30-статья. Маданий институттун иш жүргүзүшү

Маданий институт катталган учурдан тартып юридикалык жак болуп

эсептелет, өзүнүн атынан иш жүргүзөт, чарбалык эсептин принциптеринде

аракеттенүүгө жана өз алдынча баланска ээ болууга укуктуу.

Түзүүчү жана маданий институттун ортосундагы мамилелер устав же

башка контрактык документтер менен аныкталат.

Эгерде уставдан тышкаркы чарбалык иш анын уставдык ишине зыян кел-

тирбесе маданий институт уставдык ишин финансылоонун булактарын толук-

тоого багытталган ар кандай уставдан тышкары чарбалык ишти жүргүзө

алат.

Маданий институт убактылуу кесиптик жагынан иштебей калган жана

жумушсуз калган, кесиптик чыгармачылык коллектив аргасыздан иш

жүргүзбөй калган, ошондой эле кесиптик травма алган жана ооруп калган

учурлардагы мезгилге компенсация берүүнү караган медициналык жана соци-

алдык камсыздандыруу фондуларына белгиленген чегерүүлөрдү жүргүзүүгө

милдеттүү.

Маданий институттун жетекчиси катары жумушка кабыл алуу, дайындоо,

шайлоо же бул кызматты конкурстук негизде ээлөө жолу аркылуу жүзөгө

ашырылат жана ал түзүүчүнүн укугу болуп саналат. Башка кызматкерлер

(техникалык жана тейлөө персоналынан башкалары) басымдуу түрдө конкурс-

тук негизде контракт түзүү менен жумушка алынат.

Маданий институттун чыгармачылык ишине байланыштуу маселелерди

чечүүдө кесиптик чыгармачыл кызматкерлердин пикирине артыкчылык бери-

лет.