Кыргыз Республикасынын Жогорку Кеңешине караштуу «Парламентти жана демократияны өнүктүрүү борбору» мамлекеттик мекемеси жөнүндө жобо (КР Жогорку Кеңешинин токтому менен бекитилген)

1-тиркеме

Кыргыз Республикасынын Жогорку Кеңешинин 2022-жылдын 30-июнундагы № 384-VI токтому менен бекитилген

Кыргыз Республикасынын Жогорку Кеңешине караштуу "Парламентти жана демократияны өнүктүрүү борбору" мамлекеттик мекемеси жөнүндө ЖОБО

I. Жалпы жоболор

1.1. Кыргыз Республикасынын Жогорку Кеңешине караштуу "Парламентти жана демократияны өнүктүрүү борбору" мамлекеттик мекемеси (мындан ары - Борбор) өз ишинде Кыргыз Республикасынын Конституциясын, Кыргыз Республикасынын мыйзамдарын, Кыргыз Республикасынын башка ченемдик укуктук актыларын, Кыргыз Республикасы катышуучу болуп саналган, белгиленген тартипте күчүнө кирген эл аралык келишимдерди жана ушул Жобону жетекчиликке алат.

1.2. Борбордун уюштуруучу документи болуп Жобо саналат. Кыргыз Республикасынын Жогорку Кеңеши (мындан ары - Жогорку Кеңеш) борбордун уюштуруучусу болуп саналат.

1.3. Борбор стратегиялык пландаштыруу, парламенттин ишинин натыйжалуулугун, Жогорку Кеңештин депутаттарынын жана кызматкерлеринин потенциалын жогорулатуу маселелери боюнча Жогорку Кеңештин ишин маалыматтык-аналитикалык жана илимий-методикалык камсыз кылуу максатында түзүлгөн.

1.4. Борбор ыкчам башкаруу укугуна негизделген мекеменин уюштуруу-укуктук формасында иштеген өз алдынча юридикалык жак болуп саналат.

1.5. Борбордун негизги жана жүгүртүү каражаттары, өз алдынча балансы, Кыргыз Республикасынын банктарында эсептешүү жана башка, анын ичинде валюталык эсептери бар.

1.6. Борбордун өзүнүн кыргыз, орус жана англис тилдеринде аталышы жазылган гербдүү мөөрү, штамптары, белгиленген үлгүдөгү фирмалык бланктары, өзүнүн символикасы жана башка атрибутикасы бар.

1.7. Борбордун толук расмий аталышы:

- кыргыз тилинде - "Кыргыз Республикасынын Жогорку Кеңешине караштуу "Парламентти жана демократияны өнүктүрүү борбору" мамлекеттик мекемеси";

- орус тилинде - "Государственное учреждение "Центр развития парламента и демократии" при Жогорку Кеңеше Кыргызской Республики";

Кыскартылган аталышы:

- мамлекеттик тилде: "Парламентти жана демократияны өнүктүрүү борбору" ММ;

- расмий тилде: ГУ "Центр развития парламента и демократии".

1.8. Борбордун штаттык санын Кыргыз Республикасынын Жогорку Кеңешинин Төрагасы (мындан ары - Жогорку Кеңештин Төрагасы) бекитет.

1.9. Борбордун юридикалык дареги: 720053, Кыргыз Республикасы, Бишкек ш., Чуй пр., № 205.

II. Борбордун милдеттери жана функциялары

2.1. Борбордун милдеттери болуп төмөнкүлөр саналат:

- Жогорку Кеңештин стратегиялык документтерин иштеп чыгууга, ишке ашырууга жана мониторинг жүргүзүүгө жана баалоого көмөк көрсөтүү аркылуу Жогорку Кеңештин ишин стратегиялык пландаштырууну камсыз кылуу;

- парламенттин ишинин натыйжалуулугун, Жогорку Кеңештин депутаттарынын жана кызматкерлеринин потенциалын жогорулатуу;

- Кыргыз Республикасында парламентаризмди өнүктүрүү маселелери боюнча Жогорку Кеңешке маалыматтык, аналитикалык жана эксперттик колдоо көрсөтүү, сессиялык мезгилиндеги Жогорку Кеңештин ишинин жыйынтыгын чыгарууга көмөк көрсөтүү.

