Бул документ боюнча сурооңуз барбы?ЖИнин жообун мыйзамдын тексти менен салыштырыңыз
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.Чат-боттор КР мыйзамдарында жаңылышат. Бул жерде ЖИ колдонуудагы редакция боюнча жооп берип, беренелерди көрсөтөт. Айына ЖИнин 40 жообу - акысыз.
Мисалы:
«Кыргыз Республикасынын ардак наамдары жана Ардак грамотасы жөнүндө» Кыргыз Республикасынын Мыйзамына толуктоо киргизүү тууралуу» Кыргыз Республикасынын Мыйзамынын долбоору жөнүндө» токтому
Документ күчүн жоготкон
Документ реестрде «Утратил силу» деп белгиленген. Учурдагы редакциясын текшербестен күчүндөгү документтерде ага шилтеме берүүгө болбойт. «Постановление Кабинета Министров КР от 25 марта 2022 года № 166 "О признании утратившими силу некоторых решений Кабинета Министров Кыргызской Республики"» негизинде күчүн жоготту. Учурдагы редакциянын датасы: 2011-12-30.
КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ
КЫРГЫЗ РЕСПУБЛИКАСЫНЫН ӨКМӨТҮ ТОКТОМ
2011-жылдын 30-декабры №770 "Кыргыз Республикасынын ардак наамдары жана Ардак грамотасы жөнүндө" Кыргыз Республикасынын Мыйзамына толуктоо киргизүү тууралуу" Кыргыз Республикасынын Мыйзамынын долбоору жөнүндө
Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:
1. "Кыргыз Республикасынын ардак наамдары жана Ардак грамотасы жөнүндө" Кыргыз Республикасынын Мыйзамына толуктоо киргизүү тууралуу" Кыргыз Республикасынын Мыйзамынын долбоору жактырылсын.
2. Аталган мыйзам долбоору Кыргыз Республикасынын Жогорку Кеңешинин кароосуна жиберилсин.
3. Кыргыз Республикасынын тышкы иштер министри аталган мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлү болуп дайындалсын.
Премьер-министри
Ө.Бабанов
Долбоор
КЫРГЫЗ РЕСПУБЛИКАСЫНЫН МЫЙЗАМЫ "Кыргыз Республикасынын ардак наамдары жана Ардак грамотасы жөнүндө" Кыргыз Республикасынын Мыйзамына толуктоо киргизүү тууралуу
1-берене.
"Кыргыз Республикасынын ардак наамдары жана Ардак грамотасы жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2000-ж., № 5, 239-берене) төмөнкүдөй толуктоо киргизилсин: 2-берене төмөнкү мазмундагы абзац менен толукталсын: "Кыргыз Республикасынын дипломатиялык кызматына эмгек сиңирген кызматкер.". 2-берене. Бул Мыйзам расмий жарыяланган күндөн тартып күчүнө кирет.
Кыргыз Республикасынын Президенти
"Кыргыз Республикасынын ардактуу наамдары жана Ардак грамотасы жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбооруна жана "Кыргыз Республикасынын ардактуу наамдары жана Ардак грамотасы жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбоору жөнүндө" Кыргыз Республикасынын Өкмөтүнүн токтомунун долбооруна карата НЕГИЗДЕМЕ-МААЛЫМКАТ
1991-жылдын 31-августунда Кыргызстандын эгемендүүлүгү жарыяланды, ошол күндөн тартып дүйнөлүк саясий картада жаңы мамлекетибиздин тышкы саясатынын тарыхы башталды. Өткөн эки он жылдыкта дүйнөдөгү 200 өлкөнүн ичинен Кыргызстан 100 мамлекеттен көбүрөөгү менен дипломатиялык карым-катыштарды жөнгө салды, алардын көбү менен эки тараптуу жана аймактык, ошондой эле эл аралык уюмдардын чегинде да Кыргызстан жигердүү жана өз ара пайдалуу кызматташууну өнүктүрүп келет, алардын көбүнө Кыргызстан активдүү мүчө жана катышуучу болуп келет. Кыргыз Республикасынын дипломатиялык кызматынын кызматкерлеринин негизги ишмердүүлүгү, алардын тажрыйбасы жана адистиги төмөндөгүдөй тапшырмаларды аткарууга багытталган:
- Кыргыз Республикасынын тышкы саясатынын концепциясын иштеп чыгуу жана Кыргыз Республикасынын жетекчилигине сунуштоо, ошондой эле ал концепцияны Кыргыз Республикасынын башкаруу бийлигинин башка органдары менен биргеликте ишке ашыруу;
- Кыргыз Республикасынын тышкы саясий багытын жалпыга таанылган эл аралык укуктун нормаларына ылайык чет мамлекеттер менен тең ата мамилелерин ар тараптан өнүктүрүүнү ишке ашыруу;
- эл аралык мамилелерде Кыргыз Республикасынын эгемендүүлүгүн, аймактык бүтүндүгүн жана башка кызыкчылыктарын дипломатиялык каражаттар менен коргоону камсыздоо;
- Кыргыз Республикасынын экономикалык жана социалдык саясатын ишке ашырууга көмөк көрсөтүү;
- чет өлкөлөрдө жүргөн Кыргыз Республикасынын жарандарынын жана юридикалык жактарынын укуктарын жана кызыкчылыктарын коргоо;
- чет мамлекеттер жана эл аралык уюмдар менен Кыргыз Республикасынын мамилелеринде тышкы саясий багытты бирдиктүү жүргүзүү максатында аткаруу бийлигинин органдарынын ишмердүүлүктөрүн координациялоо.
