Кыргыз Республикасынын Жогорку Кеңешинин «Өндүрүш жана керектөө калдыктары жөнүндө» Кыргыз Республикасынын Мыйзамынын долбоорун биринчи окууда кабыл алуу тууралуу» токтому

КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ТОКТОМУ 2023-жылдын 15-июну № 1283-VII

"Өндүрүш жана керектөө калдыктары жөнүндө" Кыргыз Республикасынын Мыйзамынын долбоорун биринчи окууда кабыл алуу тууралуу Кыргыз Республикасынын Жогорку Кеңеши токтом кылат:

1. Кыргыз Республикасынын Жогорку Кеңешинин депутаттары М.А.Маматалиев, Н.Т.Шакиев, Т.Т.Мамытов, Ш.Мажитова, Б.З.Түлөбаев, Л.Х.Лурова, М.Ж.Сыдыков, Э.К.Кокулов, Б.Э.Тентишев, А.Исатбек кызы, М.А.Абдалиев, Ш.К.Атазов, Д.К.Исаева, Ф.Д.Исмаилов, А.А.Козуев, Т.А.Масабиров, А.Т.Маткеримов, Н.А.Нарматова, Р.Ш.Жакышов, Э.Р.Джусупов, Ф.А.Алимжанов, Э.Э.Жамгырчиев, Д.Э.Толонов, К.Л.Ханджеза, Ч.И.Ажибаев, Ж.П.Нурбаев, М.К.Сарбагышев, Б.К.Чойбеков, Ы.Ы.Атажанов, К.А.Талиева, Д.А.Ашимова, А.Алтынбеков тарабынан демилгеленген "Өндүрүш жана керектөө калдыктары жөнүндө" Кыргыз Республикасынын Мыйзамынын долбоору биринчи окууда кабыл алынсын.

2. Мыйзам чыгаруу демилгесинин субъекттери Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитетине жана бир эле убакта Кыргыз Республикасынын Жогорку Кеңешинин Аппаратынын эксперттик кызматтарына жогоруда көрсөтүлгөн мыйзам долбооруна карата өздөрүнүн жазуу жүзүндөгү сунуштарын жана түзөтүүлөрүн алардын негиздемеси менен 5 жумуш күндүн ичинде жөнөтсүн.

3. Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитети келип түшкөн жазуу жүзүндөгү сунуштарды, түзөтүүлөрдү эске алуу менен жогоруда көрсөтүлгөн мыйзам долбоорун толуктап иштеп чыксын жана экинчи окууда кароо үчүн Кыргыз Республикасынын Жогорку Кеңешине киргизсин.

Төраганын орун басары

Н.О.Сыдыгалиев