# 16-2-статья. Ок атуучу куралды колдонуу - Документ: [Кыргыз Республикасындагы жекече детективдик жана күзөт ишмердиги жөнүндө](https://aqlex.ai/kg/doc/642) - Документтеги орду: V Бөлүм - Толук аталышы: Кыргыз Республикасынын 1996-жылдын 1-июлундагы № 35 "Кыргыз Республикасындагы жекече детективдик жана күзөт ишмердиги жөнүндө" Мыйзамы - Актынын түрү: Закон - Номери: 35 - Кабыл алынган күнү: 01.07.1996 - Статусу: Күчүндө - Редакциянын күнү: 25.11.2022 - Тексттин тили: кыргыз тили - aqlex'теги барагы: - Расмий булак: > Текст расмий булактын маалыматы боюнча 25.11.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасындагы жекече детективдик жана күзөт ишмердиги жөнүндө, 16-2-статья (25.11.2022 редакциясы) - https://aqlex.ai/kg/doc/642/st-16-2 --- Күзөтчүлөр төмөнкү учурларда: 1) анын өз өмүрүнө түздөн-түз коркунуч туулганда кол салууга сокку берүү үчүн; 2) кайтарып турган менчикке тобу менен же куралдуу кол салууга сскку берүү үчүн; 3) курал колдонуу ниети тууралу эскертүү үчүн (асманга атуу менен), ошондой эле айгай салууга сигнал берүү, же жардам чакыруу үчүн ок атуучу куралды колдонууга укуктуу. Аларга куралдуу каршылык көрсөткөн, же күзөтчүнүн өмүрүнө же кайтарып турган менчикке коркунуч туудуруп куралдуу же тобу менен кол салган, ошондой эле бир топ адамдар топтолгондо курал колдонуудан бөлөк аламдар жабыр тартышы мүмкүн болгон учурлардан тышкары ок атуучу куралды аялдарга, бир караганда эле майыптыгы билинген адамдарга жана жашы жетелектерге, алардын курагы билинип турганда же күзөтчүгө белгилүү болсо колдонууга тыюу салынат. Ок атуучу курал колдонулган ар бир учурда күзөтчү курал колдонулган жердеги лицензиарга токтоосуз билдирүүгө милдетүү. --- Мурунку берене: [16-1-статья](https://aqlex.ai/kg/doc/642/st-16-1) Кийинки берене: [17-статья](https://aqlex.ai/kg/doc/642/st-17)