# КР Өкмөтүнүн 2012-жылдын 22-ноябрындагы № 790 "Кыргыз Республикасында инновациялык ишмердүүлүктү өнүктүрүү боюнча чаралар жөнүндө" токтому - Толук аталышы: КР Өкмөтүнүн 2012-жылдын 22-ноябрындагы № 790 "Кыргыз Республикасында инновациялык ишмердүүлүктү өнүктүрүү боюнча чаралар жөнүндө" токтому - Актынын түрү: Постановление - Номери: 790 - Кабыл алынган күнү: 22.11.2012 - Статусу: Күчүн жоготкон - Редакциянын күнү: 12.07.2016 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 12.07.2016 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2012-жылдын 22-ноябрындагы № 790 "Кыргыз Республикасында инновациялык ишмердүүлүктү өнүктүрүү боюнча чаралар жөнүндө" токтому (12.07.2016 редакциясы) - https://aqlex.ai/kg/doc/93179 --- КР Өкмөтүнүн 2016-жылдын 12-июлундагы № 385 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 22-ноябры № 790 Кыргыз Республикасында инновациялык ишмердүүлүктү өнүктүрүү боюнча чаралар жөнүндө (КР Өкмөтүнүн 2014-жылдын 4-июлундагы № 373 токтомунун редакциясына ылайык) "Инновациялык иш жөнүндө" Кыргыз Республикасынын Мыйзамынын 12-беренесине ылайык, экономиканы модернизациялоо үчүн илимий-техникалык, инновациялык потенциалды натыйжалуу пайдалануу максатында Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Өкмөтүнө караштуу Инноватика боюнча мамлекеттик кеңеш 1-тиркемеге ылайык курамда түзүлсүн. 2. Инноватика боюнча мамлекеттик кеңеш жөнүндө жобо 2-тиркемеге ылайык бекитилсин. 3. Бул токтом расмий жарыяланган күндөн тартып күчүнө кирет. Кыргыз Республикасынын Премьер-министри Ж. Сатыбалдиев 1-тиркеме Кыргыз Республикасынын Өкмөтүнө караштуу Инноватика боюнча мамлекеттик кеңештин КУРАМЫ (КР Өкмөтүнүн 2014-жылдын 4-июлундагы № 373 токтомунун редакциясына ылайык) Кыргыз Республикасынын экономика жана инвестициялар маселесин тейлеген вице-премьер-министри, Кеңештин төрагасы; Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасы, Кеңештин төрагасынын орун басары. Кеңештин мүчөлөрү: Кыргыз Республикасынын Жогорку Кеңешинин Билим берүү, илим, маданият жана спорт боюнча комитетинин төрагасы (макулдашуу боюнча); Кыргыз Республикасынын финансы министри; Кыргыз Республикасынын экономика министри; Кыргыз Республикасынын энергетика жана өнөр жай министри; Кыргыз Республикасынын транспорт жана коммуникациялар министри; Кыргыз Республикасынын айыл чарба жана мелиорация министри; Кыргыз Республикасынын билим берүү жана илим министри; Кыргыз Республикасынын саламаттык сактоо министри; Кыргыз Республикасынын юстиция министри; Кыргыз Республикасынын Өкмөтүнө караштуу Мамлекеттик салык кызматынын төрагасы; Кыргыз Республикасынын Өкмөтүнө караштуу Мамлекеттик бажы кызматынын төрагасы; Кыргыз Республикасынын Улуттук илимдер академиясынын президенти (макулдашуу боюнча); Кыргыз Республикасынын Инженердик академиясынын президенти (макулдашуу боюнча); Кыргыз Республикасынын Соода-өнөр жай палатасынын президенти (макулдашуу боюнча); Бишкек шаарынын мэри (макулдашуу боюнча).