2.2. Борбордун функциялары болуп төмөнкүлөр саналат:

- Жогорку Кеңештин стратегиялык документтерин жана өнүктүрүү долбоорлорун иштеп чыгууга консультациялык жана аналитикалык колдоо көрсөтүү;

- Жогорку Кеңештин стратегиялык документтерин жана өнүктүрүү долбоорлорун жүзөгө ашыруу боюнча иштерди координациялоо;

- Жогорку Кеңештин стратегиялык документтерин жана өнүктүрүү долбоорлорун ишке ашырууга мониторинг жүргүзүү жана баалоо процессин уюштуруу;

- Жогорку Кеңешти өнүктүрүү боюнча программаларды жана долбоорлорду ишке ашыруу үчүн каражаттарды табууга жана тартууга көмөк көрсөтүү;

- сессиялык мезгил үчүн Жогорку Кеңештин иши жөнүндө Төраганын ар жылдык отчетторун, илимий-практикалык колдонмолорду жана башка тематикалык басылмаларды даярдоо боюнча иштерди жүргүзүү;

- Кыргыз Республикасында парламентаризм институтун өркүндөтүү боюнча сунуштарды иштеп чыгуу максатында маалыматтык серептерди жана аналитикалык материалдарды түзүү;

- Жогорку Кеңешке анын ишинин негизги багыттары боюнча консультациялык жардам көрсөтүү үчүн эксперттердин маалымат базасын түзүү;

- Жогорку Кеңештин суроо-талабы боюнча социалдык маанилүү маселелер боюнча изилдөөлөрдү жүргүзүү;

- Кыргыз Республикасында парламентаризмди өнүктүрүү маселелери боюнча консультацияларды, кеңешмелерди, конференцияларды, тегерек столдорду, презентацияларды жапа башка коомдук иш-чараларды уюштуруу жана өткөрүү;

- Жогорку Кеңештин депутаттарынын жана кызматкерлеринин потенциалын жогорулатуу боюнча окуу тренингдерин, семинарларын уюштуруу жана өткөрүү;

- Жогорку Кеңештин Төрагасына караштуу Консультативдик кеңештин ишине анын ишинин негизги багьггтары боюнча көмөк көрсөтүү;

- Борбордун компетенциясына кирген маселелер боюнча Жогорку Кеңештин Аппаратынын түзүмдүк бөлүмдөрү, Кыргыз Республикасынын Президентинин Администрациясы жана мамлекеттик органдар, ошондой эле чет мамлекеттердин парламенттери менен өз ара аракеттенүү;

- парламентти институционалдык өнүктүрүү маселеси боюнча эл аралык уюмдар менен өз ара аракеттенүү;

- Жогорку Кеңешти өнүктүрүү долбоорлорун жана программаларын талкуулоо, илгерилетүү жана ишке ашыруу үчүн донорлор, инвесторлор, жарандык коомдун, жеке сектордун өкүлдөрү менен эки тараптуу жана көп тараптуу жолугушууларды демилгелөө жана өткөрүү;

- улуттук мыйзамдарды өркүндөтүү боюнча сунуштарды даярдоо үчүн республиканын ЖОЖдору жана изилдөө мекемелери менен өз ара аракеттенүү;

- Жогорку Кеңештин Төрагасына караштуу коомдук консультациялык кеңештердин катчылыктарынын ишине көмөк көрсөтүү;

- Борбордун документтерин сактоо үчүн архивге тапшырууга даярдоо.

III. Борбордун укуктары жана милдеттери

3.1. Борбор төмөнкүлөргө укуктуу:

- Борбордун максатына жана милдеттерине ылайык иштеши үчүн анын ар кандай формаларында ар кандай улуттук, чет өлкөлүк жана эл аралык булактардан финансылык ресурстарды тартуу;

- өзүнүн компетенциясына кирген маселелер боюнча Жогорку Кеңешке сунуштарды киргизүү;

- Борбордун максаттарын жана милдеттерин ишке ашыруу үчүн зарыл болгон маалыматтарды жана материалдарды белгиленген тартипте алуу;

