КР Улуттук банк Башкармасынын «Микрокредиттик компанияларды жана микрокредиттик агенттиктерди түзүү жана алардын иши жөнүндө» Жобону бекитүү тууралуу» токтому

КЫРГЫЗ РЕСПУБЛИКАСЫНЫН УЛУТТУК БАНК БАШКАРМАСЫНЫН ТОКТОМУ 2015-жылдын 9-декабры № 76/9 "Микрокредиттик компанияларды жана микрокредиттик агенттиктерди түзүү жана алардын иши жөнүндө" Жобону бекитүү тууралуу (КР Улуттук банк Башкармасынын 2021-жылдын 28-сентябрындагы № 2021-П-33/53-8-(НФКУ) токтомунун редакциясына ылайык) Кыргыз Республикасынын "Кыргыз Республикасынын Улуттук банкы жөнүндө" Мыйзамынын 7 жана 43-беренелерине ылайык Кыргыз Республикасынын Улуттук банк Башкармасы токтом кылат:

1. "Микрокредиттик компанияларды жана микрокредиттик агенттиктерди түзүү жана алардын иши жөнүндө" жобо (кошо тиркелет) бекитилсин.

2. Төмөнкүлөр күчүн жоготкон катары таанылсын:

- 2002-жылдын 11-сентябрындагы № 37/2 "Кыргыз Республикасындагы микрокредиттик компанияларды жана микрокредиттик агенттиктерди түзүү жөнүндө" жобосу тууралуу" Кыргыз Республикасынын Улуттук банк Башкармасынын токтому;

- 2006-жылдын 28-июнундагы № 19/4 "Кыргыз Республикасынын Улуттук банкынын айрым ченемдик актылары жөнүндө" Кыргыз Республикасынын Улуттук банк Башкармасынын токтомунун 2-пунктунун экинчи абзацы жана Кыргыз Республикасынын Улуттук банкынын айрым ченемдик актыларына карата өзгөртүүлөрдүн жана толуктоолордун I-бөлүгү;

- 2008-жылдын 29-февралындагы № 9/1 "Кыргыз Республикасынын Улуттук банк Башкармасынын "2002-жылдын 11-сентябрындагы № 37/2 "Кыргыз Республикасында микрокредиттик компанияларды жана микрокредиттик агенттиктерди түзүү жөнүндө" убактылуу жобо тууралуу" токтомуна өзгөртүүлөрдү жана толуктоолорду киргизүү жөнүндө" Кыргыз Республикасынын Улуттук банк Башкармасынын токтому;

- 2010-жылдын 28-декабрындагы № 95/5 "Улуттук банк Башкармасы тарабынан 2002-жылдын 11-сентябрында кабыл алынган, Кыргыз Республикасынын Юстиция министрлигинде 2002-жылдын 25-октябрында 135-02 номеринде каттоодон өткөртүлгөн № 37/2 "Микрокредиттик компанияларды жана микрокредиттик агентстволорду түзүү жөнүндө" жобо тууралуу" токтомго өзгөртүүлөрдү жана толуктоолорду киргизүү жөнүндө" Кыргыз Республикасынын Улуттук банк Башкармасынын токтому;

- 2012-жылдын 25-апрелиндеги № 18/9 "Кыргыз Республикасынын Улуттук банкынын айрым ченемдик укуктук актыларына өзгөртүүлөрдү жана толуктоолорду киргизүү тууралуу" Кыргыз Республикасынын Улуттук банк Башкармасынын токтомуна карата тиркемесинин 20-пункту;

- 2012-жылдын 11-июлундагы № 29/5 "Кыргыз Республикасынын Улуттук банкынын микрофинансылык компаниялардын ишин жөнгө салуу боюнча айрым ченемдик укуктук актыларына өзгөртүүлөрдү жана толуктоолорду киргизүү тууралуу" Кыргыз Республикасынын Улуттук банк Башкармасынын токтомунун 1-пунктунун экинчи абзацы жана ушул токтомуна карата тиркемесинин 1-пункту;

- 2013-жылдын 25-сентябрындагы № 35/17 "Кыргыз Республикасынын Улуттук банкынын микрофинансылык уюмдардын ишин жөнгө салган айрым ченемдик укуктук актыларына толуктоолорду киргизүү жөнүндө" Кыргыз Республикасынын Улуттук банк Башкармасынын токтомуна карата 1-тиркемесинин 1-пункту;

- 2013-жылдын 23-декабрындагы № 52/8 "Кыргыз Республикасынын Улуттук банкынын айрым ченемдик укуктук актыларына өзгөртүүлөрдү жана толуктоолорду киргизүү жөнүндө" Кыргыз Республикасынын Улуттук банк Башкармасынын токтомунун 1-пунктунун 1-пунктчасы жана ушул токтомуна карата тиркемесинин 1-пункту;

- 2014-жылдын 24-декабрындагы № 58/16 "Кыргыз Республикасынын Улуттук банк Башкармасынын айрым токтомдоруна өзгөртүүлөрдү жана толуктоолорду киргизүү жөнүндө" Кыргыз Республикасынын Улуттук банк Башкармасынын токтомунун 1-пунктунун төртүнчү абзацы жана ушул токтомуна карата 1-тиркемесинин 1-пункту;

- 2015-жылдын 14-октябрындагы № 62/1 "Улуттук банк Башкармасынын айрым токтомдоруна өзгөртүүлөрдү жана толуктоолорду киргизүү тууралуу" Кыргыз Республикасынын Улуттук банк Башкармасынын токтомунун 1-пунктунун үчүнчү абзацы жана Улуттук банк Башкармасынын айрым токтомдоруна өзгөртүүлөрдүн жана толуктоолордун II-бөлүгү.

3. Юридика башкармалыгы:

- ушул токтомду Кыргыз Республикасынын Улуттук банктын расмий сайтында жарыяланышын камсыз кылсын;

- расмий жарыялангандан кийин ушул токтомду Кыргыз Республикасынын ченемдик укуктук актыларынын мамлекеттик реестрине чагылдырылышы үчүн Кыргыз Республикасынын Юстиция министрлигине жөнөтсүн.

4. Ушул токтом 2016-жылдын 10-февралынан баштап күчүнө кирет.

5. Көзөмөл методологиясы жана лицензиялоо башкармалыгы ушул токтом менен Кыргыз Республикасынын Улуттук банкынын тиешелүү түзүмдүк бөлүмдөрүн, областтык башкармалыктарын жана Улуттук банктын Баткен областындагы өкүлчүлүгүн, Кыргыз Республикасында иштеп жаткан микрокредиттик компанияларын жана микрокредиттик агенттиктерин, алардын бирикмелерин (ассоциацияларын) тааныштырсын.

6. Ушул токтомдун аткарылышына контролдукту жүзөгө ашыруу милдети Кыргыз Республикасынын Улуттук банкынын Төрагасынын орун басары айым Л.Дж.Орозбаевага ыйгарылсын.

Төрага

Т.Абдыгулов