# КР Өкмөтүнүн 2009-жылдын 17-сентябырындагы №583 ""Балыкчы", "Баетов", "Токтогул", "Кызыл-Кыя", "Чолпон-Ата" таандык аэропортторун жоюу жөнүндө" токтому - Толук аталышы: КР Өкмөтүнүн 2009-жылдын 17-сентябырындагы №583 ""Балыкчы", "Баетов", "Токтогул", "Кызыл-Кыя", "Чолпон-Ата" таандык аэропортторун жоюу жөнүндө" токтому - Актынын түрү: Постановление - Номери: 583 - Кабыл алынган күнү: 17.09.2009 - Редакциянын күнү: 17.09.2009 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 17.09.2009 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2009-жылдын 17-сентябырындагы №583 ""Балыкчы", "Баетов", "Токтогул", "Кызыл-Кыя", "Чолпон-Ата" таандык аэропортторун жоюу жөнүндө" токтому (17.09.2009 редакциясы) - https://aqlex.ai/kg/doc/91006 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2009-жылдын 17-сентябры №583 "Балыкчы", "Баетов", "Токтогул", "Кызыл-Кыя", "Чолпон-Ата" таандык аэропортторун жоюу жөнүндө "Балыкчы", "Баетов", "Токтогул", "Кызыл-Кыя", "Чолпон-Ата" аэропортторуна учуулар токтогондугуна жана аларды калыбына келтирүү максатка ылайыксыз болгондугуна байланыштуу, Кыргыз Республикасынын Аба кодексинин 56-беренесине ылайык Кыргыз Республикасынын Өкмөтү ТОКТОМ КЫЛАТ: 1. "Манас" эл аралык аэропорту" ачык акционердик коомуна белгиленген тартипте төмөнкүлөр сунушталсын: - "Балыкчы", "Баетов", "Токтогул", "Кызыл-Кыя", "Чолпон-Ата" таандык аэропортторун жоюу; - "Баетов", "Токтогул" таандык аэропортторунун имараттарын жана курулмаларын тиешелүү жергиликтүү өз алдынча башкаруу органдарынын балансына өткөрүп берүү; - "Балыкчы" жана "Чолпон-Ата" таандык аэропортторунда жайгашкан жана "Кыргызаэронавигация" мамлекеттик ишканасынын өндүрүштүк иштерин камсыздоо үчүн зарыл болгон имараттарды, курулмаларды жана жер участокторду "Кыргызаэронавигация" мамлекеттик ишканасынын балансына өткөрүп берүү; - "Баетов", "Токтогул" жана "Балыкчы" таандык аэропортторунун жер участокторун "Кыргызаэронавигация" мамлекеттик ишканасынын өндүрүштүк иштерин камсыздоо үчүн зарыл болгон жер участокторду кошпогондо, жергиликтүү өз алдынча башкаруу органдарына өткөрүп берүү. 2. Бул токтомдун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн. Премьер-министри И.Чудинов