Кыргыз Республикасынын Шайлоо жана референдум өткөрүү боюнча борбордук комиссиясынын «Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 20-октябрындагы № 161 токтому менен бекитилген „Жергиликтүү кеңештеринин депутаттарын шайлоону өткөрүүдө шайлоо алдындагы үгүт жүргүзүүнүн тартиби жөнүндө“ жобого өзгөртүүлөрдү киргизүү жөнүндө» токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2020-жылдын 12-марты № 72 Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 20-октябрындагы № 161 токтому менен бекитилген "Жергиликтүү кеңештеринин депутаттарын шайлоону өткөрүүдө шайлоо алдындагы үгүт жүргүзүүнүн тартиби жөнүндө" жобого өзгөртүүлөрдү киргизүү жөнүндө "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7, 18-беренелерин, "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 22-28-беренелерин жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясынын ченемдик укуктук актыларын 2019-жылдын 8-августундагы № 117 "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамына ылайык келтирүү максатында, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Кыргыз Республикасынын Шайлоо жана референдум өткөрүү боюнча борбордук комиссиясынын 2016-жылдын 20-октябрындагы № 161 токтому менен бекитилген "Жергиликтүү кеңештеринин депутаттарын шайлоону өткөрүүдө шайлоо алдындагы үгүт жүргүзүүнүн тартиби жөнүндө" жобого төмөнкүдөй өзгөртүүлөр киргизилсин:

1) 1.2-пунктта "шайлоо тутумуна жана" деген сөздөр алып салынсын;

2) 1.4-пункт төмөнкүдөй редакцияда баяндалсын:

"1.4. Ушул Жободо төмөнкү терминдер пайдаланылат: үгүт материалдары - шайлоо алдындагы үгүт белгилерин камтыган жана шайлоо өнөктүгүнүн жүрүшүндө көпчүлүккө таратууга, элге жарыялоого арналган басылма, укма-көрмө жана башка материалдар; билборд - термин жолдордун, көчөлөрдүн боюна орнотулуучу тышкы жарнакты жайгаштыруу үчүн пайдаланылат. Щит тирөөчкө бекитилген алкактан турат; брошюра - катуу мукабасыз, тышында талапкер, талапкерлердин тизмесин көрсөткөн саясий партия жөнүндө толук маалыматтар камтылган, көлөмү 4 беттен жогору, бирок 48 беттен көп эмес тексттик китептик басылма; буклет - конкреттүү түрү менен аныкталбаган, бирок жалпы мүнөздөмөсү бар, көп полосалуу (басма полосасы - анда маалыматтар жайгаштырылган бет, 1 бүктөм менен 4 полосалуу басылма болуп саналат) басылма продукциясынын категориясы; дискуссия - чогулушта, басылмада, оппонент менен баарлашууда кандайдыр бир маселелерди көпчүлүк алдында талкуулоо; шайлоочу - активдүү шайлоо укугуна ээ болгон жана тиешелүү администрациялык-аймактык бирдиктин шайлоочуларынын тизмесине киргизилген жергиликтүү жамааттын мүчөсү; ден соолугунун мүмкүнчүлүктөрү чектелүү шайлоочулар - жалпы угуусунун, көрүүсүнүн, таяныч-кыймыл аппаратынын функцияларынын бузулушунан ачык көрүнгөн турмуш-тиричилигин чектөөгө алып келген ооруулар, жаракаттардын же кемтиктердин кесепети менен шартталган, организмдин функцияларында туруктуу бузулушу бар ден соолугу бузулган, жалпы шартта активдүү шайлоо укугуна ээ Кыргыз Республикасынын жарандары; шайлоону маалыматтык камсыз кылуу - шайлоочуларды кабарландыруу жана жарандардын өз эркин аң-сезимдүү билдирүүсүнө, шайлоонун айкындуулугуна көмөктөшүүчү шайлоо алдындагы үгүт; интернет - маалыматты сактоо жана берүү үчүн глобалдык (бүткүл дүйнөлүк) компьютердик тарам (бириккен компьютердик тарамдардын тутуму); интернет-басылма - эгерде интернет-басылмага кирүүчүлөрдүн саны суткасына 500 уникалдуу кирүүчүдөн же айына 1000 уникалдуу кирүүчүдөн ашса, социалдык тарамдардагы интернет-блогдордон жана жеке адамдардын персоналдык барактарынан тышкары, жаңылыктык, маалыматтык-талдоочулук, көңүл ачуучулук жана башкача мүнөздөгү материалдарды камтыган, Кыргыз Республикасында администрацияланган (модернизацияланган) же Кыргыз Республикасынын жарандары жана (же) юридикалык жактары ээлик кылуучулары болуп саналган, интернет тарамына кирүүчүлөрдүн эркин кирүүсүнө мүмкүнчүлүк берген интернет сайт (портал, форум); талапкер - мыйзамда белгиленген тартипте жергиликтүү кеңештин депутатынын кызматын шайлоо аркылуу ээлөөгө талапкер катары көрсөтүлгөн адам; катталган талапкер - шайлоо аркылуу жергиликтүү кеңештин депутатынын кызмат ордун ээлөө үчүн талапкер катары тиешелүү шайлоо комиссиясында катталган, Конституцияда жана мыйзамда белгиленген талаптарга ылайык келген адам; баракча - саясий-үгүттүк же маалыматтык адабияттын түрү; плакат - үгүт, жарнамалык, маалыматтык же окуу максаттарында жасалган кыска текст менен коштолгон ири форматтуу жазылма; шайлоо алдындагы үгүт - Кыргыз Республикасынын жарандарынын, талапкерлердин, талапкерлердин ыйгарым укуктуу өкүлдөрүнүн жана ишенимдүү адамдарынын, саясий партиялардын тигил же бул талапкерлер (талапкерлердин тизмелери) үчүн же болбосо аларга каршы добуш берүүгө шайлоочуларды түртүү же түрткү берүү максаты бар шайлоо өнөктүгүнүн менчигиндеги маалымат даярдоо жана таратуу боюнча иши; шайлоо алдындагы штаб - талапкердин, саясий партиянын эң мыкты натыйжаларына жетишүү милдети менен бириккен адамдардын убактылуу жамааты, ошондой бул жамааттын негизги жайгашкан орду; дебаттар - эки жана андан көп талапкердин, саясий партиялардын тизмесинен талапкерлердин ар түрдүү коомдук маанилүү, анын ичинде жарыяланган шайлоо алдындагы программаларга тиешелүү маселелер боюнча көпчүлүк алдында пикир алмашуусу; диний ишмер - Кыргыз Республикасындагы дин тутуу эркиндиги жана диний уюмдар жөнүндө мыйзамдарга ылайык диний ишти жүргүзгөн адам; дин кызматкери - тиешелүү диний уюм (бирикме) тарабынан диний, имамдык, пасторлук, үгүттөөчүлүк кызматын кылууга ыйгарым укук берилген адам; юбилейлик иш-чара - элдин жана мамлекеттин турмушундагы өзгөчө маанилүү тарыхый окуяларды, элдин, мамлекеттин, адам заттын алдында өзгөчө эмгек сиңирген адамдардын туулган күндөрүн (юбилейлик жылда) майрамдоо менен байланышкан иш-чара. Юбилейлик иш-чараларга төмөнкүлөр: юбилейди майрамдоо менен байланышкан салтанаттуу чогулуштар, конференциялар, майрамдык жүрүштөр, демонстрациялар, концерттер, конкурстар, мелдештер жана башка иш-чаралар кирет.";

