# КР Жогорку Кеңешинин 2014-жылдын 11-декабрындагы № 4580-V "2013-жыл үчүн Кыргыз Республикасынын республикалык бюджетинин аткарылышы жөнүндө отчетту бекитүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө" токтому - Толук аталышы: КР Жогорку Кеңешинин 2014-жылдын 11-декабрындагы № 4580-V "2013-жыл үчүн Кыргыз Республикасынын республикалык бюджетинин аткарылышы жөнүндө отчетту бекитүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө" токтому - Актынын түрү: Постановление - Номери: 4580-V - Кабыл алынган күнү: 11.12.2014 - Статусу: Күчүндө - Редакциянын күнү: 11.12.2014 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 11.12.2014 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Жогорку Кеңешинин 2014-жылдын 11-декабрындагы № 4580-V "2013-жыл үчүн Кыргыз Республикасынын республикалык бюджетинин аткарылышы жөнүндө отчетту бекитүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө" токтому (11.12.2014 редакциясы) - https://aqlex.ai/kg/doc/75586 --- КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2014-жылдын 11-декабры № 4580-V "2013-жыл үчүн Кыргыз Республикасынын республикалык бюджетинин аткарылышы жөнүндө отчетту бекитүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө Кыргыз Республикасынын Жогорку Кеңеши ТОКТОМ КЫЛАТ: 1. Кыргыз Республикасынын Өкмөтү тарабынан демилгеленген (2014-жылдын 13-майындагы № 258 токтому) "2013-жыл үчүн Кыргыз Республикасынын республикалык бюджетинин аткарылышы жөнүндө отчетту бекитүү тууралуу" Кыргыз Республикасынын Мыйзамынын долбоору биринчи окууда кабыл алынсын. 2. Кыргыз Республикасынын Өкмөтү: республикалык бюджетке кирешелердин толук жана өз убагында түшүүсүн камсыз кылуу боюнча чаралардын комплексин иштеп чыксын; төмөндөгү чараларды кабыл алсын: - бюджеттик каражаттарды максатсыз, натыйжасыз жана негизсиз пайдалануунун алдын алуу боюнча; - 2013-жыл үчүн Кыргыз Республикасынын республикалык бюджетин түзүү жана аткаруу боюнча Кыргыз Республикасынын Эсептөө палатасынын аудитинде белгиленген, финансылык бузууларга жол берген министрликтердин жана ведомстволордун жетекчилерине карата; - акциялардын мамлекеттик пакетине түшкөн дивиденддердин республикалык бюджетке толук түшүүсүн камсыз кылуунун механизмин иштеп чыгуу, алардын толук жана өз убагында төлөнүшү үчүн мониторинг жүргүзүү боюнча; - мамлекеттик баалуу кагаздарды пайдалануунун максатка ылайыктуулугун жана натыйжалуулугун эске алуу менен аларды чыгарууну чектөө боюнча; - бюджеттик маселелерди жөнгө салуу боюнча мыйзамдарды бекем сактоо боюнча; - Кыргыз Республикасынын Эсептөө палатасынын аудитинде аныкталган бюджеттик каражаттарды толук калыбына келтирүү боюнча; - салыктык карыздарды кыскартуу боюнча; - финансылык жөнгө салууга тийиштүү белгиленген нормативдерди тескөөнү күчөтүү боюнча. 3. Кыргыз Республикасынын Эсептөө палатасы төмөндөгүлөр боюнча аудит жүргүзсүн: - 2013-2014 жылдар үчүн Токтогул ГЭС каскадынан иштелип чыккан электроэнергиясынын каскаддан чыккан суу ресурстарынын көлөмүнө дал келүүсүн; - ташылып чыккан алтын кен концентраттарынын республикалык бюджеттин кирешесине түшүүсүнүн 2013-2014-жылдар үчүн аны импорттоонун көлөмүнө ылайык келүүсүн. 4. Ушул токтомдун аткарылышын контролдоо Кыргыз Республикасынын Жогорку Кеңешинин Бюджет^кзда финансы боюнча комитетке жүктөлсүн. Төрага А.Жээнбеков