламаттыкты сактоо, билим берүү мекемелерин, маалыматтык, статистикалык, консультациялык, кредит берүү боюнча мекемелери да камтылат. 3. Ушул Мыйзамдын күчү төмөнкүлөргө жайылтылбайт: жарандар мамлекеттик органдарга жана жергиликтүү өз алдынча башкаруу органдарына сунуштар, арыздар жана даттануулар менен кайрылганда келип чыгуучу мамилелерге; мамлекеттик органдардын жана жергиликтүү өз алдынча башкаруу органдарынын башка мамлекеттик органдардын жана жергиликтүү өз алдынча башкаруу органдарынын карамагында турган маалыматтарга жетүүсүнө байланышкан мамилелерге; Кыргыз Республикасынын мыйзамдарына ылайык аны алуу чектелген маалыматтарды берүү менен байланышкан мамилелерге.
18-статья. Иштин жыйынтыктары жөнүндө ар жылдык баяндамалар 1. Кыргыз Республикасынын Президентинин өлкөдөгү иштердин абалы жөнүндө Кыргыз Республикасынын элине ар жылдык кайрылуусун, Кыргыз Республикасынын [Конституциялык Сотунун] конституциялык мыйзамдуулуктун абалы жөнүндө жана Кыргыз Республикасынын Акыйкатчысынын (Омбудсменинин) адамдын жана жарандын укуктарын жана эркиндиктерин сактоо жана коргоо чөйрөсүндөгү иштердин абалы жөнүндө баяндамаларын элге жарыялоо Кыргыз Республикасынын Өкмөтү тарабынан камсыз кылынат. 2. Мамлекеттик органдар жана жергиликтүү өз алдынча башкаруу органдары отчеттук мезгил ичиндеги өз иштери жөнүндө баяндамаларды элге жарыялайт, аларда отчеттук мезгил ичинде социалдык-саясий, экономикалык жана маданий чөйрөлөрдө болуп өткөн өзгөрүүлөрдүн динамикасы, атап айтканда төмөнкүлөр: бюджеттик каражаттарды чыгымдоо, республикалык бюджетке жана жергиликтүү бюджетке салыктык түшүүлөрдүн булактары жана көлөмү, рыноктун айрым секторлору боюнча өндүрүштүн жана керектөөнүн көлөмү, ички жана тышкы инвестициялардын көлөмү, кылмыштуулукка каршы күрөшүү, саламаттыкты сактоо, калктын миграциясы, экология, ошондой эле иштердин башка маанилүү багыттары чагылдырылат.18-статья. Иштин жыйынтыктары жөнүндө ар жылдык баяндамалар 1. Кыргыз Республикасынын Президентинин өлкөдөгү иштердин абалы жөнүндө Кыргыз Республикасынын элине ар жылдык кайрылуусун, Кыргыз Республикасынын [Жогорку сотунун Конституциялык палатасы] конституциялык мыйзамдуулуктун абалы жөнүндө жана Кыргыз Республикасынын Акыйкатчысынын (Омбудсменинин) адамдын жана жарандын укуктарын жана эркиндиктерин сактоо жана коргоо чөйрөсүндөгү иштердин абалы жөнүндө баяндамаларын элге жарыялоо Кыргыз Республикасынын Өкмөтү тарабынан камсыз кылынат. 2. Мамлекеттик органдар жана жергиликтүү өз алдынча башкаруу органдары отчеттук мезгил ичиндеги өз иштери жөнүндө баяндамаларды элге жарыялайт, аларда отчеттук мезгил ичинде социалдык-саясий, экономикалык жана маданий чөйрөлөрдө болуп өткөн өзгөрүүлөрдүн динамикасы, атап айтканда төмөнкүлөр: бюджеттик каражаттарды чыгымдоо, республикалык бюджетке жана жергиликтүү бюджетке салыктык түшүүлөрдүн булактары жана көлөмү, рыноктун айрым секторлору боюнча өндүрүштүн жана керектөөнүн көлөмү, ички жана тышкы инвестициялардын көлөмү, кылмыштуулукка каршы күрөшүү, саламаттыкты сактоо, калктын миграциясы, экология, ошондой эле иштердин башка маанилүү багыттары чагылдырылат.
