КР Жогорку кенешинин «Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө» Кыргыз Республикасынын Мыйзамына өзгөртүүлөр киргизүү тууралуу» Кыргыз Республикасынын Мыйзамынын долбоорун биринчи окууда кабыл алуу жөнүндө

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2011-жылдын 14-октябры № 1164-V "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамына өзгөртүүлөр киргизүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө Кыргыз Республикасынын Жогорку Кеңеши ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2011-жылдын 23-сентябрындагы № 602 токтом) "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамына өзгөртүүлөр киргизүү тууралуу" Кыргыз Республикасынын Мыйзамынын долбоору 2011-жылга республикалык бюджеттин төмөнкү негизги параметрлери менен биринчи окууда кабыл алынсын:

- республикалык бюджеттин кирешелери боюнча 68299336,4 миң сом (өнүктүрүү бюджетинин алкагындагы суммасы 5436778,1 миң сом гранттык каражаттарды кошуп алганда) жалпы суммада;

- республикалык бюджеттин чыгашалары боюнча 89095214,8 миң сом жалпы суммада;

- Кыргыз Республикасынын республикалык бюджетинин тартыштыгынын эң жогорку өлчөмү 20795878,4 миң сом суммасында.

2. Кыргыз Республикасынын Өкмөтү:

- "2011-жылдын 3-мартындагы № 219-V "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзамынын долбоорун экинчи окууда кабыл алуу тууралуу" Кыргыз Республикасынын Жогорку Кеңешинин токтомунун аткарылышы жөнүндө маалымат берсин;

- Кыргыз Республикасынын Улуттук илимдер академиясы үчүн жаңы технологияларды жайылтууга, ошондой эле Кыргыз Республикасынын Жаштар иштери боюнча министрлиги үчүн Жаштардын демилгелерин колдоонун республикалык фондун түзүүгө каралган каражаттарды толук каржылоону камсыз кылсын.

3. Бюджет жана финансы боюнча Кыргыз Республикасынын Жогорку Кеңешинин комитети (А.Ү.Жапаров) жогоруда көрсөтүлгөн Мыйзамдын долбоорун депутаттардын сын-пикирлерин жана сунуштарын эске алуу менен жеткире иштеп чыксын жана экинчи окууда кароо үчүн Кыргыз Республикасынын Жогорку Кеңешине киргизсин.

Төрага

А.Келдибеков