КР Шайлоо жана референдум өткөрүү боюнча борбордук комиссиясынын «Ош облусунун Алай районунун К.Белекбаев атындагы Алай, Чүй облусунун Кемин районунун Кара-Булак, Москва районунун Целинный айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө»токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2019-жылдын 8-майы №58 Ош облусунун Алай районунун К.Белекбаев атындагы Алай, Чүй облусунун Кемин районунун Кара-Булак, Москва районунун Целинный айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 10-апрелиндеги № 45 токтому менен 2019-жылдын 30-апрелине дайындалган Ош облусунун Алай районунун К.Белекбаев атындагы Алай, Чүй облусунун Кемин районунун Кара-Булак, Москва районунун Целинный айыл өкмөттөрүнүн башчыларын шайлоо болуп өттү. Ош облусунун Алай районунун К.Белекбаев атындагы Алай, Чүй облусунун Кемин районунун Кара-Булак, Москва районунун Целинный айыл өкмөттөрүнүн башчыларын шайлоодогу добуш берүүнүн жыйынтыктарына жана шайлоонун натыйжаларына арыз, даттануулар түшкөн жок. Алай, Кемин жана Москва аймактык шайлоо комиссияларынын добуш берүүнүн жыйынтыктары жана шайлоонун натыйжалары тууралуу протоколдорунун негизинде, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7, 18-беренелерине, "Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Алай аймактык шайлоо комиссиясынын К.Белекбаев атындагы Алай айыл өкмөтүнүн башчысын 2019-жылдын 30-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

1.1. Ош облусунун Алай районунун К.Белекбаев атындагы Алай айыл өкмөтүнүн башчысын шайлоо өттү деп табылсын.

1.2. Ош облусунун Алай районунун К.Белекбаев атындагы Алай айыл өкмөтүнүн шайланган башчысы болуп Тажибаев Жумабек Аланович табылсын.

2. Кемин аймактык шайлоо комиссиясынын Кара-Булак айыл өкмөтүнүн башчысын 2019-жылдын 30-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

2.1. Чүй облусунун Кемин районунун Кара-Булак айыл өкмөтүнүн башчысын шайлоо өттү деп табылсын.

2.2 Чүй облусунун Кемин районунун Кара-Булак айыл өкмөтүнүн шайланган башчысы болуп Мамбетказиев Айбек Канатович табылсын.

3. Москва аймактык шайлоо комиссиясынын Целинный айыл өкмөтүнүн башчысын 2019-жылдын 30-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

3.1. Чүй облусунун Москва районунун Целинный айыл өкмөтүнүн башчысын шайлоо өттү деп табылсын.

3.2 Чүй облусунун Москва районунун Целинный айыл өкмөтүнүн шайланган башчысы болуп Жумагулов Мирланбек Жаныбекович табылсын.

4. Алай, Кемин жана Москва аймактык шайлоо комиссиялары шайланган айыл өкмөтүнүн башчыларына белгиленген үлгүдөгү күбөлүктөрдү тапшырсын.

5. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Бекматовго жүктөлсүн.

Төрага

Н. Шайлдабекова