"Кыргыз Республикасынын Мамлекеттик сыйлыктары жөнүндө" Кыргыз Республикасынын Мыйзамы
9-статья. Кыргыз Республикасынын Президентине мамлекеттик сыйлыктарга көрсөтүү сунушун: Жогорку Кеңешинин комитеттери жана фракциялары; Кыргыз Республикасынын Өкмөтү; Кыргыз Республикасынын [Конституциялык соту,] Кыргыз Республикасынын Жогорку Соту; министерстволор, административдик ведомстволор жана башка мамлекеттик аткаруу органдары, областтык мамлекеттик администрациялар, Бишкек жана Ош шаарларынын жергиликтүү өзүн-өзү башкаруу органдары, жергиликтүү кеңештер, ошондой эле коомдук бирикмелердин атынан алардын республикалык органдары киргизе алат. Кыргыз Республикасынын юридикалык жактарын жана администрациялык-аймактык бирдиктерин, чет өлкөлүк граждандарды жана граждандыгы жок адамдарды сыйлыкка көрсөтүү жалпы негизде жүргүзүлөт.9-статья. Кыргыз Республикасынын Президентине мамлекеттик сыйлыктарга көрсөтүү сунушун: Жогорку Кеңешинин комитеттери жана фракциялары; Кыргыз Республикасынын Өкмөтү; Кыргыз Республикасынын [Жогорку сотунун Конституциялык палатасы,] Кыргыз Республикасынын Жогорку Соту; министерстволор, административдик ведомстволор жана башка мамлекеттик аткаруу органдары, областтык мамлекеттик администрациялар, Бишкек жана Ош шаарларынын жергиликтүү өзүн-өзү башкаруу органдары, жергиликтүү кеңештер, ошондой эле коомдук бирикмелердин атынан алардын республикалык органдары киргизе алат. Кыргыз Республикасынын юридикалык жактарын жана администрациялык-аймактык бирдиктерин, чет өлкөлүк граждандарды жана граждандыгы жок адамдарды сыйлыкка көрсөтүү жалпы негизде жүргүзүлөт.
14-статья. Мамлекеттик сыйлыктарды Кыргыз Республикасынын Президентинин тапшыруусу боюнча жана анын атынан: Кыргыз Республикасынын Жогорку Кеңешинин Мыйзам чыгаруу жыйынынын Төрагасы, Кыргыз Республикасынын Жогорку Кеңешинин Эл өкүлдөр жыйынын Төрагасы, Кыргыз Республикасынын Премьер-министри; Кыргыз Республикасынын мамлекеттик секретары жана башка кызмат адамдары тапшыра алышат.14-статья. Мамлекеттик сыйлыктарды Кыргыз Республикасынын Президентинин тапшыруусу боюнча жана анын атынан: Кыргыз Республикасынын Жогорку Кеңешинин Мыйзам чыгаруу жыйынын Төрагасы, Кыргыз Республикасынын Жогорку Кеңешинин Эл өкүлдөр жыйынынын Төрагасы, Кыргыз Республикасынын Премьер-министри жана башка кызмат адамдары тапшыра алышат.
"Кыргыз Республикасынын Жогорку Кеңешинин ишин мамлекеттик жалпыга маалымдоо каражаттарында чагылдыруу тартиби жөнүндө" Кыргыз Республикасынын Мыйзамы
2-статья. Ушул Мыйзамда колдонулуучу негизги түшүнүктөр Ушул Мыйзамда төмөнкүдөй негизги түшүнүктөр пайдаланылат: мамлекеттик жалпыга маалымдоо каражаты - уюштуруучусу мамлекеттик бийлик органы болгон жалпыга маалымдоо каражаты; мамлекеттик региондук жалпыга маалымдоо каражаты - областтык, шаардык жана райондук мамлекеттик бийлик органдары менен бирге мамлекеттик бийлик органдары же болбосо областтык, шаардык жана райондук мамлекеттик бийлик органдары гана уюштуруучусу болгон жалпыга маалымдоо каражаты; мамлекеттик бийлик органдары - Кыргыз Республикасынын Президенти, Кыргыз Республикасынын Жогорку Кеңеши, Кыргыз Республикасынын Өкмөтү, жергиликтүү мамлекеттик администрациялар, Кыргыз Республикасынын [Конституциялык соту,] Кыргыз Республикасынын Жогорку соту, укук сотунун системасынын соттору жана судьялары; маалымат программалары - автордук маалымат-аналитикалык программаларын кошпогондо, күн сайын берилүүчү жаңылыктардын теле жана радиопрограммалары; аналитикалык программалар - окуяларга талдоо жүргүзүүчү, узактыгы 