3) 2.5-пунктта:

- төртүнчү абзацта "көпчүлүк алдындагы" деген сөздөр алып салынсын,

- алтынчы, жыйырманчы, жыйырма биринчи, жыйырма экинчи, жыйырма үчүнчү, жыйырма төртүнчү абзацтар күчүн жоготту деп таанылсын,

- жыйырма бешинчи абзац төмөнкүдөй редакцияда баяндалсын:

"Өзүнчө катары "Интернет" түйүнүн, интернет-басылманы пайдалануу менен үгүт жүргүзүүнү бөлүп көрсөтүүгө болот. Бул учурда, мыйзам менен белгиленген үгүт жүргүзүүнүн жалпы эрежелер сакталууга тийиш.";

4) 2.6-пункт төмөнкүдөй редакцияда баяндалсын:

"2.6. Үгүт жүргүзүүгө, кандай болбосун үгүт материалдарын чыгарууга жана таркатууга укуксуз:

- мамлекеттик жарандык жана муниципалдык кызматчылар;

- Жогорку Кеңештин депутаттарын кошпогондо, мамлекеттик саясий кызмат орундарын ээлеген адамдар;

- жергиликтүү кеңештердин депутаттарын кошпогондо, атайын мамлекеттик жана саясий муниципалдык кызмат орундарын ээлеген адамдар;

- шайлоо комиссияларынын мүчөлөрү;

- байкоочулар;

- эл аралык байкоочулар;

- диний ишмерлер;

- кайрымдуулук иштер менен алектенишкен уюмдардын уюштуруучулары жана мүчөлөрү;

- 18 жашка толо элек адамдар;

- чет элдик жарандар жана уюмдар;

- жарандыгы жок адамдар.";

5) 2-бөлүм төмөнкүдөй редакциядагы 2.7.1-пункт менен толукталсын:

"2.7.1. Талапкерлер жана саясий партиялар тийиштүү шайлоо комиссиясында талапкер, талапкерлердин тизмелери катталган күндөн тартып 5 календардык күндөн кечиктирбестен тийиштүү шайлоо комиссиясына программаларын берет. Борбордук шайлоо комиссиясы талапкердин, саясий партиялардын программаларын расмий сайтта жарыялайт.";

6) 2.8-пункт күчүн жоготту деп таанылсын;

7) 2.9-пункт төмөнкүдөй редакцияда баяндалсын:

"2.9. Талапкерлердин, саясий партиялардын штабдары жайгашылган имараттарда жана жайларда талапкерлердин, саясий партиялардын аталыштарын (толук, кыскартылган же аббревиатураларын), эмблемаларын, логотиптерин, төш белгилерин, желегин, девиздерин жана/же башка атрибуттарын (символикаларын) жайгаштыруу шайлоо алдындагы үгүт болуп саналбайт.";

8) 3.2-пункт төмөнкүдөй редакцияда баяндалсын:

"3.2. Мамлекеттик же муниципалдык менчиктеги, мамлекеттик ишканалардын, мекемелердин жана уюмдардын балансында турган жайлар талапкерлер, саясий партиялардын өкүлдөрү, алардын ишенимдүү адамдары, ыйгарым укуктуу өкүлдөрү үчүн шайлоочулар менен жолугушуусу үчүн бирдей шарттарда берилет.";

9) 3.3-пункт төмөнкүдөй редакцияда баяндалсын:

"3.3. Шайлоочулар менен жолугушууларды өткөрүү үчүн мамлекеттик жана муниципалдык менчиктеги жайларды бөлүп берүү жөнүндө талапкерлердин, саясий партиялардын арыздары мамлекеттик бийлик органдары жана жергиликтүү өз алдынча башкаруу органдары тарабынан алар берилген күнү каралат. Шайлоочулар менен жолугушуулар үчүн талапкерге, саясий партияга жайларды бөлүп берүүдөн баш тартылган учурда мамлекеттик бийлик жана жергиликтүү өз алдынча башкаруу органдары баш тартуу жөнүндө жүйөөлөштүрүлгөн жазуу жүзүндө чечим берүүгө милдеттүү. Эгерде көрсөтүлгөн жай жапырт иш чараларды өткөрүү үчүн талапкерлердин, саясий партиялардын бирине берилсе, ошол эле жайды башка талапкерге, саясий партияга берүүдөн баш тартууга жол берилбейт.";

10) 3.4-пункттун биринчи абзацында "20" деген сан "35" деген санга алмаштырылсын, "участкасынын аймагында" деген сөздөр "участкасында" деген сөзгө алмаштырылсын, "берүүгө жана" деген сөздөрдөн кийин "жабдууга" деген сөз менен толукталсын;

11) 3.5-пункт төмөнкүдөй редакцияда баяндалсын:

"3.5. Укук коргоо органдары жана башка органдар укукка каршы үгүт ишине бөгөт коюу, жасалма жана мыйзамсыз даярдалган басылма, көрмө-укма жана башка үгүт материалдарын жасоону болтурбоо жана аларды алып коюу боюнча, ошондой эле көрсөтүлгөн материалдарды жасоочуларды жана аларга акы төлөөнүн булактарын аныктоо боюнча чараларды көрүүгө, ошондой аныкталган фактылар жана көрүлгөн чаралар жөнүндө тиешелүү шайлоо комиссияларына, референдумдун комиссияларына токтоосуз билдирүүгө милдеттүү.";

12) 3.6-пунктта:

- биринчи сүйлөмдөгү "сакталышын контролдойт" деген сөздөр "сакталышына контролдук кылат жана жол берилеген бузууларды четтетүү боюнча чараларды көрөт" деген сөздөргө алмаштырылсын;

- экинчи сүйлөм ушул пунктун экинчи абзацы болуп саналсын;

13) 3.9-пункт төмөнкүдөй редакцияда баяндалсын:

"3.9. Мамлекеттик же муниципалдык менчиктеги, мамлекеттик ишканалардын, мекемелердин жана уюмдардын балансында турган жайлар талапкерлер, саясий партиялардын өкүлдөрү, алардын ишенимдүү адамдары, ыйгарым укуктуу өкүлдөрү үчүн шайлоочулар менен жолугушуусу үчүн бирдей шарттарда берилет.";

14) 3.11-пункт төмөнкүдөй редакцияда баяндалсын:

"3.11. Талапкер, саясий партия, ошондой эле алардын өкүлдөрү, жалпыга маалымдоо каражаттары, интернет-басылма шайлоо алдындагы үгүт эрежелерин бузган учурда шайлоо комиссиясы, шайлоочу, талапкер, саясий партия, ошондой эле алардын өкүлдөрү, жалпыга маалымдоо каражаттары, интернет-басылма укукка каршы үгүт ишин токтотуу жана күнөөлүү адамдарды Кыргыз Республикасынын мыйзамдарында белгиленген тартипте жоопкерчиликке тартуу жөнүндө укук коргоо органдарына, сотко сунуштама менен кайрылууга укуктуу.";

15) 3.13-пункт төмөнкүдөй редакцияда баяндалсын:

"3.13. Талапкер, саясий партия шайлоо алдындагы үгүт жүргүзүү эрежелерин бир нече жолу (эки же андан көп жолу) бузган учурда, тийиштүү шайлоо комиссиясы аларды Кыргыз Республикасынын Бузуулар жөнүндө кодексине ылайык жоопкерчиликке тартууга укуктуу.";

16) 4.6-пункт төмөнкүдөй мазмундагы экинчи, үчүнчү, төртүнчү абзацтар менен толукталсын:

"Шайлоо алдындагы үгүттү жүргүзүүдө жалпыга маалымдоо каражаттарынын эркиндиги менен кыянаттык менен пайдаланууга жол берилбейт:

- жалпыга маалымдоо каражаттарында чагылдыруу менен башка мамлекеттердин мамлекеттик жана саясий ишмерлери менен эл алдында иш-чараларды өткөрүүгө;

- башка мамлекеттердин мамлекеттик жана саясий ишмерлеринин сүрөтүн пайдалануу менен фото жана көрмө материалдарды пайдаланууга.";

17) 5.3-пунктта:

- биринчи абзац төмөнкүдөй редакцияда баяндалсын:

"5.3. Бөлүнгөн эфирдик убакыттын жалпы көлөмүнүн кеминде жарымы талапкерлерге, талапкерлердин тизмесин көрсөткөн саясий партияларга дебаттарды жана башка ушундай үгүт иш-чараларын биргелешип өткөрүү үчүн гана каралат. Акысыз эфирдик убакыттын ушул үлүшүн пайдаланууга бардык талапкерлерге, саясий партияларга бирдей негиздерде жол берилүүгө тийиш.",

- экинчи абзацта "ыйгарым укуктуу өкүлдөрү, ишенимдүү адамдары аркылуу катыша алат" деген сөздөр "катталган талапкерлердин тизмесинен талапкер аркылуу катыша алат";

- үчүнчү абзацта "өкүлү" деген сөз "тизмесиндеги талапкер" деген сөзгө алмаштырылсын, ", анын ичинде, эгерде көрсөтүлгөн иш-чарага бир гана катышуучу катыша алган учурда" деген сөздөр "үчүн" деген сөзгө алмаштырылсын;

- бешинчи абзац төмөнкүдөй редакцияда баяндалсын:

"Биргелешкен үгүт иш-чараларына катышуудан баш тартуу же келбей коюу эфирдик убакытты берүүгө алып келбейт.";

18) 5.5-пунктта:

- биринчи абзацта "дебаттарды, "тегерек столдорду" жүргүзүүнүн" деген сөздөр "дебаттардын жана ушул сыяктуу үгүт жүргүзүү иш-чараларынын" деген сөздөргө алмаштырылсын;

- пунктун текстинде "(катышуучулары)" жана "тегерек столдун" деген сөздөр алып салынсын,

- онунчу абзацта "анын ичинде катышып отурган адамдарга" деген сөздөр алып салынсын;

19) 5-бөлүм төмөнкүдөй мазмундагы 5.5.1-пункт менен толукталсын:

"5.5.1. Катталган талапкер, талапкерлердин тизмесин көрсөткөн саясий партия үгүт үчүн берилген телеберүүнү жүргүзгөн уюмдардын каналдарында аларга үгүт материалдарын жайгаштыруу үчүн берилген эфирдик убакытты, басылма продукцияларды, аянттарды төмөнкү максаттарда колдонууга укугу жок:

1) талапкерге (талапкерлерге), саясий партияга каршы добуш берүүгө чакырыктарды таратууга;

2) бул же тигил талапкер, саясий партиянын талапкерлеринин тизмеси шайланган учурда мүмкүн болуучу терс кесепеттерди сүрөттөөгө;

3) кайсы-бир талапкер (кайсы-бир талапкерлер), катталган талапкерди көрсөткөн саясий партия жөнүндө маалыматтар терс баяндамалар менен ачык эле басымдуулук кылган маалыматты таратууга;

4) талапкерге, катталган талапкерди көрсөткөн саясий партияга карата шайлоочулардын терс мамилесин түзүүгө өбөлгө болгон маалыматты таратууга.";

20) 5.7-пункт төмөнкүдөй мазмундагы экинчи жана үчүнчү абзацтар менен толукталсын:

"Тиешелүү шайлоо комиссиясы чүчүкулак өткөрүү күнүнө чейин 3 календардык күндөн кечиктирбестен катталган талапкерлерге, талапкерлердин тизмелерин көрсөткөн саясий партияларга чүчүкулак өткөрүү күнү, убактысы жана орду жөнүндө билдирет жана акысыз эфир убактысын жана басма аянтты алуу үчүн чүчүкулакка катышууга алардан келип түшкөн табыштамаларды каттайт. Катталган талапкерлердин, саясий партиялардын шайлоо алдындагы үгүт материалдарын, биргелешкен үгүт иш-чараларын мамлекеттик телерадио уюмдарынын каналдарында акысыз негизде эфирге чыгуу күнүн жана убактысын аныктаган чүчүкулакты тийиштүү телерадио уюмдарынын өкүлдөрүнүн катышуусу менен тийиштүү шайлоо комиссиясы өткөрөт. Чүчүкулак талапкерлерди каттоо аяктагандан кийин, бирок добуш берүү күнүнө чейин 25 күндөн кечиктирбестен, ал эми кайталап добуш берүүнү өткөрүү - кайталап добуш берүү дайындалган күндөн бир күн өткөндөн кийин жүргүзүлөт. Чүчүкулактын натыйжалары протокол менен таризделет. Чүчүкулактын натыйжасында аныкталган эфирдик убакытты бөлүштүрүү графиги шайлоо комиссиясынын чечими менен бекитилет жана тийиштүү түрдө мамлекеттик мезгилдүү басылмаларда жарыяланат.";

21) 5.10-пункт төмөнкүдөй мазмундагы экинчи абзац менен толукталсын:

"Шайлоо өнөктүгүнүн мезгилинде талапкерлердин аты-жөнүн же сүрөтүн пайдалануу менен коммерциялык жана шайлоо менен байланышпаган башка ишмердүүлүктүн жарнагын, ошондой эле талапкерлерди көрсөткөн саясий партиялардын аталышын, эмблемаларын жана башка символикаларын пайдалануу менен жарнаманы төлөө тиешелүү шайлоо фондунун каражаттарынын эсебинен гана жүргүзүлөт. Добуш берүү күнү жана добуш берүү күнүнөн мурунку күнү мындай жарнамага, анын ичинде шайлоо фондунун каражаттарынын эсебинен төлөнгөн жарнамага жол берилбейт.";