Дипломатиялык кызмат мамлекеттик кызматтын бир түрү катары эл аралык мамилелер чөйрөсүндө өзүнө тиешелүү өзгөчө ишмердүүлүккө ээ. Бүгүнкү күндө ардактуу наамдардын арасынан кесипкөйлүк ишмердүүлүгүнө ылайык ыйгарыла турган өзүнүн мамлекеттик ардак наамдарына дипломатиялык кызмат ээ эмес, ошол эле мезгилде постсоветтик өлкөлөрдө, башкача айтканда, Россия Федерациясында жана Казакстан Республикасында "Дипломатиялык кызматтын эмгек сиңирген кызматкери" аттуу ардактуу наам 10 жылдан ашык мезгилден бери дипломатиялык кызматтын эң жогорку кесипкөй адистерине ыйгарылып келет. "Дипломатиялык кызматтын эмгек сиңирген кызматкери" аттуу ардактуу наамды киргизүү тышкы саясий чөйрөдө Кыргызстандын кызыкчылыктарын коргоодо дипломатиялык кызматтын маанилүү жана натыйжалуу инструменти катары өнүгүүсүнө көмөк болмок. "Дипломатиялык кызматтын эмгек сиңирген кызматкери" аттуу ардактуу наам Кыргыз Республикасынын тышкы саясий багытын ишке ашыруудагы сиңирген эмгеги жана көп жылдык жемиштүү дипломатиялык ишмердүүлүгү үчүн Кыргыз Республикасынын дипломатиялык кызматынын бирдиктүү системасынын кызматкерлерине, ошондой эле ишмердүүлүктөрү тышкы саясий функциялар менен байланышкан Кыргыз Республикасынын Жогорку Кеңешинин депутаттарына, Кыргыз Республикасынын Президентинин Аппаратынын, Кыргыз Республикасынын Өкмөтүнүн Аппаратынын жана Кыргыз Республикасынын Жогорку Кеңешинин Аппаратынын кызматкерлерине ыйгарылат. "Кыргыз Республикасынын ардактуу наамдары жана Ардак грамотасы жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамын жана "Кыргыз Республикасынын ардактуу наамдары жана Ардак грамотасы жөнүндө" Кыргыз Республикасынын Мыйзамына толуктоолорду киргизүү тууралуу" Кыргыз Республикасынын Мыйзамынын долбоору жөнүндө" Кыргыз Республикасынын Өкмөтүнүн токтомун кабыл алуу:
- Министрликтин жана анын кызматкерлеринин алдына коюлган тапшырмалардын маанилүүлүгүн жана зарылдыгын таанууга;
- Кыргыз Республикасынын дипломатиялык кызматкерлеринин кесипкөйлүгүн жана баа жеткис кошкон салымын эмгегине жараша баалоого;
- дипломатиялык кызматтын кызматкерлерине социалдык жактан коргоого кепилдик берүүгө мүмкүнчүлүк берет.
Жогоруда айтылгандарды эске алуу менен кароого сунушталат.
