КР Жогорку Кеңешинин «Ысык-Көл» биосфера аймагында суу чыгаруу жана тазалоо курулмалары жөнүндө» Кыргыз Республикасынын Мыйзамынын долбоорун биринчи окууда кабыл алуу тууралуу» токтому

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2020-жылдын 20-февралы № 3565-VI "Ысык-Көл" биосфера аймагында суу чыгаруу жана тазалоо курулмалары жөнүндө" Кыргыз Республикасынын Мыйзамынын долбоорун биринчи окууда кабыл алуу тууралуу Кыргыз Республикасынын Жогорку Кеңеши ТОКТОМ КЫЛАТ:

1. Кыргыз Республикасынын Жогорку Кеңешинин депутаттары Э.Дж.Байбакпаев, Б.С.Турусбеков, П.Р.Тулендыбаев, К.Ш.Баймуратов, А.К.Дюшалиев, А.Ж.Акматов, И.Т.Гайпкулов, А.М.Султанов, М.К.Жеенчороев, Б.Ж.Субанбеков, А.М.Эргешов, А.К.Назаров, И.И.Матраимов, А.Ж.Исмаилова, А.Ш.Жээнбеков, К.Дж.Рыспаев, Жунус уулу Адыл демилгелеген "Ысык-Көл" биосфера аймагында суу чыгаруу жана тазалоо курулмалары жөнүндө" Кыргыз Республикасынын Мыйзамынын долбоору биринчи окууда кабыл алынсын.

2. Мыйзам чыгаруу демилгесинин субъектилери Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитетине жана бир эле мезгилде Кыргыз Республикасынын Жогорку Кеңешинин Аппаратынын эксперттик кызматына жогоруда көрсөтүлгөн мыйзам долбооруна карата өздөрүнүн жазуу жүзүндөгү сунуштарын жана түзөтүүлөрүн алардын негиздемеси менен 5 жумушчу күндүн ичинде жөнөтсүн.

3. Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитети келип түшкөн жазуу жүзүндөгү сунуштарды жана түзөтүүлөрдү эске алуу менен жогоруда көрсөтүлгөн мыйзам долбоорун толуктап иштеп чыксын жана экинчи окууда кароо үчүн Кыргыз Республикасынын Жогорку Кеңешине киргизсин.

Кыргыз Республикасынын Жогорку Кеңешинин Төрагасынын орун басары

А.Касымалиева