22) 7.2-пунктунда "көпчүлүк алдындагы" деген сөздөр алып салынсын;

23) 7.3-пункттун биринчи абзацы төмөнкүдөй редакцияда баяндалсын:

"7.3. Мамлекеттик же муниципалдык менчиктеги, мамлекеттик ишканалардын, мекемелердин жана уюмдардын балансында турган жайлар талапкерлер, саясий партиялардын өкүлдөрү, алардын ишенимдүү адамдары, ыйгарым укуктуу өкүлдөрү үчүн шайлоочулар менен жолугушуусу үчүн бирдей шарттарда берилет.";

24) 7.5-пункт күчүн жоготту деп таанылсын;

25) 7.6-пункт төмөнкүдөй мазмундагы экинчи абзац менен толукталсын:

"Чет мамлекеттердин саясий жана мамлекеттик ишмерлери менен көпчүлүк катышкан иш-чараларды жалпыга маалымдоо каражаттарында чагылдыруу менен өткөрүүгө жана башка мамлекеттердин мамлекеттик жана саясий ишмерлеринин сүрөттөрүн пайдалануу менен фото жана көрмө материалдарды пайдаланууга тыюу салынат.";

26) 8.1-пунктта:

- "алардын көчүрмөлөрү" деген сөздөрдөн кийин "аларды таратып баштаганга чейин" деген сөздөр менен толукталсын;

- төмөнкүдөй мазмундагы экинчи абзац менен толукталсын:

"Талапкерлер, саясий партиялар шайлоо алдындагы үгүт материалдарын сурдокотормону же субтитрди колдонуп, окууга ыңгайлуу чоңойтулган шрифт менен басылып, ошондой эле ден соолугунун мүмкүнчүлүктөрү чектелген шайлоочулар үчүн Брайль шрифтин же башка атайын каражаттарын пайдалануу менен үгүт материалдарынын жалпы нускасынын санынын бир пайызынан кем эмес санда басып чыгарууга жана таркатууга милдеттүү.";

27) 8.2-пункт төмөнкүдөй редакцияда баяндалсын:

"8.2. Бардык басылма жана башка үгүт материалдары үгүт материалдарын даярдаган уюмдун аталышын жана дарегин (адамдын фамилиясын, атын, атасынын атын жана жашаган жеринин дарегин), бул үгүт материалдарын даярдоону заказ кылган жактын фамилиясын, аты-жөнүн (уюмдун, жеке ишкердин аталышын), алардын нускасы жана чыгаруу датасы жөнүндө маалыматты, алардын жасалышына тиешелүү шайлоо фондунун каражаттарынан төлөө жөнүндө маалыматты, ошондой эле заказга акы төлөгөн талапкердин, саясий партиянын ыйгарым укуктуу өкүлүнүн фамилиясын, атын, атасынын атын камтууга тийиш. Көрсөтүлгөн маалыматтарды камтыбаган үгүт материалдарын таркатууга тыюу салынат. Шайлоо алдындагы үгүт материалдарын тиешелүү шайлоо фондунан алдын апа акысыз жана ушул беренеде белгиленген талаптарды бузуу менен даярдоого тыюу салынат. Ушул пункттун талаптарын бузуу менен жасалган үгүт материалдарын таркатууга тыюу салынат. Тышкы үгүт материалдарын жайгаштырууда талапкерлер, саясий партиялар аны жайгаштырганга чейин тышкы үгүт материалынын түрүн жана аны жайгаштыруу болжолдонгон орундун так дарегин көрсөтүү, үгүт материалынын үлгүлөрүн жана эскиздерин тиркөө менен тиешелүү шайлоо комиссиясына жазуу жүзүндө арыз берүүгө милдеттүү.";

28) 8.3-пункт төмөнкүдөй редакцияда баяндалсын:

"8.3. Жергиликтүү өз алдынча башкаруу органдары шайлоо дайындалган күндөн тартып 35 календардык күндүн ичинде ар бир шайлоо участкасында үгүт материалдарын илүү үчүн атайын орундарды берүүгө жана жабдууга милдеттүү. Талапкерлерге, саясий партияларга мындай материалдарды жайгаштыруу үчүн тең шарттар камсыз кылынууга тийиш. Мындай үгүт материалдарды жайгаштыруу үчүн орундар шайлоочулардын келип-кетүүсүнө ыңгайлуу болушу керек жана шайлоочулар аларда жайгаштырылган маалыматтар менен тааныша алгыдай жайгашууга тийиш. Катталган талапкерлерге, талапкерлердин тизмелерине шайлоо алдындагы басылма үгүт материалдарын жайгаштыруу үчүн бирдей аянттар берилүүгө тийиш. Бөлүнгөн орундардын аянты аларда шайлоо комиссияларынын маалыматтык материалдарын жана талапкерлердин шайлоо алдындагы басылма үгүт материалдарын жайгаштыруу үчүн жетиштүү болууга тийиш. Талапкерлер, саясий партиялар тийиштүү аймактык шайлоо комиссияларынан шайлоо алдындагы басылма үгүт материалдарын жайгаштыруу үчүн бөлүнгөн орундардын тизмесин алууга укуктуу.";