- Борбордун кызматкерлерине консультация берүү жана окутуу үчүн жана башка максаттарда келишимдик негизде адистерди белгиленген тартипте тартуу;

- эмгек келишиминин, мөөнөттүү эмгек келишиминин, подряддык келишимдердин негизинде иштерди аткаруу үчүн белгиленген тартипте адистерди тартуу;

- эксперттик жана илимий иштерди жүргүзүү үчүн мамлекеттик органдардын жана жергиликтүү өз алдынча башкаруу органдарынын адистерин мамлекеттик жарандык жана муниципалдык кызмат жөнүндө мыйзамдарда аныкталган тартипте тартуу;

3.2. Борбордун кызматкерлери төмөнкүлөргө укуктуу:

- кызматтык милдеттерин аткаруу үчүн зарыл болгон уюштуруу-техникалык шарттар менен камсыз болууга;

- кызматтык милдеттерин аткаруу үчүн, ошондой эле Жогорку Кеңештин ишин жакшыртуу боюнча сунуштарды киргизүү үчүн зарыл болгон маалыматтарды жана материалдарды мыйзамдарда белгиленген тартипте алууга;

- өздөрүнүн укуктарын жана мыйзамдуу таламдарын коргоо, ошондой эле мыйзамда белгиленген тартипте кызмат адамдарынын мыйзамсыз аракеттерине даттанууга.

3.3. Борбордун кызматкерлери Кыргыз Республикасынын мыйзамдарына ылайык төмөнкүдөй тартиптик, администрациялык, материалдык жана кылмыш-жаза жоопкерчиликтерин тартышат:

- өзүлөрүнүн функционалдык милдеттемелерин аткарбаганы жана талаптагыдай аткарбаганы үчүн;

- Жогорку Кеңештин ишинин регламентин, Жогорку Кеңештин ички тартибинин эрежелерин, өрт коопсуздугунун жана эмгекти коргоонун эрежелерин сактабаганы үчүн;

- укук ченемсиз тапшырмаларды кошпогондо, жогору турган адамдардын тапшырмаларын, тескемелерин жана көрсөтмөлөрүн өз убагында, сапаттуу аткарбаганы үчүн.

IV. Борбордун ишин уюштуруу

4.1. Кыргыз Республикасынын Жогорку Кеңеши Борбордун ишин контролдоону жүзөгө ашырат.

4.2. Борбор Кыргыз Республикасынын мыйзамдарында белгиленген тартипте өзүнүн чарбалык, бухгалтердик жана статистикалык ишинин натыйжаларынын эсебин жүргүзөт.

4.3. Борбордун ишине жалпы жетекчиликти, пландаштырууну жана контролдоону камсыз кылган борбордун директору башкарат.

4.4. Директор Жогорку Кеңештин Аппаратынын кызматкерлеринин арасынан Жогорку Кеңештин Аппаратынын Жетекчисинин сунушу боюнча Жогорку Кеңештин Төрагасы тарабынан кызмат ордуна дайындалат жана кызмат ордунан бошотулат.

4.5. Борбордун директору:

- Борбордун ишине жетекчилик кылат жана Борборго жүктөлгөн милдеттердин жана функциялардын аткарылышы үчүн жеке жоопкерчилик тартат;

- Борбордун максаттарын жана милдеттерин ишке ашыруу маселелери боюнча Жогорку Кеңештин комитеттери, фракциялары, депутаттык топтору, Жогорку Кеңештин Аппаратынын түзүмдүк бөлүмдөрү, Кыргыз Республикасынын кызыкдар мамлекеттик органдары жана эл аралык уюмдар менен ыкчам оз ара аракеттенүүнү камсыз кылат;

- Жогорку Кеңештин чечимдеринин аткарылышын камсыз кылат;

- өзүнүн компетенциясынын чегинде буйруктарды чыгарат, Борбордун бардык кызматкерлери аткарууга милдеттүү болгон көрсөтмөлөрдү берет жана алардын аткарылышын контролдоону уюштурат;

- Борбордун атынан ишеним катсыз иштейт, Кыргыз Республикасынын мамлекеттик органдарында, уюмдарында, мекемелеринде анын таламдарын коргойт, келишимдерди түзөт, ишеним каттарды берет, банктарда эсептешүү эсептерин ачат, банктык жана финансылык документтерге кол коет, каражаттарды тескөө укугунан пайдаланат;