Министр
Р.Казакбаев
"Кыргыз Республикасынын Ардак наамдары жана Ардак грамотасы жөнүндө" Кыргыз Республикасынын Мыйзамына толуктоолорду киргизүү жөнүндө" 2000-жылдын 15-январындагы № 14 Кыргыз Республикасынын Мыйзамынын долбооруна САЛЫШТЫРМА ТАБЛИЦА
| Иштеп жаткан редакциясы | Сунушталган редакциясы |
|---|---|
| 2-статья. Кыргыз Республикасынын төмөнкү ардак наамдары белгиленсин: Кыргыз Республикасынын эл жазуучусу; Кыргыз Республикасынын эл акыны; Кыргыз Республикасынын эл сүрөтчүсү; Кыргыз Республикасынын эл артисти; Кыргыз Республикасынын эл мугалими; Кыргыз Республикасынын эмгек сиңирген мугалими; Кыргыз Республикасынын билим берүүсүнө эмгек сиңирген кызматкер; Кыргыз Республикасынын эмгек сиңирген врачы; Кыргыз Республикасынын саламаттыкты сактоосуна эмгек сиңирген кызматкер; Кыргыз Республикасынын эмгек сиңирген артисти; Кыргыз Республикасынын маданиятына эмгек сиңирген ишмер; Кыргыз Республикасынын илимине эмгек сиңирген ишмер; Кыргыз Республикасынын өнөр жайына эмгек сиңирген кызматкер; Кыргыз Республикасынын айыл чарбасына эмгек сиңирген кызматкер; Кыргыз Республикасынын эмгек сиңирген куруучусу; Кыргыз Республикасынын транспортуна эмгек сиңирген кызматкер; Кыргыз Республикасынын байланышына эмгек сиңирген кызматкер; Кыргыз Республикасынын геология кызматына эмгек сиңирген кызматкер; Кыргыз Республикасынын калкты тейлөө чөйрөсүнө эмгек сиңирген кызматкер; Кыргыз Республикасынын эмгек сиңирген юристи; Кыргыз Республикасынын эмгек сиңирген экономисти; Кыргыз Республикасынын жаратылышты коргоосуна эмгек сиңирген кызматкер; | 2-статья. Кыргыз Республикасынын төмөнкү ардак наамдары белгиленсин: Кыргыз Республикасынын эл жазуучусу; Кыргыз Республикасынын эл акыны; Кыргыз Республикасынын эл сүрөтчүсү; Кыргыз Республикасынын эл артисти; Кыргыз Республикасынын эл мугалими; Кыргыз Республикасынын эмгек сиңирген мугалими; Кыргыз Республикасынын билим берүүсүнө эмгек сиңирген кызматкер; Кыргыз Республикасынын эмгек сиңирген врачы; Кыргыз Республикасынын саламаттыкты сактоосуна эмгек сиңирген кызматкер; Кыргыз Республикасынын эмгек сиңирген артисти; Кыргыз Республикасынын маданиятына эмгек сиңирген ишмер; Кыргыз Республикасынын илимине эмгек сиңирген ишмер; Кыргыз Республикасынын өнөр жайына эмгек сиңирген кызматкер; Кыргыз Республикасынын айыл чарбасына эмгек сиңирген кызматкер; Кыргыз Республикасынын эмгек сиңирген куруучусу; Кыргыз Республикасынын транспортуна эмгек сиңирген кызматкер; Кыргыз Республикасынын байланышына эмгек сиңирген кызматкер; Кыргыз Республикасынын геология кызматына эмгек сиңирген кызматкер; Кыргыз Республикасынын калкты тейлөө чөйрөсүнө эмгек сиңирген кызматкер; Кыргыз Республикасынын эмгек сиңирген юристи; Кыргыз Республикасынын эмгек сиңирген экономисти; Кыргыз Республикасынын жаратылышты коргоосуна эмгек сиңирген кызматкери; [Кыргыз Республикасынын дипломатиялык кызматынын эмгек сиңирген кызматкери] |
Документ боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.
Документтин байланыштары
шилтеме берет: 3 · цитата келтиргендер: 1 · байланышкандар: 0
Цитата келтиргендер (1)
Шилтеме берет (3)
- Кыргыз Республикасынын Министрлер Кабинетинин 2022-жылдын 25-мартындагы № 166 "Кыргыз Республикасынын Министрлер Кабинетинин айрым чечимдерин күчүн жоготту деп таануу жөнүндө"…Постановление · 25.03.2022 · № 166
- Кыргыз Республикасынын ардак наамдары жана ардак грамотасы жөнүндөЗакон · 15.01.2000 · № 14 · Күчүн жоготкон
- Кыргыз Республикасынын КонституциясыКонституция · 27.06.2010 · Күчүн жоготкон