29) 8.8-пункт күчүн жоготту деп таанылсын;

30) 9.1-пунктта "сакталышын көзөмөлдөйт" деген сөздөр "сакталышына контролдук кылат жана кетирилген бузууларды четтетүү боюнча чараларды кабыл алат" деген сөздөргө алмаштырылсын;

31) 9.2-пункт:

- "согушту үгүттөөгө;" деген сөздөрдөн кийин "чет мамлекеттердин саясий жана мамлекеттик ишмерлери менен көпчүлүк катышкан иш-чараларды жалпыга маалымдоо каражаттарында чагылдыруу менен өткөрүүгө;" деген сөздөр менен толукталсын;

- төмөнкүдөй мазмундагы он үчүнчү абзац менен толукталсын:

"Ыйгарым укуктуу мамлекеттик органдын корутундусу (акты) менен ырасталган шайлоо алдындагы үгүт жүргүзүү эрежелери бузулган учурда Борбордук шайлоо комиссиясы тиешелүү шайлоо комиссиясынын сунуштамасы, же болбосо өз демилгеси боюнча талапкерди, талапкерлердин тизмесин каттоону жокко чыгаруу жөнүндө чечим кабыл алууга укуктуу.";

32) 9.3-пунктта:

- биринчи абзац төмөнкүдөй редакцияда баяндалсын:

"9.3. Шайлоо дайындалган учурдан тартып шайлоочуларды сатып алууну жүзөгө ашырууга: шайлоочуларга акча каражаттарын төлөп берүүгө; шайлоочуларга белектерди жана башка материалдык баалуулуктарды тапшырууга; товарларды жеңилдетилген баада сатууга; талапкерлердин тизмесин көрсөткөн саясий партиянын символун, Борбордук шайлоо комиссиясы тарабынан бекитилген тизмеге ылайык талапкердин сүрөтүн камтыган басылма үгүт материалдарын, төш белгилерди, футболкаларды, баш кийимдерди, моюн орогучтарды кошпогондо, ар кандай товарларды акысыз таркатууга; акысыз же жеңилдетилген шартта кызмат көрсөтүүгө тыюу салынат.",

- экинчи абзацта "(КР КЖК 140-берене)." деген сөздөр "(КР КЖК 192-берене)." деген сөздөргө алмаштырылсын;

33) 9.7-пункт төмөнкүдөй редакцияда баяндалсын:

7. Талапкерлер, алардын өкүлдөрү, саясий партиялардын өкүлдөрү, жалпыга маалымдоо каражаттары, башка жактар шайлоо алдындагы өнөктүккө катышуу менен жалган маалыматтарга негизделген жана талапкерлердин, саясий партиялардын абийирине, ар-намысына же иштиктүү беделине зыян келтирүүчү жарыялоолорго жол берүүгө укуксуз. Мындай жарыялоолорго жол берген жалпыга маалымдоо каражаттар, интернет-басылмалар талапкердин, саясий партиянын талабы боюнча төгүндөөнү жарыялоого же чындыкка ылайык келбеген же аны бурмалаган макалага же билдирүүлөргө түшүндүрмө жарыялоого милдеттүү. Төгүндөө же түшүндүрмө мезгилдүү басылмаларда - кийинки санында, интернет-басылмаларда - төгүндөө же түшүндүрмө келип түшкөн күнү, телекөрсөтүү же радио аркылуу - төгүндөө же түшүндүрмө келип түшкөн күндөн кийинки күндөгү чыгарылышында төгүндөө же түшүндүрмө берилип жаткан маалымат басылган ошол эле тилкеде, ошол электрондук аянтта жана ошол эле шрифт менен берилет.

Төгүндөөнү же башка түшүндүрмөнү жарыялоо үчүн талапкерге, саясий партияга алгачкы маалымат жарыяланган сутканын убактысында эфирдик убакыт берилүүгө тийиш жана анын көлөмү алгачкы маалыматты баяндоого берилген эфирдик убакыттын көлөмүнөн аз, бирок эки минутадан кем болбоого тийиш. Талапкерге, саясий партияга шайлоо алдындагы үгүттүн мөөнөтү бүткөнгө чейин талапкердин, саясий партиянын кадыр-баркына зыян келтирген маалымат жарыяланган жалпыга маалымдоо каражаттарында, интернет-басылмаларда алардын беделин коргоо иретинде төгүндөө же башка түшүндүрмөлөрдү ушул пунктта белгиленген мөөнөттөрдө жарыялоого мүмкүнчүлүк бербөө ошол жалпыга маалымдоо каражаттарын, интернет-басылмаларын мыйзамдарга ылайык жоопкерчиликке тартуу жана тиешелүү аймактык шайлоо комиссиясынын аккредитациясынан ажыратуу үчүн негиз болуп саналышы мүмкүн.";

34) 9.9-пункт төмөнкүдөй редакцияда баяндалсын:

"9.9. Шайлоо комиссиялары шайлоо алдындагы үгүттү жүргүзүүнүн белгиленген тартибинин сакталышына контролдук кылат жана жол берилеген бузууларды четтетүү боюнча чараларды көрөт. Талапкер, саясий партиялар шайлоолор жөнүндө мыйзамда белгиленген талаптарды бузган учурда тиешелүү шайлоо комиссиясы аларга бузуу жөнүндө жазуу жүзүндө эскертүү берүүгө укуктуу. Талапкер, саясий партия шайлоо алдындагы үгүт жүргүзүү эрежелерин бир нече жолу (эки же андан көп жолу) бузган учурда тийиштүү шайлоо комиссиясы аларды Кыргыз Республикасынын мыйзамдарына ылайык жоопкерчиликке тартууга укуктуу. Жалган басылма, көрмө-укма жана башка үгүт материалдарын таркаткан жана Мыйзамдын талаптарын бузуу менен басма, көрмө-укма жана башка үгүт материалдарын тараткан учурда, ошондой эле Мыйзам менен белгиленген шайлоо алдындагы үгүт жүргүзүү тартибин телерадиоберүү уюму, мезгилдүү басылмалардын редакциялары, тармактык басылманын редакциясы бузган учурда, шайлоо комиссиялары укук коргоо органдарына, сотко, жалпыга маалымдоо каражаттары, анын ичинде электрондук жана массалык коммуникациялар, маалыматтык технологиялар жана байланыш чөйрөсүндө контролдоо жана көзөмөлдөө функцияларын жүзөгө ашырган аткаруу бийлигинин органына укукка каршы үгүт ишине бөгөт коюу, мыйзамсыз үгүт материалдарын алып коюу жана телерадиоберүү уюмун, мезгилдүү басылманын редакциясын, тармактык басылманын редакциясын, алардын кызмат адамдарын, ошондой эле башка адамдарды мыйзамдарга ылайык жоопкерчиликке тартуу жөнүндө сунуш менен кайрылууга милдеттүү.";

35) 10.2-пунктунда "шайлоо алдындагы үгүт жүргүзүү эрежелеринин сакталышын контролдоо боюнча" деген сөздөр алып салынсын;

36) 10.3-пункт төмөнкүдөй мазмундагы экинчи абзац менен толукталсын:

"Катталган талапкерлерге, катталган талапкерлерди көрсөткөн саясий партияларга эфирдик убакытты, басма аянтты берген телерадио уюмдар жана мезгилдүү басылмалардын редакциялары (менчигинин түрүнө карабастан) Борбордук шайлоо комиссиясы тарабынан белгиленген эсепке алууну жүргүзүүнүн формаларына жана тартибине ылайык алардын көлөмүн жана наркын эсепке алууга милдеттүү. Бул эсепке алуунун маалыматтары шайлоо алдындагы үгүт мезгилинде ар бир 10 күндө жана добуш берүү күнүнөн кийин 10 күндүк мөөнөттө Борбордук шайлоо комиссиясына берилиши керек.".

37) Жобо тиркемеге ылайык № 1-5 формалар менен толукталсын.

2. Ушул токтом "Эркин-Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

3. Ушул токтомдун аткарылышын контролдо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Г.Бекматовго жүктөлсүн.

Төрага

Н. Шайлдабекова

БШКнын 2020-жылдын 12-мартындагы №72-токтомуна тиркеме № 1-Форма

(шайлоонун аталышы) шайлоо боюнча шайлоо өнөктүгүнүн мезгилинде катталган талапкерлерге, талапкерлердин тизмесин көрсөткөн саясий партияларга

(телерадиоберүү уюмунун аталышы) тарабынан берилген бекер эфир убактысынын көлөмдөрү жөнүндө ЖЫЙЫНДЫ МААЛЫМАТ

20 жылдын « »_ карата абал боюнча

Катар номери

Катталган талапкердин фамилиясы, аты-жөнү (саясий партиянын аталышы)

Шайлоо алдында үгүт жүргүзүү формасы1

Эфирге чыгуу датасы жана убактысы

Иш жүзүндө берилген эфир убактысынын көлөмү, мин., сек.

Келишим түзүү датасы жана номери

1

2

3

4

5

6

Жалпысы2

Бардыгы

Телерадиоберүү уюмунун жетекчиси

(Фамилиясы, аты-жөнү) (кол тамгасы)

Телерадиоберүү уюмунун башкы бухгалтери

М.О.

_ (Фамилиясы, аты-жөнү) (кол тамгасы)

1 Шайлоо алдында үгүт жүргүзүү формалары: дебаттар, дискуссия, интервью, чыгып сүйлөгөн сөздөр, телеочерк, видеофильм, башка мыйзам менен тыюу салынбаган формалар 2 Ар бир катталган талапкер, саясий партия боюнча толтурулат

№ 2-Форма

(шайлоонун аталышы) шайлоо боюнча шайлоо өнөктүгүнүн мезгилинде катталган талапкерлерге, талапкерлердин тизмесин көрсөткөн саясий партияларга

(телерадиоберүү уюмунун аталышы) тарабынан берилген бекер эфир убактысынын көлөмдөрү жөнүндө ЖЫЙЫНДЫ МААЛЫМАТ

20 жылдын « » карата абал боюнча

Катар номери

Катталган талапкердин фамилиясы, аты-жөнү (саясий партиянын аталышы)

Шайлоо алдында үгүт жүргүзүү формасы1

Эфирге чыгуу датасы жана убактысы

Иш жүзүндө берилген эфир убактысынын көлөмү, мин., сек.