- Борбордун директордун орун басарынын жана Борбордун кызматкерлеринин иш-милдеттерин аныктайт;

- Борбордун кызматкерлерин тандоону жана алар менен келишим түзүүнү эл аралык уюмдар менен макулдашат;

- Борбордун кызматкерлерине карата мыйзамдарда белгиленген тартипте тартиптик таасир этүү чараларын колдонот;

- белгиленген тартипте Жогорку Кеңештин Аппарат Жетекчисинин макулдугу менен Борбордун кызматкерлерин ишке алат жана бошотот, эмгекке стимул берүү маселелерин чечет;

- конференцияларга, семинарларга жана башка иш-чараларга катышуу үчүн депутаттарды, Жогорку Кеңештин Аппаратынын жана Борбордун кызматкерлерин иш сапарга жөнөтүү жөнүндө маселени Жогорку Кеңештин Төрагасынын жана Жогорку Кеңештин Аппарат Жетекчисинин кароосуна киргизет;

- Кыргыз Республикасынын мыйзамдарына ылайык Борбордун милдеттерин жана функцияларын аткаруу үчүн зарыл болгон башка иш-аракеттерди жүзөгө ашырат.

4.6. Мамлекеттик мекемеде директордун орун басарынын кызмат орду каралган. Директордун орун басары директордун сунушу боюнча Жогорку Кеңештин Төрагасы тарабынан кызмат ордуна дайындалат жана бошотулат жана директор бекиткен иш-милдеттерге ылайык иш алып барат. Директор жок болгон учурда, ошондой эле директор өз милдеттерин аткара албаган башка учурларда анын функцияларын директордун орун басары аткарат.

4.7. Борбордун кызматкерлери мамлекеттик кызматчы болуп эсептелбейт. Борбордун кызматкерлеринин эмгек акысы келишимдик негизде эл аралык уюмдардын жана Жогорку Кеңештин өнүктүрүү боюнча өнөктөштөрүнүн каражаттарынын эсебинен жүргүзүлөт.

V. Борбордун менчиги

5.1. Борбор өзүнүн ишинин милдеттерине жана функцияларына ылайык борборго оперативдүү башкаруу укугунун негизинде берилген мамлекеттик мүлктү пайдаланууга укуктуу.

5.2. Борбордун мүлкүн түзүүнүн булактары болуп төмөнкүлөр саналат:

- эл аралык уюмдардын каражаттары жана гранттары;

- илимий-өндүрүштүк, билим берүү, басма жана башка иштерден түшкөн каражаттар;

- юридикалык жана жеке жактардын ыктыярдуу төгүмдөрү;

- Кыргыз Республикасынын мыйзамдарында тыюу салынбаган башка булактар.

VI. Борбордун ишин токтотуу

6.1. Борбордун ишин токтотуу Кыргыз Республикасынын мыйзамдарына ылайык кайра уюштуруу жана жоюу түрүндө жүргүзүлүшү мүмкүн.

6.2. Борбордун ишин токтотуу Кыргыз Республикасынын мыйзамдарында белгиленген учурларда жана тартипте Кыргыз Республикасынын Жогорку Кеңешинин чечими боюнча жүзөгө ашырылышы мүмкүн.

6.3. Борбордун документтери "Кыргыз Республикасынын Улуттук архив фонду жөнүндө" Кыргыз Республикасынын Мыйзамына ылайык сакталат жапа пайдаланылат.

VII. Корутунду жоболор

7.1. Ушул Жобого өзгөртүүлөр жана толуктоолор мыйзамдарда белгиленген тартипте киргизилиши мүмкүн.

7.2. Борбордун кызматкерлери Кыргыз Республикасынын мыйзамдарынын сактоого, Жогорку Кеңештин жана Жогорку Кеңештин Аппаратынын жетекчилигинин тескемелерин жана көрсөтмөлөрүн аткарууга, Борбор жөнүндө жобого ылайык өз ишин жүзөгө ашырууга, кызматтык сырды сактоого, эмгек жана аткаруу тартибин сактоого милдеттүү.