# КР Жогорку Кеңешинин 2008-жылдын 18-декабрындагы № 826-IV ""Кыргыз Республикасынын 2007-жылдагы республикалык бюджетинин аткарылышы жөнүндө отчетту бекитүү тууралу" Кыргыз Республикасынын Мыйзамын кабыл алуу жөнүндө" токтому

- Толук аталышы: КР Жогорку Кеңешинин 2008-жылдын 18-декабрындагы № 826-IV ""Кыргыз Республикасынын 2007-жылдагы республикалык бюджетинин аткарылышы жөнүндө отчетту бекитүү тууралу" Кыргыз Республикасынын Мыйзамын кабыл алуу жөнүндө" токтому
- Актынын түрү: Постановление
- Номери: 826-IV
- Кабыл алынган күнү: 18.12.2008
- Статусу: Күчүндө
- Редакциянын күнү: 18.12.2008
- Тексттин тили: кыргыз тили
- aqlex'теги барагы: <https://aqlex.ai/kg/doc/74965>
- Расмий булак: <https://cbd.minjust.gov.kg/6-7112/edition/540744/ru>
- Башка тилдеги тексти (Markdown): <https://aqlex.ai/doc/74965.md>

> Текст расмий булактын маалыматы боюнча 18.12.2008 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Жогорку Кеңешинин 2008-жылдын 18-декабрындагы № 826-IV ""Кыргыз Республикасынын 2007-жылдагы республикалык бюджетинин аткарылышы жөнүндө отчетту бекитүү тууралу" Кыргыз Республикасынын Мыйзамын кабыл алуу жөнүндө" токтому (18.12.2008 редакциясы) - https://aqlex.ai/kg/doc/74965

---

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2008-жылдын 18-декабры № 826-IV "Кыргыз Республикасынын 2007-жылдагы республикалык бюджетинин аткарылышы жөнүндө отчетту бекитүү тууралу" Кыргыз Республикасынын Мыйзамын кабыл алуу жөнүндө

Кыргыз Республикасынын Жогорку Кеңеши ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2008-жылдын 16-майындагы № 231 токтом) "Кыргыз Республикасынын 2007-жылдагы республикалык бюджетинин аткарылышы жөнүндө отчетту бекитүү тууралу" Кыргыз Республикасынын Мыйзамы кабыл алынсын.

2. Кыргыз Республикасынын Өкмөтү:

бюджет мыйзамдарынын жоболорунун так сакталышын камсыз кылып, бюджеттик ассигнованиелердин сарамжал жана максаттуу пайдаланылышын контролдоону күчөтсүн; анын ичинде Кыргыз Республикасынын Каржы министрлигинин алдындагы Экономиканы өнүктүрүүнүн мамлекеттик фондунун багыты боюнча чарба жүргүзүүчү субъекттерге берилген, мыйзамсыз пайдаланылган бюджеттик каражаттарды, ссудаларды жана кредиттерди кайтарып алуунун толуктугун камсыз кылсын; төмөнкүдөй практиканы токтотсун:

- салык жана бажы төлөмдөрү боюнча негизсиз салыктык жана бажылык бошотуулар, жеңилдиктер жана төлөө мөөнөтүн кийинкиге калтыруулар берүүнүн;

- мурда берилген кредиттерди тындыруу боюнча милдеттенмелерди аткарбаганда чарба жүргүзүүчү субъекттерге ссудаларды жана кредиттерди күрөөлүк камсыз кылуусуз берүүнүн;

мамлекеттик карызды кыскартуу боюнча чараларды көрсүн жана 2009-жылдын биринчи кварталынын жыйынтыгы боюнча Жогорку Кеңешке мамлекеттик карызды тейлөөнүн абалы жана өз кепилдиги менен Кыргыз Республикасынын Өкмөтү тарабынан алынган заемдук каражаттардын бардык түрлөрүн кыйла натыйжалуу пайдалануу үчүн көрүлүп жаткан чаралар жөнүндө отчет берсин; 2007-жылдагы республикалык бюджеттин аткарылышы боюнча Кыргыз Республикасынын Эсептөө палатасынын аудитинин материалдарында көрсөтүлгөн каржылык тартип бузууларды жана кемчиликтерди четтетүү боюнча көрүлгөн чаралар жөнүндө маалыматты Кыргыз Республикасынын Жогорку Кеңешине 2009-жылдын 1-апрелине карата берсин.

3. Ушул токтомдун аткарылышын контролдоо Кыргыз Республикасынын Жогорку Кеңешинин Экономика, бюджет жана каржы боюнча комитетине (А.А.Шадиев) жүктөлсүн.

Төрага

А.Тагаев