# КР Ɵкмɵтүнүн 2012-жылдын 12-январындагы №31 "Кыргыз Республикасынын Өкмөтүнүн 2007-жылдын 8-октябрындагы № 454 "Кыргыз Республикасынын Азык-түлүк коопсуздугу боюнча кеңешин түзүү жөнүндө" токтомуна толуктоолорду жана өзгөртүүлөрдү киргизүү тууралуу" токтому - Толук аталышы: КР Ɵкмɵтүнүн 2012-жылдын 12-январындагы №31 "Кыргыз Республикасынын Өкмөтүнүн 2007-жылдын 8-октябрындагы № 454 "Кыргыз Республикасынын Азык-түлүк коопсуздугу боюнча кеңешин түзүү жөнүндө" токтомуна толуктоолорду жана өзгөртүүлөрдү киргизүү тууралуу" токтому - Актынын түрү: Постановление - Номери: 31 - Кабыл алынган күнү: 12.01.2012 - Статусу: Күчүндө - Редакциянын күнү: 12.01.2012 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 12.01.2012 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Ɵкмɵтүнүн 2012-жылдын 12-январындагы №31 "Кыргыз Республикасынын Өкмөтүнүн 2007-жылдын 8-октябрындагы № 454 "Кыргыз Республикасынын Азык-түлүк коопсуздугу боюнча кеңешин түзүү жөнүндө" токтомуна толуктоолорду жана өзгөртүүлөрдү киргизүү тууралуу" токтому (12.01.2012 редакциясы) - https://aqlex.ai/kg/doc/93395 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 12-январы №31 Кыргыз Республикасынын Өкмөтүнүн 2007-жылдын 8-октябрындагы № 454 "Кыргыз Республикасынын Азык-түлүк коопсуздугу боюнча кеңешин түзүү жөнүндө" токтомуна толуктоолорду жана өзгөртүүлөрдү киргизүү тууралуу Тамак-аштын сапатын жакшыртуу жана микроэлементтердин жана витаминдердин тартыштыгы менен шартталган, Кыргыз Республикасынын калкынын ооруп калуу деңгээлин азайтуу боюнча чараларды көрүү жаатындагы иш-аракетти координациялоо максатында Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Өкмөтүнүн 2007-жылдын 8-октябрындагы № 454 "Кыргыз Республикасынын Азык-түлүк коопсуздугу боюнча кеңешин түзүү жөнүндө" токтомуна төмөнкүдөй толуктоолор жана өзгөртүүлөр киргизилсин: 1-пункту төмөнкү мазмундагы сегизинчи-тогузунчу абзацтар менен толукталсын: "Кыргыз Республикасынын саламаттык сактоо министри; Кыргыз Республикасынын Өкмөтүнүн Аппаратынын социалдык камсыздоо, саламаттык сактоо, эмгек жана миграция бөлүмүнүн башчысы;"; жогоруда аталган токтом менен бекитилген Азык-түлүк коопсуздугу кеңеши жөнүндө жободо: - 1.1-пункту "жабдууну камсыз кылууга" деген сөздөрдөн кийин жана "тамак-аштын сапатын жакшыртуу боюнча чараларга" деген сөздөр менен толукталсын; - 2.1-пункту төмөнкү редакцияда берилсин: "2.1. Кеңештин максаттары аткаруу бийлиги органдары тарабынан координацияланган жана оперативдүү чечимдерди кабыл алуу аркылуу тамак-аш азыктарына физиологиялык керектөөлөрдү эске алуу менен Кыргыз Республикасынын жарандарын азык-түлүк менен туруктуу жана үзгүлтүксүз жабдууну камсыз кылуу болуп саналат."; - 2.2-пунктунда: а) пунктчасы төмөнкү редакцияда берилсин: "а) Кыргыз Республикасында азык-түлүк коопсуздугунун стратегиялык багыттары жана азык-түлүк товарларынын сапатын жана коопсуздугун жакшыртуу боюнча сунуштарды иштеп чыгуу;"; б) пунктчасы төмөнкү мазмундагы тогузунчу-он биринчи абзацтар менен толукталсын: "- Кыргыз Республикасынын калкынын тамак-аш түзүмүндө микроэлементтердин жана витаминдердин жетишсиздигине байланышкан ден соолуктун бузулушунун алдын алуу жана дарылоо максатында иш-чараларды ишке ашырууга көмөк көрсөтүү; - зарыл маалыматтарга талдоо жүргүзүү жана аткарылган иш-чаралардын натыйжаларын колдонуу; - азык-түлүк товарларынын сапатын жана коопсуздугун жакшыртуу боюнча көрүлгөн чараларды ишке ашырууну камсыз кылуу;"; 3.1-пункт: төмөнкү мазмундагы үчүнчү абзац менен толукталсын: "Кыргыз Республикасында азык-түлүк товарларынын сапатын жана коопсуздугун жакшыртуу;"; төмөнкү мазмундагы сегизинчи абзац менен толукталсын: "- тамак-аштын сапатын жакшыртуу боюнча программаларды ишке ашыруу үчүн инвестицияларды тартуу маселелерин координациялоого;"; - 4.1-пунктта: төртүнчү абзац "азык-түлүк коопсуздугунун маселелери боюнча документтердин долбоорлорун даярдоо" деген сөздөрдөн кийин "жана тамак-аштын сапатын жакшыртуу" деген сөздөр менен толукталсын; бешинчи абзацы төмөнкү редакцияда берилсин: "- Кеңештин ишине, анын ичинде тамак-аш азыктарын фортификациялоо программаларын ишке ашырууга эксперттик баалоо жүргүзүү үчүн аткаруу бийлик органдарынын, ишкердик субъекттеринин жетекчилерин, илимий жана билим берүү мекемелеринин, коомдук бирикмелердин, өкмөттүк эмес жана башка уюмдардын өкүлдөрүн тартууга;". 2. Бул токтом расмий жарыяланган күндөн тартып күчүнө кирет. Премьер-министри Ө.Бабанов