КР Ɵкмɵтүнүн «Кыргыз Республикасынын Өкмөтүнүн 2011-жылдын 1-августундагы №437 «Канттын коопсуздугу жөнүндө» техникалык регламент тууралуу» токтомуна өзгөртүүлөрдү киргизүү жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 3-февралы №83 Кыргыз Республикасынын Өкмөтүнүн 2011-жылдын 1-августундагы № 437 "Канттын коопсуздугу жөнүндө" техникалык регламент тууралуу" токтомуна өзгөртүүлөрдү киргизүү жөнүндө Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 1-августундагы № 437 "Канттын коопсуздугу жөнүндө" техникалык регламент тууралуу" токтомуна төмөнкүдөй өзгөртүүлөр киргизилсин:

- жогоруда аталган токтом менен бекитилген "Канттын коопсуздугу жөнүндө" техникалык регламентте:

- 7-пунктунда:

1-пунктчасынын бешинчи абзацы төмөнкү редакцияда берилсин: "ак түстөгү кант - Эл аралык кант шкаласынын 99,5 градусунан кем эмес поляризацияланган таттуу-жыттуулар кошулбаган кант;"; 2-пунктчасындагы алтынчы абзац күчүн жоготту деп табылсын;

- 10-пунктунун 1-пунктчасы күчүн жоготту деп табылсын;

- 49-пункту күчүн жоготту деп табылсын;

- 68-пункту төмөнкү редакцияда берилсин:

"68. Кантты идентификациялоо тиешелүү стандартка ылайык жасалып, анда көрсөтүлгөн белгилер боюнча, ошондой эле өндүрүүчү же сатуучу тарабынан берилген сүрөттөмөлөр боюнча жүргүзүлөт."; 5 жана 6-тиркемелери күчүн жоготту деп табылсын.

2. Кыргыз Республикасынын Өкмөтүнүн ушул токтому 2012-жылдын 5-февралынан тартып күчүнө кирет.

3. Бул токтом жалпыга маалымдоо каражаттарына жарыялансын.

Премьер-министри

Ө.Бабанов