20 мүнөттөн кем болбогон апта сайын берилүүчү теле жана радиопрограммалар.2-статья. Ушул Мыйзамда колдонулуучу негизги түшүнүктөр Ушул Мыйзамда төмөнкүдөй негизги түшүнүктөр пайдаланылат: мамлекеттик жалпыга маалымдоо каражаты - уюштуруучусу мамлекеттик бийлик органы болгон жалпыга маалымдоо каражаты; мамлекеттик региондук жалпыга маалымдоо каражаты областтык, шаардык жана райондук мамлекеттик бийлик органдары менен бирге мамлекеттик бийлик органдары же болбосо областтык, шаардык жана райондук мамлекеттик бийлик органдары гана уюштуруучусу болгон жалпыга маалымдоо каражаты; мамлекеттик бийлик органдары - Кыргыз Республикасынын Президенти, Кыргыз Республикасынын Жогорку Кеңеши, Кыргыз Республикасынын Өкмөтү, жергиликтүү мамлекеттик администрациялар, Кыргыз Республикасынын [Жогорку сотунун Конституциялык палатасы,] Кыргыз Республикасынын Жогорку соту, укук сотунун системасынын соттору жана судьялары; маалымат программалары - автордук маалымат-аналитикалык программаларын кошпогондо, күн сайын берилүүчү жаңылыктардын теле жана радиопрограммалары; аналитикалык программалар - окуяларга талдоо жүргүзүүчү, узактыгы 20 мүнөттөн кем болбогон апта сайын берилүүчү теле жана радиопрограммалар.
"Кыргыз Республикасындагы Юбилейлик иш-чаралар жөнүндө" Кыргыз Республикасынын Мыйзамы
3-статья. Эл аралык маанидеги юбилейлик иш-чаралар [Эл аралык маанидеги юбилейлик иш-чараны өткөрүү жөнүндөгү чечим эл аралык уюмдардын чечимдерин, эл аралык ченемдик укуктук актыларды эсепке алуу менен Кыргыз Республикасынын Президенти тарабынан кабыл алынат.] Эл аралык маанидеги юбилейлик иш-чаралардын уюштуруу комитети жана тизмеси Кыргыз Республикасынын Өкмөтү тарабынан бекитилет. Эл аралык маанидеги юбилейлик иш-чаралардын тизмеси каржылоонун көлөмү көрсөтүлүү менен кийинки бюджеттик жылга карата аныкталат.3-статья. Эл аралык маанидеги юбилейлик иш-чаралар [Эл аралык маанидеги юбилейлик иш-чараны өткөрүү жөнүндөгү чечим эл аралык уюмдардын чечимдерин жана белгиленген тартипте күчүнө кирген, Кыргыз Республикасы катышуучусу болуп эсептелген эл аралык келишимдерди эсепке алуу менен Кыргыз Республикасынын Президенти тарабынан кабыл алынат.] Эл аралык маанидеги юбилейлик иш-чаралардын уюштуруу комитети жана тизмеси Кыргыз Республикасынын Өкмөтү тарабынан бекитилет. Эл аралык маанидеги юбилейлик иш-чаралардын тизмеси каржылоонун көлөмү көрсөтүлүү менен кийинки бюджеттик жылга карата аныкталат.
7-статья. Юбилейлик иш-чараларды өткөрүү жөнүндө сунуш киргизүү укугу Юбилейлик иш-чараларды өткөрүү жөнүндө сунуштар Кыргыз Республикасынын Өкмөтүнө Кыргыз Республикасынын Жогорку Кеңешинин депутаттары, Кыргыз Республикасынын [Конституциялык соту,] Кыргыз Республикасынын Жогорку соту, Кыргыз Республикасынын министрликтери, мамлекеттик комитеттери жана администрациялык ведомстволору, жергиликтүү өз алдынча башкаруунун өкүлчүлүктүү органдары, ошондой эле коомдук бирикмелердин атынан алардын республикалык органдары тарабынан киргизилет.7-статья. Юбилейлик иш-чараларды өткөрүү жөнүндө сунуш киргизүү укугу Юбилейлик иш-чараларды өткөрүү жөнүндө сунуштар Кыргыз Республикасынын Өкмөтүнө Кыргыз Республикасынын Жогорку Кеңешинин депутаттары, Кыргыз Республикасынын [Конституциялык соту,] Кыргыз Республикасынын Жогорку соту, Кыргыз Республикасынын министрликтери, мамлекеттик комитеттери жана администрациялык ведомстволору, жергиликтүү өз алдынча башкаруунун өкүлчүлүктүү органдары, ошондой эле коомдук бирикмелердин атынан алардын республикалык органдары тарабынан киргизилет.
