30-статья

1. Ченемдик укуктук актылардын долбоорлорун Кыргыз Республикасынын

Президентине, Кыргыз Республикасынын Өкмөтүнө киргизүүнүн алдында алар

милдеттүү түрдө Кыргыз Республикасынын Юстиция министрлиги менен, мам-

лекеттин кирешелеринин азайышын же чыгымдарынын көбөйүшүн караштырган

маселелер боюнча - Кыргыз Республикасынын Финансы министрлиги менен иш-

кердикти өнүктүрүү боюнча ыйгарым укуктуу мамлекеттик органы менен иш-

кердик субъекттеринин ишин жөнгө салууга багытталган, ошондой эле та-

ламдаш министрликтер, мамлекеттик комитет, мамлекеттик комитеттер жана

администрациялык ведомстволор менен макулдашылууга тийиш.

2. Республикалык бюджет жөнүндө мыйзамга өзгөртүүлөр, салыктарды

киргизүү же жокко чыгаруу жөнүндө, аларды төлөөдөн бошотуу, мамлекеттин

финансылык милдеттенмелерин өзгөртүү тууралу мыйзамдардын долбоорлору,

мамлекеттик бюджеттин эсебинен жабылуучу чыгымдарды көбөйтүүнү, болбосо

анын киреше бөлүгүн азайтууну кароочу башка мыйзамдардын долбоорлору

Кыргыз Республикасынын Өкмөтүнүн макулдугу менен гана кабыл алынышы

мүмкүн.