Берилген эфир убактысынын иш жүзүндөгү баасы

Акы төлөөнү тастыктаган документ (төлөм тапшырыгынын датасы, номери)

1

2

3

4

5

6

7

Жалпысы2

Бардыгы

Телерадиоберүү уюмунун жетекчиси

_

(Фамилиясы, аты-жөнү) (кол тамгасы) Телерадиоберүү уюмунун башкы бугхалтери

М.О.

_ (Фамилиясы, аты-жөнү) (кол тамгасы)

1 Шайлоо алдында үгүт жүргүзүү формалары: дебаттар, дискуссия, интервью, чыгып сүйлөгөн сөздөр, телеочерк, видеофильм, башка мыйзам менен тыюу салынбаган формалар 2 Ар бир катталган талапкер, саясий партия боюнча толтурулат

№ 3 -Форма

(шайлоонун аталышы) шайлоо боюнча шайлоо өнөктүгүнүн мезгилинде катталган талапкерлерге, талапкерлердин тизмесин көрсөткөн саясий партияларга

(телерадиоберүү уюмунун аталышы) тарабынан берилген бекер басма аянтынын көлөмдөрү жөнүндө ЖЫЙЫНДЫ МААЛЫМАТ

20 жылдын « »_ карата абал боюнча

Катар номери

Катталган талапкердин фамилиясы, аты-жөнү (саясий партиянын аталышы)

Шайлоо алдында үгүт жүргүзүү материалын жарыялоо датасы жана мезгилдүү басылманын номери

Шайлоо алдында үгүт жүргүзүү материалынын аталышы

Иш жүзүндө берилген басма аянтынын көлөмү, кв,см

Нускасы, экз.

1

2

3

4

5

6

Жалпысы1

Бардыгы

Телерадиоберүү уюмунун жетекчиси

_

(Фамилиясы, аты-жөнү) (кол тамгасы) Телерадиоберүү уюмунун башкы бугхалтери

_ (Фамилиясы, аты-жөнү) (кол тамгасы)

М.О.

1 Ар бир катталган талапкер, саясий партия боюнча толтурулат

(шайлоонун аталышы)

1 Шайлоо алдында үгүт жүргүзүү формалары: дебаттар, дискуссия, интервью, чыгып сүйлөгөн сөздөр, телеочерк, видеофильм, башка мыйзам менен тыюу салынбаган формалар 2 Ар бир катталган талапкер, саясий партия боюнча толтурулат

№ 4-Форма

шайлоо боюнча шайлоо өнөктүгүнүн мезгилинде катталган талапкерлерге, талапкерлердин тизмесин көрсөткөн саясий партияларга

(телерадиоберүү уюмунун аталышы) тарабынан берилген акы төлөнүүчү басма аянтынын көлөмдөрү жана баасы жөнүндө ЖЫЙЫНДЫ МААЛЫМАТ

20 жылдын « »_ карата абал боюнча

Катар номери

Катталган талапкердин фамилиясы, аты-жөнү (саясий партиянын аталышы)

Шайлоо алдында үгүт жүргүзүү материалын жарыялоо датасы жана мезгилдүү басылманын номери

Иш жүзүндө берилген басма аянтынын көлөмү, кв,см

Иш жүзүндө берилген басма аянтынын баасы

Нускасы, экз.

Акы төлөөнү тастыктаган документ (төлөм тапшырыгынын датасы, номери)

1

2

3

4

5

6

8

Жалпысы1

Бардыгы

Телерадиоберүү уюмунун жетекчиси

_

(Фамилиясы, аты-жөнү) (кол тамгасы) Телерадиоберүү уюмунун башкы бугхалтери

_

(Фамилиясы, аты-жөнү) (кол тамгасы)

М.О.

(шайлоонун аталышы)

1 Шайлоо алдында үгүт жүргүзүү формалары: дебаттар, дискуссия, интервью, чыгып сүйлөгөн сөздөр, телеочерк, видеофильм, башка мыйзам менен тыюу салынбаган формалар 2 Ар бир катталган талапкер, саясий партия боюнча толтурулат

№ 5 - Форма

шайлоо боюнча шайлоо өнөктүгүнүн мезгилинде катталган талапкерлерге, талапкерлердин тизмесин көрсөткөн саясий партияларга

(тармактык басылманын аталышы) тарабынан көрсөтүлгөн тармактык басылмага шайлоо алдында үгүт жүргүзүү материалдарын жайгаштыруу боюнча кызмат көрсөтүүлөрдүн көлөмдөрү жана баасы жөнүндө ЖЫЙЫНДЫ МААЛЫМАТ

20 жылдын « » карата абал боюнча

Катар номери

Катталган талапкердин фамилиясы, аты- жөнү (саясий партиянын аталышы)

Үгүт жүргүзүү материалынын түрү

Үгүт жүргүзүү материалынын аталышы

Үгүт жүргүзүү материалын жайгаштыруу датасы (мезгили)

Жайгаштыруу баасы

Жайгаштырылган үгүт жүргүзүү материалынын тармактык дареги

Акы төлөөнү тастыктаган документ (төлөм тапшырыгынын датасы, номери)

1

2

3

4

5

6

7

8

Жалпысы1

Всего

Телерадиоберүү уюмунун жетекчиси

_

(Фамилиясы, аты-жөнү) (кол тамгасы) Телерадиоберүү уюмунун башкы бугхалтери

_

(Фамилиясы, аты-жөнү) (кол тамгасы)

М.О.