10-статья. Айкелдик, архитектуралык жана башка мемориалдык курулуштарды куруу (орнотуу) Тарыхый окуяларды жана көрүнүктүү адамдарды түбөлүккө эскерүүчү айкелдик, архитектуралык жана башка мемориалдык курулуштарды жана объекттерди курууга (орнотууга) Кыргыз Республикасынын мыйзамдарына ылайык тийиштүү кеңештин жана архитектура органдарынын уруксаты менен жол берилет.10-статья. Айкелдик, архитектуралык жана башка мемориалдык курулуштарды куруу (орнотуу) Тарыхый окуяларды жана көрүнүктүү адамдарды түбөлүккө эскерүүчү айкелдик, архитектуралык жана башка мемориалдык курулуштарды жана объекттерди курууга (орнотууга) Кыргыз Республикасынын мыйзамдарына ылайык тийиштүү [жергиликтүү өз алдынча башкаруунун өкүлчүлүктүү органдарынын жана архитектура органдарынын] уруксаты менен жол берилет.
"Кыргыз Республикасынын ченемдик укуктук актылары жөнүндө" Кыргыз Республикасынын Мыйзамы
31-берене. Расмий чечмелөө (түшүндүрмө берүү) 1. Ченемдик укуктук актыларда так эместиктер, аларды колдонуу практикасында туура эместиктер же карама-каршылыктар табылган учурда расмий чечмелөө (түшүндүрмө) берилет. 2. Конституциянын ченемдерин расмий чечмелөө (түшүндүрүү) Кыргыз Республикасынын Конституциялык соту тарабынан жүзөгө ашырылат. Конституцияны кошпогондо, башка ченемдик укуктук актылардын ченемдерин расмий чечмелөө (түшүндүрүү) ошол ченемдик укуктук актыны кабыл алган ченем жаратуучу орган тарабынан ишке ашырылат. 3. Расмий чечмелөөдө ченемдердин мазмуну түшүндүрүлөт же такталат, алардын мыйзамдар системасындагы орду, ошондой эле бир эле түрдөгү коомдук мамилелердин ар кандай аспектилерин жөнгө салуучу башка ченемдер менен болгон функциялык жана башка байланыштары аныкталат. 4. Ченемдик укуктук актыларды расмий чечмелөө процессинде аларга өзгөртүүлөрдү жана толуктоолорду киргизүүгө жол берилбейт. 5. Мыйзамдардын ченемдери Конституциянын жоболоруна толук ылайык келгендей түрдө, ал эми башка ченемдик укуктук актыларда камтылган ченемдер - Конституцияга, конституциялык мыйзамдарга, кодекстерге жана мыйзамдарга ылайык чечмелениши керек.31-берене. Расмий чечмелөө (түшүндүрмө берүү) 1. Ченемдик укуктук актыларда так эместиктер, аларды колдонуу практикасында туура эместиктер же карама-каршылыктар табылган учурда расмий чечмелөө (түшүндүрмө) берилет. [2. Ченемдик укуктук актылардын ченемдерин расмий чечмелөө (түшүндүрүү) ченемдик укуктук актыны кабыл алган ченем жаратуучу орган тарабынан ишке ашырылат.] 3. Расмий чечмелөөдө ченемдердин мазмуну түшүндүрүлөт же такталат, алардын мыйзамдар системасындагы орду, ошондой эле бир эле түрдөгү коомдук мамилелердин ар кандай аспектилерин жөнгө салуучу башка ченемдер менен болгон функциялык жана башка байланыштары аныкталат. 4. Ченемдик укуктук актыларды расмий чечмелөө процессинде аларга өзгөртүүлөрдү жана толуктоолорду киргизүүгө жол берилбейт. 5. Мыйзамдардын ченемдери Конституциянын жоболоруна толук ылайык келгендей түрдө, ал эми башка ченемдик укуктук актыларда камтылган ченемдер - Конституцияга, конституциялык мыйзамдарга, кодекстерге жана мыйзамдарга ылайык чечмелениши керек.
ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Документтин байланыштары

шилтеме берет: 11 · цитата келтиргендер: 4 · байланышкандар: 0

Цитата келтиргендер (4)

Шилтеме берет (11)