38-статья. Кыргыз Республикасынын Улуттук илимдер фондусу

Илим менен техниканын артыкчылык берилген жана жањы багыттарын өнүктүрүүнү камсыз кылуу, келечектүү иштеп чыгууларды өндүрүшкө жайыл- туу үчүн Кыргыз Республикасынын Өкмөтүнүн алдында, же Өкмөт тарабынан бийлик укугу берилген органдын алдында Улуттук илимдер фондусу түзүлөт. Кыргыз Республикасынын Улуттук илимдер фондусунун каражаттары: фундаменталдуу, иликтенүүчү (кооптуу) прикладдык илимий изилдөөлөрдү жана республикалык максаттуу илимий-техникалык программа- ларды финансылоого; республиканын регионалдык илимий борборлоруна илимий-техникалык мүмкүнчүлүктү өнүктүрүүгө жана айрым окумуштууларга жардам көрсөтүүгө; илим менен техниканын келечектүү жана жањы багыттары боюнча илимий кадрларды даярдоо программаларын ишке ашырууга багытталат, буга кадр- ларды чет өлкөлөрдө даярдоо жана кайра даярдоо кирет. Улуттук илимдер фондусунан каражаттарды алууда фундаменталдуу или- мий изилдөөлөргө артыкчылык берилип, аларды финансылоого Фондунун кара- жаттарынын басымдуу көпчүлүгү жумшалат. Менчигинин түрүнө карабастан илим-изилдөө мекемелерине, жогорку окуу жайларына жана башка уюмдарга, ошондой эле айрым изилдөөлөргө кон- курс тартибинде, көз карандысыз экспертизанын негизинде Кыргыз Респуб- ликасынын Улуттук илимдер фондусунун каражаттарын алууга бирдей жол бе- рилет. Кыргыз Республикасынын Улуттук илимдер фондусу жөнүндө Жобо Кыргыз Республикасынын Өкмөтү тарабынан бекитилет.