КР Президентинин «Т.К.Жусубалиев, Т.Суранбаев жөнүндө» жарлыгы

КЫРГЫЗ РЕСПУБЛИКАСЫНЫН ПРЕЗИДЕНТИ ЖАРЛЫК 2009-жылдын 10-декабры ПЖ № 568

Т.К.Жусубалиев, Т.Суранбаев жөнүндө

Кыргыз Республикасынын Конституциясынын 46-беренесинин 2-пунктунун 3-пунктчасына, 84-беренесинин 1-, 4-пункттарына, "Кыргыз Республикасынын судьяларынын статусу жөнүндө" Кыргыз Республикасынын Конституциялык мыйзамынын 26-беренесинин 2-бөлүгүнүн 8-пунктуна ылайык, Кыргыз Республикасынын Судьялар кеңешинин жана Кыргыз Республикасынын сот адилеттик иштери боюнча Улуттук кеңешинин Кыргыз Республикасынын жергиликтүү сотторунун судьяларынын кынтыксыз эмес жүрүм-туруму жөнүндө чечимдерин эске алып, ТОКТОМ КЫЛАТ:

1. Төмөнкүлөр:

- Баткен облустук сотунун төрагасынын ыйгарым укуктарын ишке ашырып жаткан Жусубалиев Табылды Кудайбердиевич - Кыргыз Республикасыны жергиликтүү сотунун судьясынын кызматынан;

- Ош облусунун Кара-Суу райондук сотунун төрагасынын ыйгарым укуктарын ишке ашырып жаткан Суранбаев Турдубек - Кыргыз Республикасынын жергиликтүү сотунун судьясынын кызматынан мөөнөтүнөн мурда бошотулсун.

2. Бул Жарлык кол коюлган күндөн тартып күчүнө кирет.

Кыргыз Республикасынын Президенти

К.Бакиев