# КР Жогорку Кенешинин 2012-жылдын 27-декабрындагы № 2648-V "Кыргыз Республикасынын Мамлекеттик гимни жөнүндө" токтому - Толук аталышы: КР Жогорку Кенешинин 2012-жылдын 27-декабрындагы № 2648-V "Кыргыз Республикасынын Мамлекеттик гимни жөнүндө" токтому - Актынын түрү: Постановление - Номери: 2648-V - Кабыл алынган күнү: 27.12.2012 - Статусу: Күчүндө - Редакциянын күнү: 27.12.2012 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 27.12.2012 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Жогорку Кенешинин 2012-жылдын 27-декабрындагы № 2648-V "Кыргыз Республикасынын Мамлекеттик гимни жөнүндө" токтому (27.12.2012 редакциясы) - https://aqlex.ai/kg/doc/72290 --- КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2012-жылдын 27-декабры № 2648-V Кыргыз Республикасынын Мамлекеттик гимни жөнүндө Кыргыз Республикасынын Жогорку Кеңеши ТОКТОМ КЫЛАТ: 1. 1992-жылдын 18-декабрындагы № 1141-ХII "Кыргыз Республикасынын Мамлекеттик гимни жөнүндө" Кыргыз Республикасынын Жогорку Кеңешинин токтому менен бекитилген Кыргыз Республикасынын Мамлекеттик гимни Кыргыз Республикасынын Жогорку Кеңешинин 2011-жылдын 25-мартындагы № 272-V токтому менен түзүлгөн Кыргыз Республикасынын Мамлекеттик гимнинин текстин жана Мамлекеттик желегинин сырткы көрүнүшүн өзгөртүү боюнча комиссия тарабынан киргизилген жаңы редакцияда тиркемеге ылайык баяндалсын. 2. Кыргыз Республикасынын Өкмөтү үч айлык мөөнөттө: ушул токтомдон келип чыгуучу зарыл чараларды көрсүн; ушул токтомду аткаруу боюнча чаралар жөнүндө Кыргыз Республикасынын Жогорку Кеңешине маалымдасын. 3. Ушул токтомдун аткарылышын контролдоо Кыргыз Республикасынын Жогорку Кеңешинин багыттык комитеттерине жүктөлсүн. Кыргыз Республикасынын Жогорку Кеңешинин 2012-жылдын 27-декабрындагы № 2648-V токтомуна тиркеме КЫРГЫЗ РЕСПУБЛИКАСЫНЫН МАМЛЕКЕТТИК ГИМНИ Сөзү: Ж.Садыковдуку жана Ш.Кулуевдики Музыкасы: Н.Давлесовдуку жана К.Молдобасановдуку Ак мөңгүлүү аска, зоолор, талаалар, Элибиздин жаны менен барабар. Сансыз кылым Ала-Тоосун мекендеп, Сактап келди биздин ата-бабалар. Кайырма: Алгалай бер, кыргыз эл, Азаттыктын жолунда. Өркүндөй бер, өсө бер, Өз тагдырың колуңда. Аткарылып элдин үмүт тилеги, Желбиреди эркиндиктин желеги. Бизге жеткен ата салтын, мурасын, Ыйык сактап урпактарга берели. Кайырма: Алгалай бер, кыргыз эл, Азаттыктын жолунда. Өркүндөй бер, өсө бер, Өз тагдырың колуңда. Төрага А.Жээнбеков