# КР Ɵкмɵтүнүн 2012-жылдын 31-январындагы № 68 "Кыргыз Республикасындагы медициналык-социалдык экспертиза жөнүндө" токтому - Толук аталышы: КР Ɵкмɵтүнүн 2012-жылдын 31-январындагы № 68 "Кыргыз Республикасындагы медициналык-социалдык экспертиза жөнүндө" токтому - Актынын түрү: Постановление - Номери: 68 - Кабыл алынган күнү: 31.01.2012 - Статусу: Күчүндө - Редакциянын күнү: 14.12.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 14.12.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Ɵкмɵтүнүн 2012-жылдын 31-январындагы № 68 "Кыргыз Республикасындагы медициналык-социалдык экспертиза жөнүндө" токтому (14.12.2016 редакциясы) - https://aqlex.ai/kg/doc/93432 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 31-январы № 68 Кыргыз Республикасындагы медициналык-социалдык экспертиза жөнүндө (КР Өкмөтүнүн 2016-жылдын 14-декабрындагы № 675 токтомунун редакциясына ылайык) Медициналык-социалдык экспертиза жагындагы ченемдик укуктук базаны өркүндөтүү максатында Кыргыз Республикасынын Өкмөтү ТОКТОМ КЫЛАТ: 1. Жаранды ден соолугунун мүмкүнчүлүгү чектелүү адам деп эсептөө жөнүндө жобо тиркемеге ылайык бекитилсин. (КР Өкмөтүнүн 2016-жылдын 14-декабрындагы № 675 токтомунун редакциясына ылайык) 2. 1991-жылдын 1-декабрына чейин СССРдин курамына кирген Көз карандысыз Мамлекеттер Шериктештигине катышкан мамлекеттердин аймактарында тийиштүү тартипте мөөнөтсүз берилген медициналык-социалдык эксперттик комиссиялардын маалымкаттары жана күбөлөндүрүү актысынын көчүрмөлөрү Кыргыз Республикасынын аймагында легализациясыз кабыл алына тургандыгы белгиленсин. 3. Төмөнкүлөр күчүн жоготту деп табылсын: - Кыргыз Республикасынын Өкмөтүнүн 2002-жылдын 31-декабрындагы № 915 "Кыргыз Республикасында медициналык-социалдык экспертиза жөнүндө" токтому; - Кыргыз Республикасынын Өкмөтүнүн 2005-жылдын 3-февралындагы № 56 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому; - Кыргыз Республикасынын Өкмөтүнүн 2006-жылдын 5-июнундагы №409 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтому; - Кыргыз Республикасынын Өкмөтүнүн 2004-жылдын 8-июлундагы №508 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 9-пункту; - Кыргыз Республикасынын Өкмөтүнүн 2005-жылдын 19-августундагы №388 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 5-пункту. 4. Бул токтом расмий жарыяланган күндөн тартып күчүнө кирет. Премьер-министри Ө.Бабанов