КР Шайлоо жана референдум өткөрүү боюнча борбордук комиссиясынын «2019-жылдын 21-июнунда өткөрүлгөн Талас облусунун Кара-Буура районунун Бейшеке айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө» токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2019-жылдын 5-июлу № 94 2019-жылдын 21-июнунда өткөрүлгөн Талас облусунун Кара-Буура районунун Бейшеке айыл өкмөтүнүн башчысын шайлоодогу добуш берүүнүн жыйынтыгы жана шайлоонун натыйжасы тууралуу протоколдорду бекитүү жөнүндө 2019-жылдын 21-июнунда Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 3-июнундагы № 75 токтому менен дайындалган Талас облусунун Кара-Буура районунун Бейшеке айыл өкмөтүнүн башчысын шайлоо болуп өттү. Добуш берүүнүн жыйынтыгы жана шайлоонун натыйжасы жөнүндөгү протоколдорго ылайык, Бейшеке айыл өкмөтүнүн башчысы кызмат ордуна 2 талапкер катталган - Умарбеков Бакыт Анарбайевич жана Сулайманов Баиш Дайырович. Алар жергиликтүү кеңештин депутаттар тобунан сунушталган. Добуш берүүгө Бейшеке айылдык кеңешиндеги 21 депутат катышкан. Добуш берүүдө Умарбеков Б.А. - 8 добуш, Сулайманов Б.Д. - 11 добуш алган, "бардык талапкерлерге каршы" позициясына - 1 добуш, жараксыз бюллетень - 1. Шайлоонун натыйжасында Сулайманов Б.Д. Бейшеке айыл өкмөтүнүн башчысы болуп шайланды деп табылган. Талас облусунун Кара-Буура районунун Бейшеке айыл өкмөтүнүн башчысын шайлоодогу добуш берүүнүн жыйынтыгына жана шайлоонун натыйжасына арыз, даттануулар түшкөн жок. Кара-Буура аймактык шайлоо комиссиясынын добуш берүүнүн жыйынтыгы жана шайлоонун натыйжасы тууралуу протоколдорунун негизинде, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7, 18-беренелерине, "Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Кара-Буура аймактык шайлоо комиссиясынын Бейшеке айыл өкмөтүнүн башчысын 2019-жылдын 21-июнундагы шайлоодогу добуш берүүнүн жыйынтыгы жана шайлоонун натыйжасы тууралуу протоколдору бекитилсин.

1.1. Талас облусунун Кара-Буура районунун Бейшеке айыл өкмөтүнүн башчысын шайлоо өттү деп табылсын.

1.2. Талас облусунун Кара-Буура районунун Бейшеке айыл өкмөтүнүн шайланган башчысы болуп Сулайманов Баиш Дайырович табылсын.

2. Кара-Буура аймактык шайлоо комиссиясы Бейшеке айыл өкмөтүнүн шайланган башчысына белгиленген үлгүдөгү күбөлүктү тапшырсын.

3. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Г.Бекматовго жүктөлсүн.

Кыргыз Республикасынын Шайлоо жана референдум өткөрүү боюнча борбордук комиссиясынын төрагасы

Н.Шайлдабекова